المواصفات والاسعار لأسترا سيدان 2015 بمصر

**bassemali** · 28-10-2012 08:54 AM

المشكله الزليه ف كل الأوروبي أنه بينفخك ف قطع الغيار غاليه جدااااااااااااا .... ومش بيديك الأمكانيات اللي هتستعملها ف مصر .... بالذمه هعمل أيه بموتور 180 حصان ف بلد أخري امشي فيها ع الثالث !!!!!!

**Ahmed Selim** · 28-10-2012 09:48 AM

صفقة رابحة طبعاً.........بس اللى يخليني أفكر ألف مرة أجيبها ولا لأ هو منصور بصراحة

محدثكم مالك سابق لفيكترا b موديل 97 و 2000 سي سي و عانيت مع منصور شوية

المشاركة الأصلية كتبت بواسطة bassemali

المشكله الزليه ف كل الأوروبي أنه بينفخك ف قطع الغيار غاليه جدااااااااااااا .... ومش بيديك الأمكانيات اللي هتستعملها ف مصر .... بالذمه هعمل أيه بموتور 180 حصان ف بلد أخري امشي فيها ع الثالث !!!!!!

حضرتك أنزل شوف أسعار قطع غيار الكوري و الياباني من التوكيل و قارنها بالأوروبي هتلاقيها مقاربة......فى مقابل أن قطع غيار الأوروبي فى العادة بتعيش أكتر.

الفكرة بس أن الكوري و الياباني بينزلهم قطع غيار فى السوق من مصادر متعددة.........يعنى أنا فاكر من زمن كنت واقف عند واحد بتاع قطع غيار ياباني و جه واحد طلب منه تيل فرامل للانسر مش فاكر موديلها أيه............صاحب المحل قاله عندك من 35 جم لحد 200 جم..........انت عاوز تيل بكام ؟

مش فاهم أنا تيل أيه اللى ب 35 جم ده ؟............اكيد طبعاً صناعة صيني و مش هيعيش.

بالنسبة للموتور أنت ركزت مع الموتور التربو ال 180 حصان و نسيت الموتور ال standard ال 115 حصان.......مش عيب أنهم ينزلوا مواتير مختلفة تخاطب فئات مختلفة.

**احمد فهمى** · 28-10-2012 02:18 PM

المشاركة الأصلية كتبت بواسطة bassemali

المشكله الزليه ف كل الأوروبي أنه بينفخك ف قطع الغيار غاليه جدااااااااااااا .... ومش بيديك الأمكانيات اللي هتستعملها ف مصر .... بالذمه هعمل أيه بموتور 180 حصان ف بلد أخري امشي فيها ع الثالث !!!!!!

لو هتقارن بقطع غيار الشاهين والادا او الانوس على الفيرنا ممكن الاوربى الجديد مش القديم كمان يكون ارخص يعنى انزل اسأل على قطع غيار الكيا ريو او السبورتج او النسيان تيده على الكرولا وانت تعرف ان الاسعار تقريباً متفرقش على العكس السعر لصالح الاوروبى وانا شايف ان جميع الكماليات فى الاوربى مستخدمه وموضوع ١٨٠ حصان فى ناس محتاجه المتور ده واللى مش محتاج يشتري ال١١٥ حصان واقل من كده يشتري كورسا ١٤٠٠ سي سي مع تجربتى للكورى واليابانى والاوروبى اقدر اقول مفيش فعلاً علاقه بين العربيتين الاوربى عربيهةاتصممت لراحة وسلامة الراكب فى كل قطعه فيها والكورى واليابانى عمل سمعه زمان بسبب انو كان رخيص مش بسبب الجوده لكن حالياً يتباع اغلى كن الاوروبي لا معلش ده كلام مش منطقى تماماً وكل واحد على قدر ثقافتو بيشترى كلام الناس والا بيقرا ويشوف مواصفات امان وسلامه وراحه وبالنسبه لمنصور هو داخل تحدى بالعربيه كم الاعلانات والدعايه غير عادى والسعر منافس جداً يعنى اول فئه ب١٥٥ كامله اوتوماتيك ارخص من الاوكتافيا الفاضيه مانيوال واغلى فئه تربو ب٢٠٩ ارخص من اعلى فئه اوتوماتيك اللى بيعتبرو ان الكماليات فى الصالون الداخلى تخليها اعلى فئه مع نفس المحرك القديم ومش عارفين يعالجو موضوع الزراير اللى بتتمسح ولونها يبقى ابيض الى اليوم الناس محتاجه ثقافه اكبر لتحديد الاختيار فى مصر والله المستعان

