الموضوع: تقريرى المصور عن يعض الاضافات الجديده للنيسان صنى 2013 فئه السوبر صالون

المشاركة الأصلية كتبت بواسطة hossam_elwani

حضرتك كده حصل لبس فى استخدام الاوفر دريف

انت كده بتعمل العكس

واغلب وقتك ماشى على الثالث ولما بتستخدم الزرار بتنقل على الرابع والموتور بيستريح مفيش خامس فى العربيه

لو رجعت للكتالوج حتلاقى الخامس فى الفتيس المانيوال فقط

اما الاوتو اربع سرعات وكلامى ده طبقا للكتالوج الى بقرأ من حالا

راجع استخدامك لان كده ممكن تضر الفتيس والموتور بلسير على النقله الثالثه اغلب الوقت



تحياتى

يعنى الصح ابقى فاتحه على طول (نوره مطفى فى التابلوه) ... ولا ابقى قافله على طول ( نوره منور فى التابلوه)

واضح ان فى حد فينا فاهم غلط :)

عموما ده رد الأستاذ سبعاوى و شرحه لموضوع الأوفر درايف و ده اللى انا متفق معاه و بحسه فى السواقه ...

المشاركة الأصلية كتبت بواسطة sab3aawy

الأوفر درايف ببساطة معناها سواء يالنسبة للسيارة المانيوال او الأوتوماتيك هى النقلة العالية، يعنى نقلة الخامس فى السيارة المانيوال اسمها اوفر داريف واعلى غيار داخل جير بوكس السيارة الاوتوماتيك والذى عادة يكون الرابع يسمى اوفر درايف

يعن انت لو راكب سيارة مانيوال ونقلت على الخامس يبقى انت اسمك سايق اوفر درايف، وسبب التسمية اوفر درايف ان الخامس فى السيارات اليدوية بيكون النقلة الوحيدة اللى الفتيس مش بيخفض فيها سرعة المحرك لكن بيعليها ، يعنى مثلا ممكن تلاقى نسب تخفيض الفتيس اليدوى كالآتى: الأول 1 الى 4 يعنى كل ما الموتور يلف اربع لفات عمود خرج الفتيس يلف لفة واحدة، التانى 1 الى 3 مثلا، الثالت 1 الى 1.5 ، الرابع 1 الى 1 لكن الخامس مثلا بيكون 1.25 الى واحد يعنى خرج الفتيس يلف اسرع من الموتور ، ونفس الحال بالنسبة للرابع بتاع الفتيس الأوتوماتيك

فيه نوعين من شكل الحارات بتاعة عصاية الفتيس الأوتوماتيك، فى نوع عبارة عن 4 حارات امامية (1,2,D3,D) وحارة N وحارة R وحارة P زى اللانسر واللانوس مثلا،ونوع آخر فيه 3 حارات امامية فقط وزرار اوفر درايف زى الصنى

الحارة 1 او ساعات بيكون اسمها L وظيفتها فى النوعين ان الجير الأوتوماتيك يفضل على الأولانى بس وماينقلش منه

الحارة 2 فى النوعين وظيفتها انها تخلى الفتيس ينقل بين الغيارين الأول والثانى بس

الحارة D3 فى النوع الاول تقابل استخدام الحارة D مع إغلاق زرار الأوفر داريف فى النوع الثانى، يعنى تكون لمبة الأوفر درايف فى التابلوه منورة،وهذا الوضع يسمح للفتيس الأوتوماتيك انه يغير بين الأول والثانى والثالت فقط ولا لسمح له انه يروح للرابع(ملحوظة هامة جدا: لمبة الأوفر درايف اللى فى التابلوه بتنور لما يكون زرار الأوفردرايف مقفول وليس مفتوح ، وحتى تلاقىى اللمة اللى فى التابلوه مكتوب عليها o/d off، معنى ان اللمبة مضاءه ان السيارة غير مسموح لها تنقل على الرابع)

الحارة D فى النوع الأول تقابل الحارة D مع فتح زرار الأوفر درايف فى النوع التانى(لمبة الأوفر درايف مطفية) دى معناها ان الفتيس حر يغير بين الأربعة نقلات زى ما هو عايز حسب ظروف السرعة والطريق

