رد مع اقتباس
برضوا انتو بتبصوا على حجات كلها بشوية فلوس تركب زي ستاير وفرش جلد وجنوط وزينون ومفتاح ذكي .... تماما زي الشب الي بيروح يدور على عروسة شقرة وعنيها خضرة. وينسى الجوهر والمعدن وبنت الاصول. .... ده حتى انتا انتا لو اتجوزت. بت فرنساوية هتلاقي ملهاش امان بعكس بنت يابانية تسخنلك مية سخنة بالليل تدعكلك رجليك. .... تبص تلاقيها طابخالك لقمة حلوة سوشي وموشي وشوية حجات مغزية مش شوية كروسون ومعجنات .... هتلاقيها تنحنيلك كده ادب وتحييك. ...
فالعربية اليابانية بنت اصول ومعمرة هتعيش معاك العمر كلوووو بعكس العربيات الاوروبية الي هيا تحسها كده جمال واناقه بس من غير روح
النتائج 41 إلى 50 من 61
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 33117
تاريخ التسجيل : 16Feb2009
المشاركات : 4,097
النوع : ذكر
الاقامة : 6 Of October
السيارة: Peugeot 508 GT Max
السيارة[2]: Range Rover Velar
دراجة بخارية: VTX 1800
الحالة :
-
hasad">معظم الكماليات ممكن توفرها لكن ايه بقى اللى يخلينى اشترى مثلا عربية هاى لاين لما ممكن اجيب اول فئة واقعد احطلها فى حاجات
المشاركة الأصلية كتبت بواسطة S O P H O S
الحاجة لما بتنزل فابريكا بتكون ليها طعم تانى
وبعدين انا قولتلك موضوع الراحة دا عشان معاه كمان ثبات مش مجرد راحة ومراجيح وخلاص
الكورولا اقوى كموتور فقط وبيبان الموضوع دا اكتر كمان عشان اخف من الميجان فى الوزن
هتتفوق عشان ايه ؟؟
الميجان ولا عربية مش بتقدر تمشى مثلا فترات طويلة ولا ضيقة ولا واطية بتحك فى كل حاجة حتى شنطتها بحر ما شاء الله
يعبها بس بعض المشاكل اللى نزلت من موديل 2005 واتصلحت فى الـ facelift
مع ابو واحد صحبى عربية scenic عاملة حوالى 420 الف كيلو مفيش فيها اى مشاكل غير حاجات بسيطة من الاستهلاك فقط
والراجل من كتر احترامه للعربية اشترى لمراته واحدة زيها .. حتى نفس اللون والله بس الـ facelift :)
-
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
-
سقوط سماوات فوق رأس تجار روبابيكيا امين يارب
-
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
-
قصدي من كلامي انا دلوقتي ركبت الكورولا 2007 وجبت جنط 16
الي هبقي محتاجه تاني فالميجان
هبقي زعلان علي الزينون ولا السقف ولا الشكل الخارجي
حضرتك الكورولا مش اقوي كامتور فقط لا الكورولا اقوي كامتور وتكيف كمان وعفشة
انا مش حابب اقول الكلام ده لانه ممكن يتاخد علي محمل تقليل من عربية تانية او اني مش بقول انه مميزه بده
لا بالعكس الميجان عربية فيها كل ده بس لو بنتكلم بالعدل للعربيتن هنلاقي ان :
الكورولا هتتفوق فماتور وتكيف وعفشة اقوي يبقي باقي اهي فالعربية
الميجان فيها ماتور محترم جدا وتكيف متوسط وليس سئ وعفشة جميلة جدا بالنسبة ليا وركوبة مختلفة
لكن فالنهاية بالورقة والقلم الكورولا هتتفوق عليها
وبعد كل ده سعر اعادة البيع وقطع الغيار افضل فالكورولا عن الميجان
يبقي فالنهاية وبدون تحيز الكورولا هتكسب برغم حبي للميجان ومقارنتهم ببعض دي شهادة للميجان
وبردوا كلامي لاني ركبت الاثنين وعارف يعني عفشة وتكيف الميجان وصلحت حاجات فيها مع صحبي
بردوا زي الكبالن ..