**A.Adel** · 29-10-2012 06:05 PM

المشاركة الأصلية كتبت بواسطة formulator

لكن الصراحة.. بعد ماعرفت من واحد معاه أسترا-تربو انها جراية أوى بس فوووق،
وبعد ماشوفت فيديوهات للإنسيجنيا ستوك- وهى مقفلة 250-260 وبتسارع قوى فـ الـHigh-end
(ودى طبعا أرقام مابتجيبهاش الفولكس والفيات)
راجعت تانى أرقام الأداء بتاع الموتور - وعشان مانظلمش العربية

- لقيت ان هو الـTune بتاع الموتور كده ياجماعة.. Power rather-than Torque
والفتيس لوحده مش هو السبب الوحيد.. لأ، دا العزم والـrpm كمان (وقد يكون ده تأثيره أكبر)؟!!

بص كده:
موتور الأوبل-GM بيطلع 230 نيوتن/2200-5400 rpm
- طبعا رقم العزم قليل.. يعنى الفيات والفولكس بيطلعوا 230/240 من مواتير 1400، وحتى نسخ الـ180 حصان فـ الـEsseEsse/GTi عزومها 270 نيوتن

- الأهم بقى: بيطلع عند كام rpm؟؟ 2200 وماشى لحد 5400 rpm؟!!!
ودى برضه أرقام عجيبة!!
يعنى الـT-JET/TSI بيطلعوا عزومهم عند 1500-1750 rpm وماشى Linear لحد 4000 rpm بس (مش 5400)؟!!

الخلاصة:
أعتقد فروق العزم + الفتيس هى اللى مقلله تسارع الأسترا تربو عن الجولف TSI والبرافو T-JET
- البرافو والجولف تسارعهم من 0-100 فـ 8.2-8.0 ثانية
- الأسترا تربو تسارعها فـ 9.1-9.2 ثانية.. بس أعلى فـ التوب سبيد (التانيين آخرهم 230 -فعليا)
هو تيون الموتور
أنا عن نفسى: أفضل عربية Torque عن عربية Power.. أو تسارع أحسن من توب-سبيد!!

Rgds،

أنا مختلف مع حضرتك في النقطة دي :)
المشكلة فالفتيس مش ال tune بتاع العربية
لو peak torque zone من 2200 ل 5400
كده كده في حالة الaggressive acceleration ,هيبقى ال rpm علي طول فوق ال 2200
يعني عند ال peak torque ,
ده بالعكس ده في مصلحتها عشان مكمل ل 5400
هو هيفرق كسور ثانية بس فالطلعة عشان ال lag من 1400 ل 2200 بس هيعوض ده بال wide range ل 5400

ده غير إن أداء ال astra العادية بيوضح إنه عيب فتيس :)

بالنسبة لنقطة إن العربية بتطلع في ال high range و إن ال top speed أعلى
ده آه فرق tune ,طبيعي إن ال 20 أو 30 حصان فرق هيطلعوا
ده غير إن علي ال top gear خلاص شغل الفتيس خلص و بقى شغل مواتير :)

