الموضوع: تقرير عن الكاوتش و أسعاره فى اسكندرية

أنا كنت عملت بحث فى اسكندرية على الكاوتش و أسعاره

وإليكم التالى


أولا : مقاس 15 / 65 / 185 ( ده المقاس العادى اللى راكب فى العربية حاليا )



البريدجستون سألت على نوعين فى المقاس ده

B250 تايلاندى

عند فيت آند فيكس ==> 494

TURANZA GR-90 يابانى

عند فيت آند فيكس ==> 617



ثانيا: مقاس 15/ 60 /195 ( بعد التعريض المسموح به )


كومهو كورى لقيتها فى محل عاملة 400

ميشلان وسعرها 575 وما عجبيتنيش خالص


GT - Altimax HP

روحت لمحل كان عنده GT و قالى انها نفس شركة الكونتيننتال وورانى جواب يثيت الكلام ده
وفك العجلة اللى عندى و قالى ان لو لسه خطوط الألوان كانت باينة عليها كان سعرها هيبقى أعلى
المهم قالى هياخدهم بألف جنيه (سعر كويس أنا ماشى بيهم 700 ك) و هآخد الجداد الفردة بـ 600 شامل التركيب و الترصيص
طبعا سعر الجداد غالى مش عارف ليه كده بس هى نقشتها عجبتنى و ده الرابط بتاعها

General Tire Car / Light Truck / SUV - Altimax RT/HP/UHP

Bridgestone

للأسف مش لاقى TURANZA ER300 ECOPIA ولا حتى ContiPremium TM 2 اللى كان قال عليهم الأعضاء المحترمين الأستاذ علاء و الأستاذ حاتم وهأحاول أدور عليهم تانى
نخش على اللى لقيته من البريدجستون


B250 تايلاندى

وده الرابط بتاعها

B250 & MY-01 | Tyres | Bridgestone Middle East & Africa FZE


السعر
فى فيت آند فيكس ==> 511

فى محل آخر ==> 490 غير شامل التركيب و الترصيص




MY-01 تايلاندى وسرعتها V


و هى موجودة فى نفس الرابط بالأعلى مع الـ B250

فى فيت آند فيكس ==> 534

فى محل آخر ==> 510 غير شامل التركيب و الترصيص




TURANZA GR-90 يابانى ودى سرعتها H

وده الرابط بتاعها

GR90 | Turanza | Tyres | Bridgestone Middle East & Africa FZE

فى فيت آند فيكس ==> 703

فى محل آخر ==> 645 غير شامل التركيب و الترصيص





كمان بالنسبة للبلف الحديد سعره 5 جنيه و فى نوعين منه

الأول



والتانى




صاحبى كان بيقول النوع الأول أفضل لان جواه وردتين فبر فبالتالى مش هيتقطعوا زى الكاوتش لكن مشكلتهم بس وقت الربط اول مرة ما يتقرصش عليه جامد بس صاحب المحل كان بيقول ان التانى أفضل لانه فى جواها حتتين كاوتش و انت بتربط هتاخد و تدى معاك وكمان ستانل ستيل من جوا


على فكرة فيت آند فيكس أسعارهم للاطارات الجديدة شاملة التركيب والترصيص دق مش لزق و تركيب الاطار و بلف ألمانى كاوتش و المفروض النيتروجين كمان
أما لو حد شارى كاوتش من بره و راحلهم فالفردة تكلفتها

5 تركيب
10 ترصيص
10 بلف
5 نتروجين

يعنى كله 30 للفردة
و التزويد ببلاش للعملاء

وعلى ما أتذكر ان كان فى خصم للاطارات الجديدة لأعضاء نايل موتورز 5 % بس مش متأكد الخصم سارى لسه و لا لأ فيا ريت لو حد من المنسقين يأكدلنا على موضوع خصم الشراء و خصم الخدمات سارى لامتى

انا بأة لسه محتار شوية فعندى كام سؤال

ايه رأيكم أجيب ايه يعنى البريدجستون my-01 نقشتها شكلها حلو و عجبت أصدقائى اللى معايا ومتفقين عليها و هى تايلاندى مش يابانى بس مندوب بريدجستون قال انها تعتير تبع الأنواع الرياضية فصوتها أعلى و أنشف شوية وقريت تقرير فعلا كان عامله عضو ان صوتها عالى و بتلم زلط برضه بس أكيد هى و الـ B250 أفضل من الماكسس
وعلى فكرة الماكسس موجود فى السوق و تايلاندى بس نقشة مختلفة عن اللى عندنا هأبقى أجيب سعره

أنا عن نفسى ميال أكتر الى بريدجستون GR-90 يابانى و فردة صامتة و مريحة و كله بيشكر فيها و مش عاوز وش الزلط ده تانى و عاوز أشترى من فيت آند فيكس خاصة لو الخصم لسه سارى

تانى سؤال أنا قلقان من انى لما هأعرض العربية هتوطى 6 ملى يعنى نص سم تقريبا وأنا عندى عقدة من أيام اللانوس و الحك فى المطبات فمضايق برضه ان هأخسر العلو شوية و خصوصا لو محمل العربية شوية فايه رأيكم برضه

و السلام ختام