-
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
-
مش عارف ليه مصممين على المقارنة ؟؟؟
عاوين تعرفوا أيه ممكن تلاقوه فى الميجان مش هتلاقوه فى الكورولا ( على الأقل مش بنفس القدر)
1- الثبات
2- الأمان
3- العزل الكويس ( فى الكورولا على 100 أو 110 بتسمع صوت الهوا فى الميجان مش قبل 150 )
4- الفينيش بتاع العربية من جوة و الخامات المستخدمة أعلى من كورولا 2011...........ده مع ميجان 2005
5- فرامل ممتازة و أحسن من الكورولا بشوية كويسين
أقول تاني ولا كفاية ؟؟؟؟
بص يا حاج ياريس......
أولاً موضوع الميجان مش بتسافر ده ما هو إلا تهيؤات...........ميجان أيه اللى مش بتسافر ؟
الميجان اللى معايا فى مصر سافرت بيها شرم حوالي 4 أو 5 مرات عادي جداً..........مقالتش لأ
و اللى هنا قعدت لمدة 3 شهور أسافر بيها حوالي 220 كيلو رايح جاي يومياً و مقالتش لأ.......و العربية كنت شاريها مستعملة ماشية 86 الف كيلو.........بعد ال 3 شهور دول كانت عاملة حوالي 103 أو 104 ألف كم......و أحياناً بسافر بيها 320 كيلو رايح جاي فى نفس اليوم صد رد و برضه مفيهاش مشكلة و عمرها ما قالت لأ.
الكلام اللى انت بتقوله ده على الست اليابانية كان على أيام الساموراي.............مش دلوقتي......دلوقتي الموضوع مختلف.
و بعدين أنا السوشي مش بطيقه............يعنى لو هتدفعلي فلوس علشان أكل سوشي برضه مش هاكله :)
أخر حاجة.........موضوع الذهب و الفضة.........هختلف معاك فيه شوية
التويوتا زى الذهب مفيش فيها كلام
بس الميجان مش زى الفضة.........الميجان زى الألماظ.........بتخسر في بيعها كتير..........بس هى ألماظ فى الأخر....مش فضة.
دلوقتي لو أنت خيرت واحدة بين انها تشتري الماظ أو دهب......تفتكر هتختار أيه ؟ مع أنها عارفة أن الألماظ بيخسر أكتر من الدهب .
لو شايفين الكماليات الزيادة حاجات ممكن تدفع فلوس و تركبها فى العربية ( مع أنها مش حقيقة لكل الكماليات ) بس تعالوا نحسبها مع بعض
1- جنوط 16 = 4000 جم مثلاً............و مش هحسب فرق الكاوتش من 15 ل 16
2- 4 أيرباج زيادة = 10000 مثلاً ؟
3- فتحة سقف بانوراما.........مش عارف............نقول 5000 ؟
4- سمارت كي...........نقول 2000 ؟
5- فرش جلد........مش هدخله فى الليلة.........أعتبروه compliment
6- تكييف تاتش.......نقول 1000
7- مثبت سرعة........2000
أحسب الحسبة دى.......هتلاقيها 24 ألف جم زيادة على سعر العربية
تعالى بقى شوف الميجان الهاى لاين كانت بكام........150 تقريباً
الكورولا الهاي لاين كانت بكام ؟.....أعتقد 165 ألف ؟
يعنى بدفع أقل 15 ألف و اخد حاجات أكتر ب 24 ألف..........يعني فرق 39 ألف جم
دلوقتى لو العربيتين موجودين و عاوزين نبيعهم......الميجان هتتباع بكام و الكورولا بكام ؟
لو على سبيل المثال كانو الأتنين موديل 2007
الميجان هاى لاين هتعمل حوالي 70 ألف
و الكورولا الهاى لاين هتعمل حوالي 90 ألف
الفرق كام........20 ألف.......
