الموضوع: عمود الإتزان

بصوا يا جماعة أنا أول ما عر فت أتضايقت جدا لكن بعد شوية هديت و رجعت أتضايقت تانى لما جه رد التوكيل و عرفت أنه في عربيات متركب فيها و فيه عربيات مش متركب فيها و أتضايقت أكتر و أكتر لما دخلت على الصفحة الرسمية لرينو مصر على الفيس بوك و سألتهم عن الموضوع ده و قو لت لهم على ضرورة الرد بسرعة حتى تتضح المواقف و كل واحد يعرف حقوقه وواجباته و لكن للأسف ما حدش رد على و أتحرق دمى أكتر و أكتر خصوصا أنى بأحب كل حاجة تبقى مظبوطة و غير كده أن العربية عندى فيها مشاكل تتعلق بالأتزان و كتبت هنا أكتر من مرة على المشاكل دى و أصبحت في حيرة من أمرى و أنا من النوع اللى بأدور على الحلول بسرعة و دلوقتى أصبح أدامنا عدة حلول
1- التقدم بشكوى لجهاز حماية المستهلك
2- مخاطبة الوكيل و معرفة ثمن عمود الاتزان و تركيبه أىا كان تكلفته والتقدم بشكوى رسمية ل رينو فرنسا
و السؤال هنا ليه يتم تركيب قطعة في عربية و عدم تركيبها في سيارة أخرى من نفس النوع و الطراز و الموتور بمعنى أن اللوجان المغربى و اللو جان الرومانى المانيوال نفس السيارة و نفس الموتور و نفس الوزن تقريبا و نفس العفشة طيب ليه العك ده
و قلت أخد راى الوالد في الموضوع ده و هو بيفهم في الميكانيكا كتير جدا فقالى أن العمود ده بيأثر على أتزان العربية بنسبة محدودة و أن ممكن الأستعاضة عنه بأن يكون فيه ركب ماسكة العجل كويس و أدانى مثل بعربية كسرت الدنيا في أوربا و هى الأونو و ان مافيهاش عمود استبليزر و أن نفسى حد متخصص يريحنا كلنا علشان الشيطان ما يلعبش في دماغنا و نقفل الموضوع ده تماما و مستنى ردودكو