الموضوع: كل ما تريد معرقته عن الفتيس mmt -- متجدد

عندي كورولا 2009 مبتنقلش من ال n كشفت عليها بكومبيوتر اعطال اداني الاعطال دي
vehicle speed sensor / brake switch circuit / clutch position control error /clutch actuator circuit/ gear shift position control error / high speed can communication bus اللاعطال دي من الاستخدام ولا من عيب الفتيس اللي اسمه n errorيعني انا اللي هصلحه علي حسابي ولا التوكيل اللي هيصلحه مع العلم اني من الزيرو مرحتش التوكيل ولا غيرت قطع وكنت بشم شياط لما اجبر عالعربيه وياريت تردو علي انا محتار وحجذت ف العباسيه من خدمه العملا ومحدش رد علي ومش عارف اكلم العباسيه عاوزلهم رقم شغال لاني من اسوان وانتو عارفين المشوار واسف لللاطاله

استاذ feras_elngar ياريت رقم تليفونك عاوز استفيد من خبراتك واعرف هعمل ايه مع التوكيل

المشاركة الأصلية كتبت بواسطة feras_elngar

السلام عليكم

النهاردة هنتكلم عن مجموعة الدبرياج

واللى بتسميها تويوتا

Adjustable clutch


واللى بيتميز بوجود LCC

Load controlled clutch cover


زى ما تفقنا ان لحماية موتور الكلتش اللى اتكلمنا عنه المشاركة اللى فاتت

الكنترول بيراقب الامبير اللى بيسحبه الموتور

والامبير بيزيد مع تآكل الاسطوانة

ولذلك تم وضع ميكانزم ميكانيكى لتعديل مجموعة الدبرياج لتلافى التغير فى ابعاد القطع مع تاكل الاسطوانة

الجزء اللى بيتآكل من الاسطوانة هو الجزء الملون بالاحمر

حيث تم فصل الديسك Pressure plate الى جزئين

جزء علوى "الجزء الملون بالازرق الفاتح" وده متصل بسوستة الديسك ....... و جزء سفلى "الجزء الملون بالازرق الغامق" وده هو الديسك نفسه او Pressure plate

الجزءين العلوى والسفلى مربوطين مع بعض بواسطة الميكانيزم

وعن طريق الميكانزم ده تقدر تزود من ارتفاع الــ pressure plate عشان تعوض التآكل اللى فى الاسطوانة

بحيث ان الميكانزم بيسبب ان الجزء العلوى يتحرك على الـــ Adjust wedge فيزيد ارتفاع الديسك

اول ما الكنترول يحس بزيادة فى الامبير بيقوم عامل Release او انه يدوس دبرياج بس موش زى العادى لا

بيعمل Release بدرجة كبيرة اكبر من العادى عشان يخللى الميكانزم يشتغل لانه زى ما انتوا شايفين انه عبارة عن زى جريدة مسننة طول ما انت بنتقل غيارات بتتحرك فى حدود ان التروس ما تفوكش من بعضها

انما لما يحب الكنترول يعدل ارتفاع الديسك بيشد جامد ويخرج السنون من بعضها وتقوم مرحلة سنه واحدة كل مرة يحصل فيها تعديل

الصورة اللى جاية بتوريك الوضع قبل دوسة الدبرياج وبعدها بحيث تنفصل سنون الــ pinion عن الــ Upper rack

وبعدين السوسة السفلية تزق الــ upper rack عشان يعشق فى سنة مختلفة

وبعدين يقوم الكنترول يعمل Engage للدبرياج

والتيجة هى حركة الجزء العلوى من الديسك الى اليسار ويتزحلق لفوق بسبب الـ Adjust wedge بحيث ان الارتفاع الكلى يزيد

طبعا الميكانزم ده هيشتغل مرات متعددة ولكنه محدود بعدد السنون ... وبعدها تبدا المشاكل

الحركة اللى بيعملها الفتيس دى لتعديل الدبرياج بيعملها بس بعد ما يحس بارتفاع الامبير وينفذها لما توقف العربية وتطفى الموتور او تدخل فى اللى بتسميها تويوتا
Parking control mode

والــ Modes دى هى اللى هنناقشها بعد كده

طبعا الميكانزم ده يمثل اعتراف من تويوتا ان الديسك بيتآكل بسرعة وان لازم مجموعة الدبرياج تفضل زى ما هى والا الموتور اللى بيحرك الدبرياج موش هيعرف يشتغل

والمجموعة دى اتغيرت لكل الناس مع القطع الجديدة

يتبع باذن الله

vehicle speed sensor / brake switch circuit / clutch position control error /clutch actuator circuit/ gear shift position control error / high speed can communication bus اللاعطال دي من الاستخدام ولا من عيب الفتيس اللي اسمه n errorيعني انا اللي هصلحه علي حسابي ولا التوكيل اللي هيصلحه مع العلم اني من الزيرو مرحتش التوكيل ولا غيرت قطع وكنت بشم شياط لما اجبر عالعربيه وياريت تردو علي انا محتار وحجذت ف العباسيه من خدمه العملا ومحدش رد علي ومش عارف اكلم العباسيه عاوزلهم رقم شغال لاني من اسوان وانتو عارفين المشوار واسف لللاطاله وهل الاعطال اللي انا كاتبها دي ليها علاقه بالقطع المعيوبه اللي غيرها التوكيل ف بدايه ظهور المشكله وللعلم ضماني خلص افيدوني ارجوكم

شرح رائع و لكن سمعة الفيتيس وحشة جدا في السوق و فيه ناس بتغير الفيتيس في التوكيل أو بره

انا رحت وغيرت الفتيس كله
بس حتعدلك 3 ايام كده في العباسيه