الموضوع: المواصفات والاسعار لأسترا سيدان 2015 بمصر

المشاركة الأصلية كتبت بواسطة mfrateb

انا اتفرجت تاني النهاردة علي الفئة الأولي enjoy ..بصراحة لو معاك فلوس هات الcosmo
فرش الانجوي بصراحة لا يليق بسعر و لا باسم العربية رغم اناقة التابلوه
بالمقارنة بالفئة الثالثة للفلونس (١٥٠ الف جنيه )فان اناقة السيارة من الداخل تكسبها الفلونس بكل جدارة صراحة كما انه لا يوجد مبرد بالتابلوه مثلا
بالنسبه لقول حضرتك انها هتنافس عربيات كتير
ولي رأيين:
١- الاسترا لا تستطيع ان تنافس الجيتا و لا الاوكتافيا لانهم فئة مناسبة لرجال الاعمال و اصحاب الياقات البيضاء و انا بصراحة لو معايا فلوس هجيب اوكتافيا او جيتا لانهم اشيك و اقيم و افخم من الاسترا (الاسترا شبابي اكثر)
٢- الكوري ارخص ب ٣٠ الف و ممكن تجيب الهايلاين الانترا اقل منها ب ٢٥ الف ...وفيها كل حاجة ...
٣- الفلوا نس كقيمة مقابل السعر افضل من الاسترا بمراحل

اللي هيجيب الاسترا هو شخص من عشاق الماركات الالمانية و مش عايز يسيب عربيته الا بعد ٧ سنوات علي الاقل..
ده رأيي بعد ما فحصت العربية اكثر من مرة و اكثر من فئة

اضيف انها من الناحية الفنيه تتفوق على كل المنافسين في مستوى ال170الف , عربية بتكنولوجيا الماني ,ثبات و فخامه و قيمة بالسعر ده , يعني سلملي على الاوكتافيا اللي شكلها قدم قوي و مفيهاش esp ولا اوبشنز كتير من اللي في استرا ده غير ان شكلها حيتغير السنة الجايه, اما الياباني و الكوري اللي في حدود السعر ده لا يستحقوا التقييم لأن اصلا تسعيرهم ظالم , بالنسبة للفلونس اقل من اوبل في التكنولوجي (مفيش esp مفيش كمبيوتر اعطال متطور و لاحساسات حالة السيارة ,تعليق خلفي تورشن بيم الاقل فنيا).

المشاركة الأصلية كتبت بواسطة mfrateb

بصراحة لو معاك فلوس هات الcosmo

أنا already معايا الأسترا هاتشباك!! lol
أنا روحت أتفرج للفضول و أشوف لو فيها حاجة جديدة بس مش أكثر..

المشاركة الأصلية كتبت بواسطة mfrateb

بالنسبه لقول حضرتك انها هتنافس عربيات كتير
ولي رأيين:
١- الاسترا لا تستطيع ان تنافس الجيتا و لا الاوكتافيا لانهم فئة مناسبة لرجال الاعمال و اصحاب الياقات البيضاء و انا بصراحة لو معايا فلوس هجيب اوكتافيا او جيتا لانهم اشيك و اقيم و افخم من الاسترا (الاسترا شبابي اكثر)
٢- الكوري ارخص ب ٣٠ الف و ممكن تجيب الهايلاين الانترا اقل منها ب ٢٥ الف ...وفيها كل حاجة ...
٣- الفلوا نس كقيمة مقابل السعر افضل من الاسترا بمراحل

1- الأسترا سيدان لا تقل فخامة عن الأوكتافيا و الجيتا بل بالعكس أنا شايفها تتفوق على الجيتا اللي بعتبرها عربية فقيرة خصوصاً الشكل الجديد. و لا تقل في أي شيء من حيث جودة الصنع و الخامات عن العربيتين دول..
أنا عن نفسي لما حبيت أفكر في عربية كنت عايز حاجة تناسب واحد بيكون ببدلة و كرافتة الصبح و شورت و كوتشي بالليل.. و حسيت أن ده موجود في الأسترا حتى لو الهاتش لأنها أكبر و أطول من منافسينها في الفئة زي الجولف مثلاً..
2- هو الكوري رخيص في كل حاجة الصراحة مش بس السعر حتى لو كان سوبر هايلاين و فيه كل كماليات الدنيا..
3- هو يمكن الفلوانس تكون عربية كويسة.. بس في أعتقادي الألماني يتفوق على الفرنصاوي من حيث الأعتمادية..

المشاركة الأصلية كتبت بواسطة mfrateb

أنا أصلا حسمت امري وسحبت حجز الفلوانس و حاليا في طور التفكير مرة اخري بين الاسترا و الاوكتافيا المانيوال عشان اصل الفلوس علي القد

ربنا يوفقك

المشاركة الأصلية كتبت بواسطة mfrateb

أنا أصلا حسمت امري وسحبت حجز الفلوانس و حاليا في طور التفكير مرة اخري بين الاسترا و الاوكتافيا المانيوال عشان اصل الفلوس علي القد

بصراحة انا شايف كده مفيش داعى للتردد خالص

حضرتك توكل على الله فى الاسترا و يفضل كوزمو

بصراحة تتفوق على الاوكتافيا فى كل حاجة