الموضوع: تقريرى المصور عن يعض الاضافات الجديده للنيسان صنى 2013 فئه السوبر صالون

المشاركة الأصلية كتبت بواسطة Youssef.Awad

يا محمد بيك ..
انا باتكلم على on/off من ناحية انه متفعل active ولا لأ not active يعنى اشغل الاوفر درايف (ادوس عليه والزرار يكون جوة يعنى مقفول) ولا اقفله (ادوس عليه والزرار يكون برة يعنى مفتوح)
سيبك من اللمبة منورة ولا مطفية خاااالص ومكتوب ايه فى التابلوه لأن هو ده اللى عامل اللخبطة عند كل الناس
وانا لما باسوق اتوماتيك فيه اوفر درايف باشتغل بزرار عصا الفتيس ومش بابص فى التابلوه اساسا

نيسان تقصد لما اللمبة تنور فى التابلوه يبقى انت كده مشغل الاوفر درايف
ولما اللمبة تبقى مطفية يبقى انت قافله وماشى عادى من غيره .

اظن بكده اللبس انتهى ..

لما اللمبة تكون منورة يبقى ال overdrive مقفول, والعربية مش حتجيب النقلة الرابعة
اللي عامل اللخبطة الازلية دي هو معنى كلمة overdrive ومعنلها عند نيسان ان العربية تقدر تجيب النقلة الرابعة, مش العكس زي ما ناس كتير فاهمين

المشاركة الأصلية كتبت بواسطة saint2011

هههههههه لا يا باشا ex بضمان برضه + ضمان البطارية أيضا دى قواعد ثابتة ملهاش دعوة بموديل السيارة ex or super

طيب يا باشا انا ماخدتش غير ضمان البطاريه و ضمان العربيه
ارجع للوكيل اسال عن ضمان الكاسيت

تسلم الايادى

المشاركة الأصلية كتبت بواسطة abdulmoniem

السلام عليكم ورحمة الله وبركاته

جزاكم الله خيراً على المعلومات إللي بتقدموها

أنا متابعكم من فترة كبيرة بدون مشاركة .. وده لأني كنت عايز أجيب نيسان بإذن الله

كنت عايز أسأل كام سؤال:

1) بخصوص موضوع المايك إللي في وسط العربية .. ده بيستخدم في إيه تحديداً؟
2) لازم أستلم كام ضمان من التوكيل وأنا بستلم العربية؟
3) ممكن حد يقولي على نمرة وعنوان مكان موثوق إديله العرببة بالكاوتش الماكسيس .. يديني مكانهم 5 بريدجستون أو أي ماركة نضيفة .. وهديله الفرد كلها zero يدوب مسافة مروحله بالعربية؟ وكمان يعمل الترصيص والزوايا والحاجات إللي بتتعمل للكاوتش كلها قبل مستلمها منه؟

جزاكم الله خيراً

المايك عشان الاتصال الصوتى من خلال البلوتوث فى العربيه

وبتستلم ضمان العربيه وضمان البطاريه وضمان الكاسيت

اما بخصوص الكاوتش اعمل بحث فى المنتدى وحتلاقى اجابه عن سؤالك بلتفصيل

جزاك الله خيراً

وكان عندي أسئلة أخرى بخصوص موضوع الكاوتش .. يسعدني إنك تجاوبني وجزاك الله خيراً وأسف على تعبك :)

http://www.nilemotors.net/Nile/315459-2013.html

المشاركة الأصلية كتبت بواسطة ahmedkadry2020

طيب يا باشا انا ماخدتش غير ضمان البطاريه و ضمان العربيه
ارجع للوكيل اسال عن ضمان الكاسيت

ضمان العربية هو كتيب الضمان اللى مكتوب عليه رقم 2 و جواه هتلاقيه مقسم الصيانات طبقا للكيلومتر علشان مهندس الصيانة فى التوكيل يوقعلك عليه مع كل صيانة

ضمان البطارية عبارة عن ورقة من شركة كلورايد

ضمان الكاسيت عبارة عن ورقة من شركة مش فاكر اسمها بصراحة

و فى كتيب تانى بتستلمه فيه المعلومات الفنية للعربية و مكتوب عليه رقم 1

دول الاربع حاجات اللى انت بتاخدهم مع العربية

بس عادة كتيب الضمان بيتأخر شوية و بتستلمه بعد العربية بيومين

لكن لو فى حاجة ناقصة ارجع للمعرض اللى استملت منه