يعنى فى حالة الميجان أنا موفر فى الأول 39 ألف و خسران فى الأخر 20 ألف..........يبقى كسبان 19 ألف
فى حالة الكورولا أنا دافع فى الأول زيادة 15 ألف + مش واخد كماليات ب 24 ألف = دافع 39 ألف زيادة.....و هبيع ب 20 ألف اعلى......يبقى خسران 19 ألف
و لو مش هتحسب الكماليات تماماً.....
الميجان ب 150 جديدة و ب 70 مستعملة = -80 ألف خسارة
الكورولا ب 165 جديدة و ب 90 مستعملة = -75 ألف خسارة.
أو بمعنى اخر............بايع الميجان ب 46% من سعرها الأصلي جديدة
و بايع الكورولا ب 55% من سعرها الأصلي جديدة...........بدون حساب فرق الكماليات خالص.
أسعار قطع الغيار........خلينا نتكلم على الأصلي من التوكيل.....بلاش ال after market
سعر تيل فرامل أمامي فى الكورولا كام ؟
سعر مساعدين أمامي فى الكورولا كام ؟
سعر مقصات أمامية فى الكورولا كام ؟
شوفو الأسعار و هتلاقوا أن لو حتى فيه فرق لصالح الكورلا هيكون بسيط.....مع الوضع فى الإعتبار أن قطع غيار الأوروبي معمرة عن الياباني.
أخر حاجة........أنا فى المشاركة السابقة قولت أنى معايا تويوتا حالياً........مش كورولا.......و خلينى أكون أكثر دقة......معايا 1998 أفالون....أعلى حاجة فى تويوتا فى فئة السيدان.............فتحة سقف كراسى جلد كهرباء...مثبت سرعة.....كل حاجة أنت عاوزها.......ده غير الميجان.
عارف لما بكون مسافر هنا بحب أسافر بمين فيهم ؟؟؟
بحب أسافر بالميجان أكتر من الأفالون.............بحس أنها ماسكة نفسها أكتر من الأفالون فى الملفات...بتكلم على body lean & body roll .... أحسن فى مطبات الهوا....فراملها أحسن....و بتقف فى مسافة أقل.
نقول كمان ولا كفاية يا رجالة ؟يا بلادى يا بلادى.........أنا بحبك يا بلادى
-
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
-
مش عارف اقولك ايه ياباشا
بس والله لمن بقعد حتى اتفرج على ام بي سي تو بالليل. اني اشوف عربية رينو وحده توحد ربنا سايقها واحد امريكي مش لاقي .... بس شوف كام فيلم امريكي امريكان بذات نفسهم. سايقين تويوتا او ليكزيس ...
ده حتى على قناة ناشونال جرافيك امبارح كنت سهران بتفرج على فيلم وثائقي لمسجون في الغربة والواد وهو واقف على بواوبة المكسيك بيتفستش كان في عربيتين تويوتا في الباك جراوند وحدة يارس ووحدة تويوتا كورولا
ده حتى ياراجل يا طيب اخطف رجليك واطلع شوف بدو سينا ولا بدو السلوم هتلاقي عندهم تويوتا مركة معتمدة للصحراء .... وعمرك ما تلاقي واحد فيهم كده ولا كده راكب رينو ابداً ....
