إحذر الردار يعمل :)

**tutankhamoun** · 17-10-2012 05:41 PM

شوف المسافة في الصورة اللي فاتت ما بين العربيات و بعضها و خصوصا النقل و شوف حجم الحارة أد أيه .
و كمان فوق ده كله طريق جميل زي ده السرعة القصوى عليه هي 80 كم - س !!!!

**Ahmed_Adham** · 17-10-2012 10:39 PM

مش أنا حضرت الموقعه النهارده؟ كنت رايح المهندسين والرادار اللي قبل نفق فودافون ده كان شغال الله ينور. ممكن من أول ما لمحته لحد ما وصلت عنده كان صور اربع مرات كده ووأنا راجع كان عمال يصور برضه شكلهم هيعملو كام مليون فى اليومين دول لحد ما الناس تاخد بالها وتقول لبعضيها. المشكله ان كل الناس بتتصور على فروق بسيطه قوي متتعداش 10-15 كيلو بالكتير.

**Formulator** · 18-10-2012 12:22 AM

هى فعلا حاجة تزعل أوى لما تتقفش على سرعة 96 ولا 102 والحاجات دى
- بتحس انه إستغفلك أو خدك على سهو
خصوصا لو كنت مش بتجرى -أو مش قاصد جرى وشد
عارف.. لو إتصورت وانت بتجرى 150-160، مش هتبقى متضايق؟!!
(سواء إتصالحت فورى بـ150 أو روحت لقيتها 300 فـ المخالفات).. بس انت فعلا كنت بتجرى!

والصراحة أنا ماستبعدش انهم بيضبطوها على أرقام limit قريب كده (الطريق 100 يعملها 100-101)
أو بيحطوا الرادار فـ حتت مالهاش حل زى منازل الكبارى أو حتة فيها Slope والعربيات بتجرى فيها؟؟!!!
عشان يلموا فلوس طبعا؟!

- عايز بس أقول حاجة بالنسبة للنظام والإلتزام بالسرعات المقررة للطريق:
(من واحد صاحبى ضابط فـ المراقبة الإلكترونية والتحكم بعمليات -مرور القاهرة).

كان بيقوللى ان أماكن وضع الرادار -الصح بقى مش عشان يلموا فلوس- بتبقى متحددة لكل طريق،
حسب الحتت اللى هو عايز العربيات تهدى فيها -عشان الحوادث- مثلا مطالع ومنازل الدائرى!!
وحتى فـ الطرق الحرة.. برضه بتبقى لمراعاة الأمان (منحدرات أو ملفات أو حته مدى-الرؤية فيها مش كويس)... وكده.

الأغرب بقى
انه قاللى ان فيه حتت عـ الدائرى والمحور.. هو عارف ان العربيات بتجرى فيها جامد،
وهو عايزها تجرى أو تجتاز المنطقة دى بسرعة.. وبيتعمدوا مايحطوش فيها لا رادارت أو عوائق للسير؟؟!!!
عشان السيارات لو بطأت -أو إلتزمت السرعة القانونية- هتعمل زحمة وراها؟؟؟!!!!!!
طبعا لو الكلام ده صح؛ ده برضه نوع من العك!!

بس الصراحة -رأيى الشخصى- اللى عايز (وعارف) يجرى.. يجرى،
من غير risk عـ العربيات والناس اللى معاك فـ الطريق.. وكل واحد على قد إمكانياته كسواق أولا - وعربية ثانيا
رحم الله إمرىء عرف قدر نفسه.

وربنا يسترها علينا من الطريق -والـinfra-red والفلاشات