نستنتج من كل هذا ان زرار الأوفر داريف فى السيارات المزودة به هو بديل الحارة الرابعة فى السيارات الغير مزودة به ووظيفته السماح للجير بوكس انه يستعمل النقله الرابعة او منعه من ذلك

لا علاقة نهائيا لموضوع الأوفر درايف بما تفعله بدواسة البنزين، اللى انت بتعمله لما تكبس على دواسة البنزين اسمه كيك داونkick down وليس اوفر درايف، الكيك داون بيخلى العربية تنقل من ايه نقلة الى النقلة السابقة لها ، يعن مثلا لو الجير بوكس واخد تالت وانت كبست هايروح نازل على التانى علشان يديلك عزم، ولو كان على الرابع هاينزل على التالت وهكذا

اللبس اللى بيحصل عند الناس هو ان بعض الناس لما بيدوس زرار الأوفر درايف ويكون الجير بوكس على الرابع في هذة اللحظة الزرار بينزل الجيربوكس اجباريا من الرابع للتالت لأن مع إغلاق الأوفرداريف لا يكون مسموح للفتيس باستعمال الرابع،وده هو نفس تأثير الكيك داون فالناس بتفتكر انهم نفس الحاجة، لكن لو ساعة استعمال زرار الاوفر درايف وكان اصلا الجير بوكس على التالت او التانى مثلا هنلاقى ان استعمال زرار الاوفر درايف معملش اى حاجة، كما ان مع الكيك داون العرية لما بتاخد سرعتها بترجع تنقل تناى للنقلة الأعلى لكن لو استعملت زرار الأوفر درايف فالعربية عمرها ما هاتاخد الرابع مهما جريت بيها حتى لو الRPM دخلت فى الزون الأحمر، غير لما ترجع تفتح زرار الأوفر درايف

فى جمل سريعة:
1- الأوفر درايف معناه اعلى نقلة فى السيارة سواء يدوية او اوتوماتيك
2-زرار الأوفر درايف فى السيارات الأوتوماتيك المزودة به هو بديل الحارة الرابعة فى السيارات الأوتوماتيك الغير مزودة به
3-وظيفة زرار الأوفر درايف السماح للجير بوكس او منعه من استعمال الغيار الرابع
4-الكيك داون عن طريق كبس دوراسة البنزين ينقل السيارة الى النقلة الأدنى لتجميع عزم للسيارة وحسن تصل الى سرعة عالية تعاود النقل الى النقل الأعلى
5-لمبة الأوفر درايف تضئ حين يكون الأوفر درايف مغلق وليس مفتوح، معنى ان اللمبة مضاءه ان السيارة غير مسموح لها تنقل على الرابع

ايه رأى حضرتك مين فينا بقى اللى ممكن يكون بيستعمله غلط و ماشى على التالت على طول ؟

و ادى كمان رد بيشرح الموضوع بالتفصيل الممل ... وده زى ما قريته فى الكاتالوج بالظبط

