الموضوع: تقرير عن الكاوتش و أسعاره فى اسكندرية

أنا نزلت النهاردة عملت لفة تانى على الكاوتش فى اسكندرية لقيت التالى

الأسعار شاملة التركيب و الترصيص و لا تشمل النيتروجين

TURANZA GR-90 يابانى والمرة دى لقيت سرعتها V وسعرها 680

وأخيرا لقيت
TURANZA ER300 ECOPIA وسرعتها V و سعرها 650

ودى مختلفة فى حاجتين عن اللى ركبهم استاذ علاء انها أولا سرعتها أعلى V و انها مكتوب عليها made in italy و لقيت انتاجها الأسبوع السابع من 2012 و على فكرة كلمة ecopia دى مش مكتوبة على التكت اللى ملزوق عليها و طبعا اللى بيبيع و لا يفهم أنا بأقول ايه بس لقيتها مرسومة على شكل لوجو على العجلة

وأيضا أخيرا لقيت

Continental - Conti Premium 2 سرعتها H وتصنيع اوروبى ( سلوفاكى) وانتاج الأسبوع الـ 15 من 2012

وسعرها 600 كده سعرها غالى

أنا كده بين Conti Premium 2 وسعرها لو جبتها من القاهرة تقريبا 520 زى ما استاذ حاتم قالى

أو

TURANZA ER300 ECOPIA وأجيبها من اسكندرية بـ 650 إلا لو روحت تاير منيا فى القاهرة آخدها بـ 610

ايه رأيكم أجيب الكونتننتال و هتفرق معايا فى الطقم تقريبا 350 جنيه و على فكرة الاتنين تقريبا نفس النقشة

Conti Premium 2





TURANZA ER300 ECOPIA





.

ال turanza gr-90 اليابانى ممتازه و فى فرق كبير بينها و بين الحاجات التانيه
اللى عايز يبدل ممكن يعمل إعلان لبيع الإطارات لان مقاسهم بيركب على عربيات تانيه و خاصه ان اللى بيبيعهم بيبيعهم و هما زيرو او لو مفيش امكانيه يبقى يمشى بيهم سنه و لا سنه و نصف و بعد كده يشترى غيرهم لما ربنا يسهل لان اكتر خساره فى البيع بتبقى بعد شهرين تلاته استخدام لان الكاوتش بيبقى جديد لكن بيتباع كانه مستعمل قوى فعمره ما بيجيب سعر كويس

انا عربيتى سوبر صالون 2010 غيرت من حوالى اسبوعين جبت البريدجستون my-01 من عند بريجستون سموحه انا جبت 195/60 موطاش العربية ولا حاجة قبل مايركب جبت فردة من القديمة و الجديدة و حطتهم جمب بعض لقيت ان ال 195/60 اعلى كمان قولت يمكن علشان النقشة لسه جديدة
خلصت و طلعت على فرع رشدى الجديد ظبطت زوايا و بعد 3 ايام رجعت عدت ظبط الزوايا و الترصيص تانى عندهم
بصراحة معندهمش فنين بتفهم خالص الترصيص تعبان جدا و الزوايا عوجلى الطارة و بقت تحدف اكتر من الاول
انا مستنى شوية كده و حنزل اعمل صيانة ال 80.000 فى اتو ايجيبت و اظبط الزوايا عندهم و ارصص عند تاير مانيا بس مش عارف هو قريب من اتوايجبت ولا بعيد عنه
وعلى فكرة الخصم شغال 5% انا اخدته بس واحد حبيبى جابهولى مش علشان الاستيكر بس انا سألتهم على خصم نايل موتورز قالولى موجود

المشاركة الأصلية كتبت بواسطة ahmed.tv

تسلم ايدك يا استاذ عادل .. تقرير ولا اروع
تسلم على افادتك للاعضاء .. وجزاك الله خيرا
الخصومات فى عروض خصم مع تاير منيا لغاية اخر السنة
وفى خصم تقريبا كمان مع بريدج ستون على الكاوتش بس مش فاكر النسبة كام ومش عارف اذا كان مفعل فى فروع بريدج ستون ولالا
وان شاء الله اشوفك بكرة الصبح فى اوتو عشان تعمل الصيانة واتعرف على حضرتك .. فحكون موجود على الساعة 9:30 والف مبروك
تحياتى

الله يكرمك يا باشا يعنى دى حاجة على أدى كده
وان شاء الله هأكلمك و أنا على الطريق لما أقرب و أنا ميعادى على 10:30 ان شاء الله

المشاركة الأصلية كتبت بواسطة mollaelolla

انا حاجز صيانة ال 5000 يوم الاثنين فى ابو رواش فى اوتو ايجبت

طب ما كنت خليتها السبت ياباشا وكانت فرصة نتقابل و نتعرف

المشاركة الأصلية كتبت بواسطة land_cruiser

ال turanza gr-90 اليابانى ممتازه و فى فرق كبير بينها و بين الحاجات التانيه
اللى عايز يبدل ممكن يعمل إعلان لبيع الإطارات لان مقاسهم بيركب على عربيات تانيه و خاصه ان اللى بيبيعهم بيبيعهم و هما زيرو او لو مفيش امكانيه يبقى يمشى بيهم سنه و لا سنه و نصف و بعد كده يشترى غيرهم لما ربنا يسهل لان اكتر خساره فى البيع بتبقى بعد شهرين تلاته استخدام لان الكاوتش بيبقى جديد لكن بيتباع كانه مستعمل قوى فعمره ما بيجيب سعر كويس

ربنا يسهل باللى فيه الخير و شكرا على نصيحتك

المشاركة الأصلية كتبت بواسطة aimank

انا عربيتى سوبر صالون 2010 غيرت من حوالى اسبوعين جبت البريدجستون my-01 من عند بريجستون سموحه انا جبت 195/60 موطاش العربية ولا حاجة قبل مايركب جبت فردة من القديمة و الجديدة و حطتهم جمب بعض لقيت ان ال 195/60 اعلى كمان قولت يمكن علشان النقشة لسه جديدة
خلصت و طلعت على فرع رشدى الجديد ظبطت زوايا و بعد 3 ايام رجعت عدت ظبط الزوايا و الترصيص تانى عندهم
بصراحة معندهمش فنين بتفهم خالص الترصيص تعبان جدا و الزوايا عوجلى الطارة و بقت تحدف اكتر من الاول
انا مستنى شوية كده و حنزل اعمل صيانة ال 80.000 فى اتو ايجيبت و اظبط الزوايا عندهم و ارصص عند تاير مانيا بس مش عارف هو قريب من اتوايجبت ولا بعيد عنه
وعلى فكرة الخصم شغال 5% انا اخدته بس واحد حبيبى جابهولى مش علشان الاستيكر بس انا سألتهم على خصم نايل موتورز قالولى موجود

الشكوى دى فعلا سمعتها أكتر من مرة طب جربت فرع لوران على البحر وفى فرع على أبوقير أمام جامع يحيى
أنا أعرف ان من أحسن الناس فى ظبط الزوايا البنزينة اللى فى سموحة اللى قبل مديرية الأمن هى جنب موبينيل