عمود الإتزان

**ahmedeg1** · 05-11-2012 05:18 AM

المشاركة الأصلية كتبت بواسطة adel_edrees

ممكن أسأل سؤال ألى الأستااذ أحمد ربنا يكرمه يارب دلوقتى أنا موسوس و حأركبه أى كان تمنه أنا رايح أعمل صيانة العشرة ألاف أو السنة يوم الأحد القادم أن شاء الله هل أنت متأكد أنه عندهم دى حاجة و أنا رايح العبور و أنت متأكد أنه تمنه 1030 جنيه يعنى بالجلب و التركيب ممكن يخش له في 1500 جنيه مثلا مش كده أنا أصلا بأشتكى من أتزان العربية و مش عارف أعمل أيه أنا عملت ضبط زوايا أربع مرات في التوكيل و كاوتش نيتروجين و أنا مش بأشتكى من الغربية في حاجة ألا في موضوع الأتزان و الموضوع ده بالذات اللى ما خلانيش أجيب عربيات زى الفيرنا و اللانوس و أنا عامل بالعربية 4303 كيلو منهم 600 كيلو العبور علشان موضوع الزوايا و البوابة و الحمد لله البوابة أتغيرت مش ناقص ألا موضوع الأتزان لدرجة أنى فكرت أغير الكاوتش ياريت تقوللى أتأكد ازاى أنه موجود و أتأكد أزاى من التكلفة بالظبط

يا باشا ماتقلقش نفسك كده ثبات العربيه مافيهوش كلام وعمود الاتزان ده مسئول عن زيادة الثبات فى الملفات الحاده فقط و بتمنه غير الأربع فرد الكاوتش لبريدجستون هيفرق معاك كتير استنى بس ما تستعجلش هندور عليه بره و أكيد هيبقى ارخض بكتييير بس انا نفسى الاقى عربيه مانوال راكب فيه و هتبقى فضيحه ليهم
و العمود موجود فى فرع المقطم فقط مش العبور و السعر اللى قولتكم عليه غير شامل التركيب
حرام بصراحه اصبر شويه انا نفسى مش هسكت و هدور عليه ان شاء الله

**Mansour_Wael** · 05-11-2012 10:26 AM

المشاركة الأصلية كتبت بواسطة ahmedeg1

طبعا هيركبوه و تمنه 1033 جنيه بدون التركيب و سألت عليه استيراد 850 بدون التركيب و 1000 بالتركيب طبعا هزل و اى كلام
انا هدور على الموضوع بدقه كده و هجيبلكم اخره ان شاء الله لأنى بصراحه مش بحب انخدع حتى لو وصلت انى اعمل شكوى بس عاوز اشوف عربيه مانوال متركب فيها عمود الاتزان ده علشان ابقى بقاوح عن حق

صح هو ده اللى لازم نعمله لازم ندور على عربية مانيوال راكب فيها ونعمل شكوى جماعية
ونصيحة محدش يركبه من التوكيل قبل ما نتفق مع بعض هنعمل ايه وهنصعد ازاى المسألة مش مسألة فلوس الموضوع ان ده حق لينا لو اثبتناه هنعرف ناخد حقوقنا بعد كده كاملة ولو ضيعناه هضيع حقوقنا بعد كده

**emadtanga** · 05-11-2012 12:47 PM

تبقى استهبال من التوكيل

**emadtanga** · 05-11-2012 12:50 PM

انا معكم فى حالة الشكوى / عماد على محمود 01271557551 لوجان هاف مانيوال

**k555** · 05-11-2012 02:06 PM

هوه عمود الاتزان موجود في الستيب واي؟

**ahmedeg1** · 05-11-2012 04:21 PM

دلوقتى يا جماعه انا عاوزكم تتأكدوا الاول ان العمود ده موجود و لا لا فى العربيات المانوال فقط كده كده الاوتوماتيك فيها
و لو حد لاقاه نده ياريت ما يبخلش علينا بالمساعده و يا ريت ماتكونش رومانى