حتى بدو ليبيا .... ورحلت الثورة على القزافي فاكر كانو بيحطوا المدافع والرشاشات فوق عربيات نوعها ايه
عمرك شوفت عربية رينو في وسطيهم ( حتى ولو صدفة )
قولي بقه وانتا شايف عربيات تويوتا زي الملبس عندهم
هل كانت بتتوزع عليهم ببلاش
ياباشا جميع الثوار في العالم .... وجميع المتمردين في العالم لازم تلاقيهم راكبين تويوتا
حتى جماعة بوكووو حرام هتلاقيهم راكبين تويوتا برضو ههههههههههه
اقول كمان ولا كفاية ههههههه حبيبي يا بوحميد
سقوط سماوات فوق رأس تجار روبابيكيا امين يارب
-
رقم العضوية : 33117
تاريخ التسجيل : 16Feb2009
المشاركات : 4,097
النوع : ذكر
الاقامة : 6 Of October
السيارة: Peugeot 508 GT Max
السيارة[2]: Range Rover Velar
دراجة بخارية: VTX 1800
الحالة :
-
هقولك على حاجة على موضوع الاوبشنز دا المشاركة الأصلية كتبت بواسطة ahmed a.maksoud
السقف البانوراما فى الـ c180 بـ 100 الف جنيه :)
-
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
-
طيب ده بيوضح أيه بالظبط ؟؟ المشاركة الأصلية كتبت بواسطة Y a r i s
مش عارف اقولك ايه ياباشا
بس والله لمن بقعد حتى اتفرج على ام بي سي تو بالليل. اني اشوف عربية رينو وحده توحد ربنا سايقها واحد امريكي مش لاقي .... بس شوف كام فيلم امريكي امريكان بذات نفسهم. سايقين تويوتا او ليكزيس ...
ده حتى على قناة ناشونال جرافيك امبارح كنت سهران بتفرج على فيلم وثائقي لمسجون في الغربة والواد وهو واقف على بواوبة المكسيك بيتفستش كان في عربيتين تويوتا في الباك جراوند وحدة يارس ووحدة تويوتا كورولا
ده حتى ياراجل يا طيب اخطف رجليك واطلع شوف بدو سينا ولا بدو السلوم هتلاقي عندهم تويوتا مركة معتمدة للصحراء .... وعمرك ما تلاقي واحد فيهم كده ولا كده راكب رينو ابداً ....
حتى بدو ليبيا .... ورحلت الثورة على القزافي فاكر كانو بيحطوا المدافع والرشاشات فوق عربيات نوعها ايه
عمرك شوفت عربية رينو في وسطيهم ( حتى ولو صدفة )
قولي بقه وانتا شايف عربيات تويوتا زي الملبس عندهم
هل كانت بتتوزع عليهم ببلاش
ياباشا جميع الثوار في العالم .... وجميع المتمردين في العالم لازم تلاقيهم راكبين تويوتا
حتى جماعة بوكووو حرام هتلاقيهم راكبين تويوتا برضو ههههههههههه
اقول كمان ولا كفاية ههههههه حبيبي يا بوحميد
أن تويوتا عربية منتشرة ؟؟؟ ما احنا مختلفناش فى كده....محدش قالك أن رينو أكثر إنتشاراً من تويوتا.
و لا بيوضح أن تويوتا عربية ثورية ؟؟؟
و بعدين أنت جايب امثلة لعربيات معظمها 4*4 فى الموضوع..........و دى محدش يقدر ينكر تفوق تويوتا فيها.
طيب لو أتفرجت على فيلم skyfall بتاع جيمس بوند الجديد..........هتلاقي عربيات رينو كتير ظاهرة فى الفيلم..........هل ده دليل على حاجة ؟.......ولا الهوا.
أمريكا سوق غريب...............يعنى مش هتلاقي ولا أوبل ولا أى فرنساوي ولا أي أيطالي (غير الفيراري و اللامبو ).....و مش هتلاقي حاجات كتير فى الأوربي غير بى أم و مرسيدس و إحتمال أودي.
كل سوق وله طباعه المختلفة عن السوق التاني.
و برضه بأكد أن إحنا مش بنقول أن عربيات تويوتا وحشة......بس بنقول أن فيه حاجة أحسن منها......عادي مفيهاش مشكلة.
بص يا باشا بإختصار كده........من ساعة موضوع الشعر اللى بيطير لما تفتح شباك اللوجان و أنا عارف أن فيه تحيز بشكل غريب ضد رينو.........مش عارف سببه أيه......مش حضرتك برضه صاحب الموضوع ده ؟
هي فيه عربية مش بتخللى شعر السواق يطير لو فاتح الشباك ؟
طيب أنا الأفالون اللى معايا بتخللى ما تبقى من شعري يطير لو فاتح الشباك........يبقى دى عربية وحشة بقى.
