الموضوع: ليه المصريين بيزعقوا دايما سواء غلطانين ولا مجنى عليهم ؟

المشاركة الأصلية كتبت بواسطة windofchange

بس انا مفهمتش هو خبطك من ورا ولا من الامام ؟ اعتقد لو من الامام وانتي طالعة بظهر العربية يبقي هو اكيد غلطان....... بعد ماطلعتي بالعربية انتي كنتي راكنة عمودي عالرصيف بوش العربية,, ده اللي فهمته ومتفق معاك جداا وحمدلله علي السلامه

انا بردوا معرفش الحقيقة وربنا يسلمك من كل شر ويمكن كان متعصب زى ما بعض الاخوة قالوا فعلا علشان هو اللى وقع

رايي في المشكله دي ان فيه حاجة مسلم بيها ان لو عجله خبطت واحد ماشي يبقي صاحب العجله اللي غلطان ولو موتوسيكل خبط عجله يبقي الموتوسكل اللي غلطان ولو عربية ضربت موتوسكل يبقي العربيه صاحبالعربية اللي غلطان كدا وش
النقطة التانيه ان الناس متحفزة عمال علي بطال خصوصا لو طرف ادرك ان الطرف التاني ضعيف ومامون العواقب فخدهم بالصوت ليغلبوكم
ثالثا بعض الناس عندها فكرة ان اللي راكب حاجة غالية عاوز يدوس ع الناس فمثلا لو عربيتين اصطدمو كل الناس يقولو صاحب المرسيدس عاوز يدوس بتاع الفيات -- ماهو مش ابن تسعة زينا
انا شايف ان الامر مادام موصلش لضرر يبقي الحمد لله
لو فيه ضرر نقعد بقي نشوف مين السبب
واقترح ان يكون هناك شركات متخصصة في الحوادث لمعرفة المتسبب في الضرر وتكون طرف حيادي وان التامين ع المركبات يكون اجباري لمنع العراك والاشتباكات بين المواطنين

المشاركة الأصلية كتبت بواسطة alysalim

رايي في المشكله دي ان فيه حاجة مسلم بيها ان لو عجله خبطت واحد ماشي يبقي صاحب العجله اللي غلطان ولو موتوسيكل خبط عجله يبقي الموتوسكل اللي غلطان ولو عربية ضربت موتوسكل يبقي العربيه صاحبالعربية اللي غلطان كدا وش
النقطة التانيه ان الناس متحفزة عمال علي بطال خصوصا لو طرف ادرك ان الطرف التاني ضعيف ومامون العواقب فخدهم بالصوت ليغلبوكم
ثالثا بعض الناس عندها فكرة ان اللي راكب حاجة غالية عاوز يدوس ع الناس فمثلا لو عربيتين اصطدمو كل الناس يقولو صاحب المرسيدس عاوز يدوس بتاع الفيات -- ماهو مش ابن تسعة زينا
انا شايف ان الامر مادام موصلش لضرر يبقي الحمد لله
لو فيه ضرر نقعد بقي نشوف مين السبب
واقترح ان يكون هناك شركات متخصصة في الحوادث لمعرفة المتسبب في الضرر وتكون طرف حيادي وان التامين ع المركبات يكون اجباري لمنع العراك والاشتباكات بين المواطنين

معاك حق كمان مفروض يبقى فى حد بيفهم يحكم صح مين الغلطان لان الكل بينصب من نفسه حاكم وقاضى وقت وقوع الحادثة بدون علم ولا فهم وممكن يكون عمره ما ساق ولا ركب عربية ويقولك لا كده غلط وكده صح بالشكل كده وشعبنا حشرى اساسا يغيظ لما يتحشر فى اللى ملوش فيه وينصب من نفسه قاضى

انا مره كنت ماشي و لقيت توكتوك جه من جنبي و قعد يجي يمين و شمال قدامي و مش مخليني اعدي منه و بعد كده راح واقف و نازل منه واحد شكله بلطجي لقيته جي بيقولي ايه اللي انتا عملته ده كسرت عليا و قعد يزعق رحت نازله من العربيه و ساحب ماسوره حديد بشيلها معايا علطول من بعد الثوره و قلتله أأمر راح بصص للماسوره الحديد و راح ركب التوكتوك و مشي - في اشكال مينفعش معاها الزوق

قله ادب من بعض فئات الشعب

مع احترامي لاراء كل الناس
بس يا ريت تخدوا بالكم من الكلام اللي أنا معلمه ده و احكموا بعدها من الغلطان :)

المشاركة الأصلية كتبت بواسطة noga28

السلام عليكم

امبارح كنت راكنة فى شارع فيصل يمين وجيت اطلع اديت اشاره شمال يعنى انا طالعة وكنت طبعا ببص فى المراية جنبى واشوف الطريق المهم وانا لسة بطلع لقيت موتسيكل خبطنى مش عارفة بصراحة هو اتخبط من ورا ولا دخل فى من قدام ( يعنى معرفش هو اتخبط من ورا ولا هو خبطنى من قدام بعجلته الاولانية لانه اتخبط فى العجلة القدام عندى ) المهم الراجل نط بالموتوسيكل قدام كان معاه راجل تانى راكب وراه قاموا الاتنين