المشاركة الأصلية كتبت بواسطة elgdawy2007

بصوا يا جماعه الخير عشان فيه ناس طبعا مفهمتش الشرح ده بأستفاضه انا حوضحلكم الامر بالترتيب
اولا عند بدايه تشغيل المحرك وهو بارد حندوس زر الاوفر درايف فى الفتيس الاوتو فى وضع الاغلاق يعنى حينور فى التابلوه o/v off ده اولا يبقى كده اول خطوه لاغينا الاوفر درايف اثناء تسخين المحرك عشان ميستهلكش بنزين خلاص كده والا مفهوم!!!!!!
نيجى بقى لثانيا وركزوا معايا المحرك سخن خلاص وبقى تمام التمام حنعمل ايه بقى حنروح ضاغطين على الزر الموجود فى الفتيس الاوتوماتيك حيطلع لبره والللمبه حتطفى بتاعه التابلوه معنى كده ان الاوفر درايف شغال وده الوضع الطبيعى فى السير على فكره فى الطريق ان الاوفر درايف يكون شغال واللمبه تكون فى التابلوه اوف كده ثانيا خلاص اظن واضح جدا لحد كده
نيجى بقى لثالثا والاهم الفتيس الاوتوماتيك فيه رقم 1 ورقم 2 صح كده؟؟؟ رقم واحد ده فايدته ايه بقى
اولا رقم واحد ده نستعمله لما نكون طالعين مرتفع جبلى يعنى يكون فيه رمل او عند نزول المنحدرات وده اهميته انه بيتحكم فى سرعه دوران المحرك ويحكمه عشان السياره تفضل تحت طوعك وتقدر تتحكم فيها بس المهم بقى وده الاهم ان عند التحويل لرقم واحد ده منزدش عن 50 كيلو متر فى الساعه يعنى المحرك ميزدش عن خمسين بس رابعا
لو حبينا نزيد عن كده يعنى السرعه نزودها عن 50 وبرضه اثناء القياده فى نفس الظروف السابقه يعنى طلوع طريق رملى او نزول منحدرات يبقى ننقل الفتيس للنقله رقم 2 لغايه 95 كيلو متر ساعه منزودش عن كده ابدا طول مالسرعه فى الفتيس معشقه على رقم 2 حلو الكلام؟ يعنى السرعه التانيه فى الفتيس من 51 لغايه 95 حد اقصى اظن لغايه كده مفهوم اوى صح؟
خامسا
انا دلوقت مثلا على الوضع d حبيت اعدى سياره ادامى وعاوز تجميع عالى عشان عربيتى تلم معايا واقدر اعدى السياره اليى امامى او انى طالع مرتفع عالى مثلا ومحتاج عزم شديد وانا على 100 كيلو مثلا حعمل ايه بقى حروح دايس دواسه البنزين للاخر خالص فى الدواسه ودى بقى اسمها العلمى كيك داون حيحصل ايه بقى ساعتها!!!!حيروح الفتيس نازل على السرعه 3 مثلا لوحده لو فرض مثلا ان المائه كيلو اليى كنت ماشى عليهم كانت السرعه الرابعه حيروح الفتيس محول اوتوماتيك للسرعه الاقل على طول يعنى دى بتتحسب على حسب سرعه السياره اليى انا كنت ماشى عليها لو كنت على الرابع مثلا الفتيس حيقل نقله عشان يدينى عزم لحد كده حلو؟
نيجى بقى لسادسا
اى سياره مانوال بيكون العادى بتاعها 4 سرعات اماميه وواحده خلفيه عدا السيارات الحديثه بيكون عدد سرعات المانوال 5 غير المارشدير طبعا فايده الغيار الخامس ده يا جماعه الخير انه بيريح الماتور وبيخفض استهلاك البنزين طبعا وده بيكون فى الطرق المفتوحه ____اما فى السيارات الحديثه الاوتوماتيك بيكون عدد الغيارات فيها 4 +مارشدير وطبعا الغيار الرابع فى الاوتوماتيك بيريح السياره جدا ويخفض استهلاك الوقود لان الموتور ساعتها بيكون مرتاح حلو لحد كده!!!!!!
نيجى بقى لسابعا
انا دلوئت ماشى على سرعه 110 كيلو مثلا وحعتبرها السرعه الرابعه فى الفتيس الاوتوماتيك مثلا وماسك شمالى وادامى سياره وجنبى سياره وفيه مسافه بينهم حبيت اعدى بين العربيتين دول ومحتاج عزم عشان اقتنص الفرصه دى واهرب منهم حعمل ايه بقى!!!
حروح دايس على الزر بتاع الاوفر درايف عشان اقفله من الفتيس ساعتها حتنور اللمبه فى التابلوه تفيد انى قفلت الاوفر درايف o/v off حيحصل ايه بعد كده بقى ؟ حينزل الغيار من السرعه الرابعه للتالته وحيدينى عزم كبير جدا للسياره يعنى بالعربى حتجمع معايا سرعه اكبر عشان اقدر اعدى بين السيارتين دول بعد ميجمع معايا الموتور بقى واقدر اعدى بين السيارتين حروح ضاغط تانى على الزر الموجود فى الفتيس حيطفى فى التابلوه طبعا وحيشتغل الاوفر درايف وحيقدر يدخل على السرعه القصوى للفتيس اليى هى الرابعه حروح دايس بنزين حتلائى السياره طارت بأقصى سرعه وابقى قابلنى لو حد بقى من العربيتين دول عرف يحصلك لانك ساعتها حتكون طيرت بالسياره لانه حتكون خدت سرعتها خلاص على الطريق
الخلاصه يا جماعه الخير الاوفر درايف بيكون شغال معانا على طول يعنى سيبه مفتوح لانه بيوصل بالسياره لاقصى سرعه فيها ولما بيكون شغال اللمبه فى التابلوه بتكون مطفيه طبعا حالتين بس حنطفيه فيهم من الاخر وساعتها اللمبه فى التابلوه حتكون منوره تفيد انه مش شغال
الحاله الاولى عند تسخين السياره وخصوصا لو الجو بارد بعد متسخن حنشغل الاوفر درايف ونمشى بالسياره
الحاله التانيه بقى لو زادت سرعتنا عن 110 والكلام ده فى الصنى اوتوماتيك عشان يبقى كلامى واضح وحبينا نسقط نقله عشان نقدر ندى السياره عزم عشان تقدر تهرب من عربيتين مثلا او لزياده العزم عشان الموتور يجمع بسرعه فى توقيت اقل وبعد كده نشغل الاوفر درايف تانى عشان نقدر نوصل للنقله الرابعه والاخيره فى السياره الاوتوماتيك الصنى ومازلت بقول الصنى
اليى هى توازى النقله الخامسه فى الفتيس المانوال برضه فى الصنى
اظن كده مفيش حد حيقدر يقول مفهمتش ولو حد قال مفهمتش معنديش كلام تانى اقوله غير انه يبيع السياره ويجيب سياره بدون اوفر درايف ويريح نفسه ويريحنى ههههههههه ودمتم بخير
ملحوظه اخيره خلى الاوفر درايف شغال على طول يعنى تكون اللمبه فى التابلوه مطفيه نطفيه بس فى الحالتين اليى قولنا عليهم غير كده لا حتلائى استهلاك البنزين ممتاز والسياره فى منتهى الراحه والامان ان شاء الله ودمتم بخير