و بعدين مين جماعة بوكووو دول ؟
قليلاً من الحياد يرحمكم الله .
يا باشا أنا مرضيتش أقول أرقام أقرب للحقيقة.........أنا بس قولت أقول على سعر حاجة aftermarket و خلاص......مع العلم أنها مش هتكون فى ربع كوالتي الأصلي. المشاركة الأصلية كتبت بواسطة yasserelsayad
يا بلادى يا بلادى.........أنا بحبك يا بلادى
-
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
-
ههههههههه
اسكت يا احمد اسكت متدوسليش على الجرح ربنا يخليك. من ساعت ماحلقت زيرو بالموس. لغايت دلوقتي. ان في شعراية راضية تطلع .... اتاري الشعر الي كان عندي ده اخر مرحلة ليه. .... واخر شعر اشوفوا في حياتي .
بس الحقيقة العربية اللوجن بجد قرفتني قرفتني يابوحميد فرق فرق كبير بينها وبين الميجان. .... ووالله برغم اني معترف احياناً كتير ببالغ في كلامي لهدف المرح .... واطفاء روح الكومدية في الموضوع .... بس صدقني الموضوع بتاع اللوجن مابلغتيش في ولا كلمة قلتها .... والي تستغربلوا اني ذكرت فيها ١٤ عيب
كل واحد كان بيدخل يقولي انا معاك في نقطت كزا وكزا ومش معاك في الباقي المحصلة النهائية صدق في كلامي ١٠٠٪ ... بس الي حصل ان الناس كانت بتلاحظ عيب عيبين. لكن انا لاحظت كل العيوب الي فيها وذكرتهم في موضوع واحد
ده لغايت دلوقتي جاري مش مصدق عيب الحرارة الي كان فيها .... اقسم بالله كنت. يادوبك اطلع ميدان لبنان وانا في عز الزحمة ابص الاقي صهددددددد طالع من تحت التابلوة .... وصهد صهد اه عربيات كتير في الحته الي تحت مع المشاوير بيبقى في حرارة بس مش زي كده نهائي .... وكملت معايا لمن كان لسه العربية زيرو بقالها كام شهر .... وطالع من كارفور بالليل انا والمدام وعلى الصحراوي والعربية لقيتها بتندع وبتقطع معايا وكان ساعتها سنة ٢٠١١ وقت الانفلات الامني .... قولت لا لا لا كده العربية شكراً
حتى صيانة ١٠ عملتها في توكيل المقطم. بجد انقهرت قالولي في التيلفون هاتها الساعه ٨ الصبح اووعه تنسى علشان تستلمها بدري واروح استنى استنى استنى واللهي وواقف على رجليا مفيش كراسي فاضية ومامشيت غير وهما بيقفلوا قال ايه العربية فيها جهاز انزار
وقعدت العربية تزمر ومعرفوش يطفوها وقاعدوا يحاولوا معاه طيب ما تتنيلوا تندهوا عليا ما انا واقف في الاستراحة احكيلك ايه ولا ايه كفاية اني اشوف عربيتي مرمية في قلب الجبل والعفرة والتراب وشبابيكها مفتوحة قال ايه مستنية دور
ولا الباور بتاعها قالي فيها باور قال اقسم بالله مافيها ريحة الباور نهائي .... ده حتى عمي معاه ٤٠٥ بيجو وهو ١٦٠٠ وانا ١٦٠٠ نيجي نطلع على الطريق بقه بيني وبينوا تلاته كيلو وانا لسه بقول ياهادي .... عربية بجد تعبانة تعبانة وتعبتني في الست شهور الي كانت معايا وزحلقتها عن طريق كونتك كار