ده طبعا ميمنعش إن العربية فعلا موجهة Power rather-than Torque

**احمد فهمى** · 29-10-2012 07:31 PM

المشاركة الأصلية كتبت بواسطة bassemali

ماشي ياجماعه بس في نقطه ... النهارده لو جيت تقارن سعر قطع الهيونداي إلانترا مثلا الجديده والأوبل ممكن تلاقيهم متقاربين .... بس بعد 3 او 4 سنين هتلاقي سعر قطع الهيونداي نزل لإنتشار العربيه وكثرة التجار اللي بيشتغلوا ف قطع غيارها وسعر الأوبل زي ماهو !!!!! فمش منطقي أننا بعد 4 او 5 سنين أروح اجيب مساعد للعربيه أجيبه ب 1500 جنيه وهلاقي بتوع الألنترا الجوز ب 1000 جنيه !!! واحد هنا ف المنتدى قال أنه كان معاه سيتروين إكسارا موديل 2002 على ماأذكر كان عايز يغير عفشه لاقاها ف التوكيل ب 15000 جنيه وبره التوكيل ( مش كلها أصلي) عامله 8000 جنيه !!!!!
روح بقى غير عفشة إلانترا بقى 2008 النهارده كامله هتلاقيها ماتعملش ال 4000 جنيه وكلها أصلي كمان .... ده الفرق اللي بقول عليه .

مين اللى قال ان قطع غيار الكورى بترخص مع الوقت؟؟؟؟؟ رفرف الانوس اللاصلى ب٣٥٠ جنيه يعنى بسعر رفرف التيوتا ياريس تقريباً حضرتك بتقيم على قطع الغيار الصينى زى رفرف الانوس صينى ب١٠٠ جنيه بس ده مش التقييم ولوعايز تقيم بالصينى مراية فيكترا بى تيوانى ب٩٠ جنيه وفانوسها التيوانى ب١٥٠ جنيه يعنى نفس قطع غيار الانوس التيوانى لكن لو هتتكلم على اصلى برضو نفس الاسعار تفرق ٢٠ او ٣٠ جنيه على العكس اوبل ممكن تلاقى بدائل اوروبى ارخص من الالمانى مع الوقت زى البولندى والاسبانى لكن القطعه الكورى الاصلى بتفضل بسعرها للأبد وموضوع التوكيل ده على الكل انا كنت عند سمكرى قابلت واحد معاه لانوس بيسمكر بابين ويستعدل العتبه بيقول التوكيل قاله على الحادث طه ١٥ الف جنيه بسبب سعر البابين وقطع الغيار والمصنعيه والرش والسمكري عملهالو ب٢٠٠٠ جنيه فعادى يعنى قصة التوكيل دى للناس اللى متعرفش ولو عفشة الايلانترا حالياً ب٤٠٠٠ يبقى هو ده كان سعرها مرخصش وبعدين ايه اللى اتغير فى السيتروين ب ١٥ وايه اللى فى الايلانترا ب٤ لأن عفشه دى موضوع كبير كل قطعه فى بتفرق جامد يعنى علبة الدركسيون بتاعت الايلانترا الى اليوم ب٥٠٠٠ جنيه نفس سعرها من ٥ سنين دى قطعه بالتحديد لكن كلمة عفشه محتاجه توضيح

**mfrateb** · 29-10-2012 08:50 PM

طيب معلش كدة العربية الاوتوماتيك الفئة الأولي من استرا سيدان ٢٠١٣ هتنزل بكام؟
١٥٥ الف و لا ١٦٧ الف؟

**dede_dodo88** · 29-10-2012 09:54 PM

المشاركة الأصلية كتبت بواسطة mfrateb

طيب معلش كدة العربية الاوتوماتيك الفئة الأولي من استرا سيدان ٢٠١٣ هتنزل بكام؟
١٥٥ الف و لا ١٦٧ الف؟

أول فئة 155k, تاني فئة 167k و التربو 209k..

-

-

الموضوع: المواصفات والاسعار لأسترا سيدان 2015 بمصر

LinkBack

أدوات الموضوع

عرض

-

-

-

-

-

المواضيع المتشابهه

____ ثورة اليابان : كورولا 2013 من الداخل والخارج Corolla 2013 + اسعار + المواصفات ..

المواصفات والاسعار لأسترا سيدان 2013 بمصر

الاوبترا حسب المواصفات الخليجي و الاوبترا حسب المواصفات المصريه

فولفو s60 الجديدة : المواصفات والاسعار

أغير لأسترا ولا أخليني في الكليو

الكلمات الدلالية لهذا الموضوع

المفضلات

المفضلات

ضوابط المشاركة