المشاركة الأصلية كتبت بواسطة dodyam

الصح ان تكون فاتح الاوفر درايف علطول يعنى نوره مطفى فى التابلوه يعنى مسموح للفتيس انه ينقل للنقلة الرابعة وده العادى علشان الاوتو ماتيك يبقى براحته و لما تكون ماشى على التالت و الـ rpm يعلى هينقل الاوتوماتيك للرابع عادى و كده انت مش محمل على الفتيس و لا الموتور لان من ضمن النصايح الهامة فى كتالوج العربية انه يفضل انك تمشى على سرعات متنوعة مش تفضل لفترة كبيرة على نقلة واحدة

لكن فى ظروف الطوارئ و محتاج تبقى اسرع فتقفل الاوافر درايف يعنى نوره يولع فى االتابلوه يعنى غير مسموح ان الفتيس ينقل للنقلة الرابعة و هيبقى آخره التالتة مهما على الـ rpm فكده انت محمل على الفتيس و الموتور لانك بدل ما بتوزع نقلاتك على 4 هتوزع على 3 بس و بالتالى هتستعمل النقلة التالتة كتير جدا و بالتالى هيعلى معاك الـ rpm جامد للريد زوون و حتى فى الطوارئ لما بتقفل الاوفر درايف ده بيبقى لفترة صغيرة لان عندى مثلا لما باوصل لسرعة 110 وانا قافله بابقى كده على آخر التالت فبأفتح الاوفر درايف تانى علشان ينقل للنقلة الرابعة و سرعتى تزيد

صح كده 100% .... هضيف عليه بس انه لما تبقى العربيه بارده ... خليه مقفول لغايه لما العربيه تسخن