شراء اللوجان من المغرب مباشره

**midon1** · 26-10-2012 03:04 PM

http://...........com/vb/showthread.php?t=6812&page=2

اقروا الكلام اللى فى اللينك ده ياجماعه عاجبنى جدا

**Land_Cruiser** · 27-10-2012 12:30 AM

المشاركة الأصلية كتبت بواسطة midon1

ياجماعه انا اعرف دكتور راح اشتراها من المغرب مباشره ب 45 الف جنيه ورجع بيها

متهيألي فرق كبير زي ده يليني أقدر اتنازل عن خدمه التوكيل والضمان اللي كمان مس بنستفيد بيه كتتير يعني غير انه اغلي من التصليح بره الضمان

يعني اعرف مستشار معاه لوجان وكان هيغير البطاريه سأل في التوكيل ب 900 جنيه
وركبها بره التوكيل ب 400 جنيه

ده غير طبعا انك هتجيبها في وقت أقل علشان التوكيل بيجيب شحنات كل فتره كده علي بعضها

أنا خلاص تقريبا نويت اعمل الموضوع ده خصوصا ان فرق السعر يستاهل اوي اوي ولو هزود عليه كمان 5 او 7 الاف جنيه شحن مش مهم

بس انا كنت عاوز اعرف اي حد عنده فكره عن الاجراءات وكده

بطاريه ايه دى اللى ب ٩٠٠ جنيه يا فندم ؟

هى بطاريه كام امبير و نوعها ايه بالضبط؟

**midon1** · 27-10-2012 12:36 AM

http://www.nilemotors.net/Nile/137779-56.html

**midon1** · 27-10-2012 12:39 AM

http://www.nilemotors.net/Nile/137779-56-3.html

**midon1** · 27-10-2012 12:40 AM

اول تعليق في اللينك التاني جايب نفس السعر اهو

**MOSHAKS** · 29-10-2012 10:33 PM

بس الكلام ده فى اول 2010 ... المهم الكلام الاكيد من اللى اشترى فعلا.لو وصلت لشئ ياريت تعرفنا

**midon1** · 30-10-2012 07:50 PM

للاسف ياجماعه مش عارفين نوصل للدكتور اللي اشتراها من المغرب مباشره ده

لو حد عنده خطه بديله بقي علشان نشوف الموضوع ده

لو حد كمان يعرف حد في جمرك بورسعيد ممكن يكون عنده فكره عن الموضوع ده وتفاصيل الفلوس اللي ممكن تنطلب وكده

**midon1** · 31-10-2012 01:14 AM

السلام عليكم

اليكم بقي أخر الأخبار , وللأسف أخبار مش لطيفه
الكلام اللي هقوله ده من علي لسان واحد مغربي شغال في شركه رينو في المغرب

أولا , سعر رينو ( داسيا ) لوجان مانيوال مش ( خلي بالك من مش دي ) فول اوبشن في المغرب دلوقتي 73400 درهم مغربي يعني خمسين ألف جنيه مصري
ده طبعا غير 5000 شحن . وخمسه غيرهم لو هتسافر تجيبها و18 في الميه هتدفعهم سعادتك في الجمرك في بورسعيد ( 15 في الميه ضرايب و3 في الميه رسم تنميه )
يعني هتجيب ال 70000 وممكن تعدي كمان
خلي بالك دي اللي من غير اوبشن اساسا

نيجي بقي للهاف اوبشن . سعرها في المغرب بقي 91000 درهم يعني بالمصري 60 الف جنيه . برده غير اللي هتدفعه زي اللي فوق كده

ثانيا بقي اللون عندهم بيفرق في سعر العربيه
يعني الفضي والاسود والازرق بيزود سعر العربيه شويه عكس الاحمر والابيض ببلاش

ثالثا بقي وده الأهم . الراجل ده بيؤكد لي انه لا يوجد أبدا أبدا أبدا أبدا أبدا رينو (داسيا ) لوجان 1600 سي سي في المغرب او بتطلع من المصنع اساسا
وقالي جايز لو عربيات طالعه تصدير يغيروا فيها بس هو مشافش كده

هنا السؤال بقي
العربيات اللي بتيجي دي
بتيجي منيييييييين ؟!!!

والسعر اللي بتتباع دي
يعني الفول اوبشن هنا ب 72500
ازاي والمكسب بتاعها فين ؟؟ ونقلها من هناك لهنا فين ؟؟
وضرايبها ومصاريف نقلها من الجمرك للمعارض فين ؟؟

مع العلم كل كلمه قلتها الراجل بعتلي الموقع اللي يؤكد كلامه واللي عاوزه هنزله

عاوزين بقي نعرف ايه التكه في الموضوع ده
في حاجه غريبه , هي ايه
الللللللللله أعلللللللللللم

**midon1** · 01-11-2012 11:35 AM

???????????

**ahmed_m_ashraf** · 03-11-2012 07:41 PM

ياباشا ببساطة شديده، تكلفة شحن سيارة واحدة لا يمكن تكون زي تكلفة شحن سيارة في لوط كامل، ساعتها لما تقسم التكلفة الإجمالية للشحن علي عدد السيارات في اللوط بيكون في فرق كبير أكيد، ده غير إني شاكك في موضوع ٥٠٠٠ جم شحن ده، حاسس إن الرقم قليل والله أعلم.

ثانيا السعر إللي حضرتك بتاخد بيه لايمكن يكون زي السعر إللي الوكيل بياخد بيه، ده وكيل الشركة الأم، بائع جملة بالبلدي ودافع دم قلبة عشان ياخد التوكيل.

ده غير إن البلد وقوانينها كمان بتفرق، يعني تقريبا أي عربية مش وكيل في مصر بتكون خليجي، عمرك سمعت عن تاجر عارض عربية سيراتو مواصفات أمريكية مثلا، أو أكسنت آر بي روسي؟ يعمي التاجر بيجيب العربية الكيا مثلا تقفيل كوري بس من السعودية مثلا مش من كوريا، لأنها بتفرق في القوانين والرسوم وكمان في مسافة الشحن... إلخ.

كل ده بيعمل فروق كتير، والموضوع مش مستاهل تلخبط دماغك بيه، ياراجل ده الواحد لو حب يجيب موبايل ولا لابتوب من بره بيحسبها يلاقيها خسرانة ولو جابه من هنا أوفرله.