زمان كان معايا بيجو ٥٠٥ اهي دي بجد لسه بفتكرها بالخير.كانت عربية اسد .... بس كان تعبها كلو في قطع غيارها المتصنعه تحت بير السلم ... وضبط التكيهات بتعاتها.كل اسبوع وبيك السلانسية الي كل شوية ينسد كانت اعطالها كتير بالذات الكهربائية وبعتها على عيني ومن ساعتها حلفت يا كوري. يايباني حتى الفابيا تعبتني رغم جودتها وخامتها الجميلة وسوقتها الرائعة بس مشكلة ارتفاع الحرارة فيها دي ملقيتش ليها اي حل وكل شوية ترتفع الحرارة من هنا تجيب جوان او وش سليندر من هنا وكنت سايبها لاختي تروح بيها الجامعة وتيجي كل شوية تتصل عليا الحقني العربية. سخنت. .... الحقني المروحة وقفت. الحقني العربية رجعت عملتها تاني .... وكانت فابيا ١٤٠٠ مش ال ١٢٠٠. فقلت اصلحها وابيعها قوام قوام ... وكنت حاطط ايدي على قلبي. لا ترجع تعملها تاني .... بس الي بيدحك وانا ببيعها وخايف لاتعطل الرجل الي بيشتريها مني. كان هيوقف البيعه قول ليه ههههههه. علشان العربية مفهاش طفاية حريق رحت مطلع طفاية حريق من عربيتي وقلتلوا خود ياعم بس خودها وغور بيها بقه بعيد عني ههههههههههههه
وقعدت ساعتها ادعي ربي واقول يارب يارب اسبوووع واحد بس ما تعطلش لغايت مالراجل يسجلها .... وبعد كده. ربنا يتولاه بقه ... ههههههه عرفت ليه بقه ياباشا بمدح في الياباني .... وبقول ممعكش فلوس الياباني هات كوري. علشان المشاكل المستخبية دي بالذات بتاعت الحرارة والاعطال الي مايعلم بيها غير ربنا. .... وتحياتي ليك ياباشا
سقوط سماوات فوق رأس تجار روبابيكيا امين يارب
-
رقم العضوية : 3647
تاريخ التسجيل : 10Dec2007
المشاركات : 11,805
النوع : ذكر
الاقامة : EGYPT / CAIRO
السيارة: CIVIC
السيارة[2]: HONDA CIVIC SIR
دراجة بخارية: HONDA CBR
الحالة :
-
طبعا تويوتا سيارة رقم واحد مبيعا فى العالم لسنوات عديدة لحد مانتزعت منها اللقب دة جنرال موتورز لكن هنتكلم بقى عن تويوتا وعن تجربة دة غير عربية تويوتا كورولا 1990 مع بنت خالتى والعربية انا بسوقها كتير جدا , وسيارة كورولا 2007 1300 سى سى , وسيارة كورولا البطة 1994 , كورولا 2010 فتيس اوتو عادى
كل دة انا دايس فية وحافظة صم
1- كورولا 1990 : سيارة من وجهة نظرى ناعمة , ضيقة جدا سواء فى الخلف او الامام انا طويل والعربية مش بتستوعبنى وبقعد مضايق جدا , فى الجرى كويسة وشكلها كويس مش وحش , شنطتها حلوة , لحد دلوقتى ماتورها ماتلمسش كعمرة وعاملة 268 الف كيلو على ماأذكر , طبعا عيبها الاكثر شيوعا انها بتنقط زيت حتى بعد مابنعمل العيب , فتيسها سلس , صاجها كويس , تابلوة العربية كويس بس الجلد بتاعة شقق من المنتصف بعد اول 150 الف كيلو , لان العربية معانا من الزيرو وسعرها الان جايبة 25 الف جنية مع انها مش محتاجة غير عداد بس بتاع السرعة فقط
2- كورولا 1994 : ماتغيرتش كتير فى الاداء بس اصبحت اثبت من الاول بفرق ملحوظ , الشكل من وجهة نظرى طبعا بقى افضل ,واصبحت اقل انخفاضا , والتابلوة تقدر تقول اتحسن شوية بس شكلة بردة لسة قديم ونفس الشق اللى فى الطابلوة بردة حصل فيها