تكون مغربى و فيها عمود الاتزان

**amrelzawawy** · 05-11-2012 05:18 PM

ناس كثيره هاف اوبشن متعرفشى ان سنتر اللوك للعربيه واصل للشنطه بعكس ما هو موجود عندهم بدون الشنطه وفاكرين ده اوبشن وعلى حظهم كانوا عارضين هاف فى معرض العبور ولقيت السنتر واصل فقولتلهم ازاى مش واصل عندى اكشفولى على العربيه على الكومبيوتر واعرفولى هيه نازله بسنتر للشنطه ولا لا وفعلا طلع كلامى صح وغيرولى ظفيرة السنتر كلها فا عندى اقتراحين اولا حد زى استاذ احمد يطلب الكشف على سيستم التوكيل ويتاكد هل من المفروض يكون فيها ولا ......لا ثانيا العربيات المعروضه فى التوكيل ممكن نفحصها لو طلع فيها يبقى خير وبركه عشان نواجههم بيها سواء الستوك اللى حطينه او اللى جوه صالة العرض بس ياريت اسهل طريقه يبان بيها العمود وهل ممكن من فوق الموتور ولا ازاى بصوره او فيديو واستاذ جبريل معاه اوتوماتك يعنى اكيد عنده ......وشكرا

**gebreel** · 05-11-2012 08:27 PM

انا بصيت على البار ده من تحت العربية و مش هيبان غير لما توطي من جنب باب السواق او اللي جنبه و تبص ناحية العجل هتلاقيه موجود

افضل طريقة للمعرفة هيبقى ان حد يرفع العربية و يصوره من تحت

عاوز ابص عليه في المانيوال لسة

**wassim_nasser** · 05-11-2012 08:47 PM

دور العربية ولف العجل لبرة للآخر وبص تحت المقصات لو موجود هايبان .. انا بصيت عندى 2011 فول مالقتهوش

**adel_edrees** · 05-11-2012 10:11 PM

ماتدوروش التوكيل فحص العربية كويس جدا و أهتم بالكماليات الكتير اللى في العربية كنوع من الأغراء و علشان يقلل التكلفة نزل العربية من غير عمود الأتزان و أنا متأكد أنهم فحصوا الأنتاج اللى جاى من المغرب كويس جدا و كنوع من تقليل التكاليف و الأهتمام بالكماليات و أنا شايف أن تمنه بالنسبة لغطاء الشداد البلاستيك اللى موجود في الأكصدام الخلفى 365 جنيه من غير دهان مش عارف الواحد يقول أيه تمنه كويس و ألا جشع من التوكيل عموما طبعا 1033 من غير الأفايز الحديد و من غير طقم كاوتش الميزان يعنى بالتركيب حيخشوله في 1600 -1700 مرتاح و الله حرام وهو شال حاجة أساسية على حساب كماليات الزبون يفرح بيها خلى الزوزو يفرح بالأير الباج و المالتى فانكشن ال 128 بتاعة الحاج فيها عمود الأستبليزر و معنى أنه ينزله في الأوتوماتيك معناه أنه مهم و لو دورتو على عربية مانوال هاف أوفول مغربى مش حتلاقوا فيها عمود الأتزان ده لأنه حيفرق في تمن العربية على الأقل 2000 جنيه كده العربية ما بقاتش منافسة في الفئة بتاعتها اللى هى الفيرنا و اللانوس و البى واى دى حاجة كمان عايز أتأكد منها الفيرنا و اللانوس فيها عمود الأتزان ده و زى ما قولت لكوا مافيش عربية مانوال هاف أو فول مغربى نزلت بعمود الأتزان لأنه خط أنتاج مش حيركب في دفعة أه و دفعة لأ و عموما أنا معاكو و العربية باعتى دفعة 9/ 2011 و اللى أنتوا حتشوفوه أنا تحت أمركوا فيه

الموضوع: عمود الإتزان

LinkBack

أدوات الموضوع

عرض

-

-

-

-

المواضيع المتشابهه

بوش في عمود الاسبراتير

عمود الركسون ؟

فيديو يوضح أنظمة الثبات و الإتزان في ال seat leon ..

مشكلة فى ثبات الإتزان

عمود كاما

الكلمات الدلالية لهذا الموضوع

المفضلات

المفضلات

ضوابط المشاركة