الموضوع: طرمبه الميه باظت (سلسله الابيزا عربيه اعتماديه)

المشاركة الأصلية كتبت بواسطة syd

والله انا كمان ميال للرأي دة وخصوصاً ان سعرها جديد مش بعيد اوي عن سعرها مستعمل



انا شخصياً أشتريت طرمبة بنزين جديدة (صيني طبعاً) ب 275 في حين انها استيراد ب 350 جنيه بالعوامة

لكن مثلا طرمبة الباور بجيبها استيراد لأنها ب250 جنيه وجديدة ب 850 جنيه وطبعاً صيني بردو
صحيح انا غيرتها 3 مرات (يعني ب750) بس ماكنتش اعرف انها رخيصة كدة وهي جديدة
انا اخويا شاريها في عربيته ب2200 جنيه جديدة - فأفتكرت عندنا احنا كمان كدة
بس ان شاء الله هجيبها جديدة المرة الجاية

الفرق اللى انا لقيته اكتر من الضعف واظن الاتنين نفس العمر الافتراضى وموضوع البليه وخشونتها ممكن يبان بالعين المجرده زى الكبالن كده

المشاركة الأصلية كتبت بواسطة ehab_mansour

ولا يهمك يا هندسة عادي و بيحصل
انا مشيت بنفس العربية بالمحرك ال 1000 مره بدون مياه اساسا بس حوالي 5 كيلومتر و مره اخري بدون رادياتير و كنت قافل الدورة بدون رادياتير و مشيت حوالي 30 كيلومتر و كملت شوية شد لأني كنت خايف عليها و لما الحبل اتقطع كملت تاني بدون رادياتير ولا حصلها اي شيء

عربيات محترمه فعلا
نصيحتي

1- غير طلمبة المياة بواحده جديدة زي ما قال هيثم بيك و ابو السيد لأنها من الاجزاء المستهلكة اللي المفروض متتغيرش استيراد و مهما كان صناعتها بس افضل من القديمة و بعدين تغيرها سهل هتفك هتضبط سير الكاتينة علي علامات التغيير في طمبورة عمود الكامات و طمبورة الكرنك و تدي الماكينة غيار و تشد فرامل اليد عشان المحرك يثبت و ميتحركش ولا يتغير وضع الكاتينة نهائيا و بعدين تفك الكاتينة (تهوي السير بالضغط علي سوستة بلية الشداد) و تشيل السير و تفك الطلمبة تغيرها و ترجع كل حاجه كما كانت بس اهم شيء تتأكد ان عمود الكامات مازال مضبوط علي وضعه قبل اعاده تركيب السير

علي فكرة فكيت كاتينة عربية احمد مبارك و ركبناها في 10 دقايق
و علي فكرة كاتينة المحركات ال 8 فالف سهلة جدا في فكها و تركيبها و ضبطها لكن المحركات ال 16 فالف مقرفة شوية و لكن برضه مش صعبه المهم تراجع علي ضبطها قبل ادارة المحرك

2- غير الطانبير الأمامية بأخري استيراد عشان خطر تمشي بالعربية فيها مسامير مش مضبوطة !!!! إلا كده إلا العجل لابد يكون مربوط تماما و اعتقد مش محتاجني افسر اكتر من كده

و بالتوفيق دائما يا صديقي و كل عام انت بخير و الاسره الكريمة و عائلة سيات نايل موتورز

مهندس ايهاب واحشنى والله
انت كده بقى قلبك ميت دانا كنت مرعوب وانا ماشى بيها كده وقلت المكنه هتفتح الكبوت وتقول الحقونى فى حاله اغتصاب هنا :) بس طلعت انا حنين عليها جدا
موضوع العجل اطنبوره سليمه 100% المشكله فى المسامير متأكله خالص انا مستنى يومين العيد وفى خراط جنبى بيبيع المسمار ب10 جنيه بالخراطه بتاعته يعنى بتركيبه بس مسمار احسن من الفبريكه كنت جربته قبل كده فى عربيه اخويا المهم هعدى عليه اجيب 4 مسامير صلب ان شاء الله
بالنسبه للطرمبه انا وضحت انا هجيب استيراد ليه فى المشاركه اللى فوق وممكن المره دى اشوف عصام بيغيرها ازاى وبيظبط الكاتينه ازاى وان شاء الله ابقى اغير سير الكاتينه لوحدى

المشاركة الأصلية كتبت بواسطة meido_ibiza

صباح الفل يا شباب وكل سنه ولنتوا طيبين بالنسبه لطرمبه الميه انا عندى واحده بتاعه جولف 2 مكنه 1600 لو تنفع عندك خدها انا مش لازمانى وياعم سيد انت واحشنى لو نزلت عند عصام كلمنى عاوز اشوفك وبعدين عندى ليك حاجه انت كنت سألتنى عليها

باشا ربنا يباركلك على شعورك ده للاسف متركبشى حتى الطرمبه بتاعه ال1000 اللى هى نفس الشكل قواعد المسامير مختلفه