ممكن أسأل حضرتك سؤال ؟؟
إزاي بصيتي في المراية و مشوفتيش إنه جاي ؟؟!!!!
و تاني حاجة من كلام حضرتك 'الراجل نط بالموتوسيكل قدام '
يعني حضرتك خبطآه من ورا لأن لو هو خابتك من قدام كان وقع قبل العربية مش بعدها

تالت حاجة ,حتى لو هو اللي خابط
المفروض إن دي حارته و حضرتك المفروض تستني لحد ما الحارة تفضى عشان تطلعي
مش زي ما حضرتك قلتي 'شايفنى مدية اشاره وطالعة مفروض يبص ويحاول يبعد عنى خصوصا الشارع مكنش زحمة والحركة شغاله مش الشارع'
هو اللي ليه الأولوية ,حضرتك اللي المفروض تستني :)

المشاركة الأصلية كتبت بواسطة noga28

قاعدة فى العربية ببص وساكتة متخيلة طبعا ان هو اللى خبطنى ومتخيلاه جاى يعتذر لى وقلت فى بالى يابت فكك وكبرى طالما عربيتك سليمة لانى سامعة صوت خبطته فى طاسة العجلة عندى مش فى جسم العربية وقام وقف جه على انا منزلتش من عربيتى اصلا ومش عارفة مين الغلطان فينا او نقدر نقول انى وقتها كنت متاكدة ان هو اللى غلطان ولما روحت البيت فكرت قلت يمكن اكون انا اللى خبطته من ورا ورجعت قلت طيب هو شايفنى مدية اشاره وطالعة مفروض يبص ويحاول يبعد عنى خصوصا الشارع مكنش زحمة والحركة شغاله مش الشارع واقف انا شفته غير قابل للتفاهم وبيحاول يمد ايده جوة على وانا فى عربيتى وفاتحة حتة من الازاز بكلمه

ليه حق طبعا يتعصب ,بس ملوش حق يمد ايده في العربية
و لو كان اتكلم بالذوق كان اخد حقه
بس حضرتك حُطي نفسك مكانه ,ده لسة طاير من على الموتسيكل :)

المشاركة الأصلية كتبت بواسطة noga28

ولسة هقوله سلامتك لقيته همجى اوى رحت دايسة بنزين وطالعة كان فى ناس تعرفنى فى الشارع قالولى انه اخد رقم العربية قلت لهم وانا عملت له ايه ماهو كان واقف بيكلم على رجليه هيعمل ايه برقم عربيتى هيقول انى قتلته يعنى الموتوسيكل قام شغال وهو سليم يعنى هيروح اصلا يقول ايه ثم انى كنت هتكلم ولقيته همجى فقرفت من الاول ودوست بنزين وسبته ضميرى دلوقتى مانبنى لاكون انا الغلطانه فيه ويكون غلبان وموتوسيكله حصله شىء بس لما قالولى انه اخد رقم العربية قلت يشرب بقى طالما عامل ناصح هو متخيل ان رقم العربية هيرعبنى انا اصلا محامية وعارفة القصة هتوصل لايه ممكن الطرف الاخر يجيب الف شاهد انه مخرجش بعربيته اصلا فى الوقت ده يعنى القصة بالادب افضل فعلا من الزعيق والهبل اللى بنعمله والله لو لقيته محترم وكان غلطان كمان كنت هسامح واسكت بس معرفش احنا ليه همج بالشكل ده طيب يفرح بقى بالرقم انا عربيتى مرور القاهرة وانا اصلا عايشة فى الجيزة يعنى اصلا مش هيلاقى حد فى العنوان ده لو اصلا قدر يوصل لاى شىء ولا اصلا حد عمله حاجة انا واثقة ان المحضر لو اتعمل هيتركن وان متركنش حتى هيروح على العنوان انا مش فيه اساسا يعنى لو اتكلم بالادب كان احسن له هو تخيل انى بنت وهخاف منهم علشان هما اتنين رجاله انا سبتهاله خالص هو مكنش متخيل ان فى بنت عندها الجراه تسيبه وتمشى بس انا فعلا اتجرات امشى لانه اسلوبه وحش مش اكتر لقيت انه هيزعق ويقول كلام وحش مش هنزل بمستوايا وارد عليه واقوله زيه قلت له مع نفسك بقى ومشيت ليه بقى مش بنتكلم بالادب؟

طبعا فكرة إنه يخبط دماغه في الحيط و مش هيعرف يعمل حاجة
هي عمرها ما كانت كده ,فيه ربنا اللي أحسن من أي حد
ممكن عربية حضرتك مثلا تتخبط وهي واقفة , وتصلحيها باكتر من الفلوس اللي كنتي هتديهاله مثلا
ده لو كان هو فعلا صاحب حق


أنا بصراحة شايف إن حضرتك اللي غلطانة مش هو