3- كورولا 2007 : بجد عربية ممتازة فى كل شىء ماعدا حاجتين اتنين ( اداء - ثبات ) غير كدة العربية وحش الله اكبر عليها فخامة - وسع - خامات - اوبشن - راحة - نعومة - تكييف - مساحة رأس وارجل وشنطة - هدوء وعزل ممتازين ) فعلا العربية دية محتاجة حاجتين تتسقط وماتور 1600 بتاعها اللى بتنزل فيها واتفرج عليها وحش من الوحوش
4- الكورولا 2010 : العربية دية خامات ممتازة - تكييف جيدا جدا - عزل حلو اوى - مساحة مظبوطة مش واسعة ومش ضيقة يعنى هية اصبحت اضيق من الموديل السابق - الثبات اديلة 7.5/10 - اللى معظم الناس ماتعرفوش ان العربية دية عليها ماتور ماشاء الله جميل جدا فى السحب وياكل اى 1600 عادى بس استنى علية شوية لحد مايعدى ال110 وانت تعرف الماتور دة قوتة اية
فى الاخر ومن وجهة نظرى افضل سيارة تويوتا على الاطلاق ( العيون ) موديل 1998-2001 بجد العربية دية ماكنش ليها لزمة ابدا انها تنزل ( اداء - شكل - خامات - محرك ) كلة رايح ومش مستوى تويوتا ابدا
تويوتا شركة عريقة وستظل هكذا
-
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
-
hasad">حبيب قلبي سمسم باشا
نجملك في الافراح ياباشا .... وبجد دي شهادة نعتز بيها ونقدرها .... اهو يا احمد باشا عاوز ايه اكتر مش شهادة سمسم كينج الهوندا .... اهو انا اهو برغم عشقي لتويوتا باجي ناحيت الهوندا وبقف وبركن على جنب واشد الحزام كمان
انا جربت الهوندا في السعودية. الاكورد كزا موديل بصراحة العربية دي مقدرش اسميها غير محركة الاندرالين في جسم الانسان عاوز تحس بروح المغامرة بجد ويعني ايه سرعة اركب هوندا تلاقي كده كده الدم بيتحرك في جميع شراينك والقلب بيشتغل مع كل نبضة من نبضات بساتم العربية
حتى زمان كانوا منزلين افلام على شرايط فيديوا الي هيا اعظم المطاردات في العالم مش عاوز اقولك كان اكتر حاجة بتشتكي منها الشرطة الامريكية هيا عربيات الهوندا. مبيعرفوش يطاردوها .... لذلك الشرطة الامريكية جابت طيارات هيلكوبتر مخصوص علشان. عربيات الهوندا
فانتا عاوز ايه يا بوحميد اكتر من شهادة سمسم منسق قسم هوندا للتويوتا بذات نفسوا
ههههههه حبيبي يابوحميد انتا وسمسم ... تحياتي .
وبلغ سلامي لقسم هوندا كلو يا سمسم .... وانشاء الله هنجلكو قريب ... هههههههه
سقوط سماوات فوق رأس تجار روبابيكيا امين يارب
المواضيع المتشابهه
-
أب يهودي وإبنتاه مسلمتان !!! ماذا يقول؟؟
بواسطة medododo في المنتدى المنتــــــدى الاجتمــاعىمشاركات: 1آخر مشاركة: 15-01-2012, 03:00 PM -
الناس اللي بتسرح وهي بتركن...ماذا تفعل في مثل هذا الموقف!!
بواسطة The_Last_Rebel في المنتدى المنتــــــدى الاجتمــاعىمشاركات: 4آخر مشاركة: 26-08-2011, 03:48 AM -
الكزبه يقول ان كورولا الجنوب افرقيا مصفحه
بواسطة ihabhariri في المنتدى تـويوتـــامشاركات: 14آخر مشاركة: 27-05-2010, 12:04 PM -
ماذا يقول لون سيارتك عن شخصيتك؟
بواسطة mada121977 في المنتدى المنتــــــدى العـــــــــــام للسيــاراتمشاركات: 5آخر مشاركة: 03-08-2009, 02:07 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات