أهلاً بكم فى >> علمـــــني فى عربيتي شكراً

**mmebied** · 13-12-2012 07:19 AM

لقد ذهبت إلى الكهربائي
وقام بحل الدينامو وتنظيفه وقياس شحنه وأصبح عالي بعدما كان منخفض
أما عن البطاريه ..قذكر أنه سيتم شحنها من خلال الدينامو

والآن العربية لا تدور
حسبما سمعت من الميكانيكي شريك الكهربائي إن المشكلة فى الكربراتير

مش عارف أعمل ايه

**hassanin_lada** · 14-12-2012 12:26 AM

طب سؤال بس ياباشا

لما حضرتك قست الشحن كان كام ؟؟

العربيه لو بتدور وتطفي بقي كاربرتير

لو بتدور وتقطع وتنتش ومبرجله يبقي طقم كهربا

لو مش بتدور خالص احتمال كبير يكون بطريه ضعيفه .. كل بعد ماعملت الدنمو عطيتها مشوار طويل عشان تشحن ؟؟

**mmebied** · 14-12-2012 02:28 PM

المشاركة الأصلية كتبت بواسطة hassanin_lada

طب سؤال بس ياباشا

لما حضرتك قست الشحن كان كام ؟؟
مش فاكر
العربيه لو بتدور وتطفي بقي كاربرتير

لو بتدور وتقطع وتنتش ومبرجله يبقي طقم كهربا

لو مش بتدور خالص احتمال كبير يكون بطريه ضعيفه ..
كل بعد ماعملت الدنمو عطيتها مشوار طويل عشان تشحن ؟؟
مشيت بيها بس مش مشوار طويل
تاني يوم دارت بالعافيه
وسبتها اليوم اللي بعده
وبعدين رفضت إنها تدور
صوت المارش فى الأول بيبقي عالي وبعدين بيوطي

**darsh_darsh** · 14-12-2012 03:53 PM

دور العربيه حتى لو زق وخدها مشوار طوالى حوالى 50 كيلو وانت طافى الكاسيت واى انوار هتلاقى البطاريه شحنت تمام التمام

**hassanin_lada** · 15-12-2012 02:38 AM

المشاركة الأصلية كتبت بواسطة darsh_darsh

دور العربيه حتى لو زق وخدها مشوار طوالى حوالى 50 كيلو وانت طافى الكاسيت واى انوار هتلاقى البطاريه شحنت تمام التمام

او حطها علي تنجر ساعه وهتبقي زي الفل

كده يبقي عندك البطريه بتنام اكشف عليها وعلي شحن الدنمم واتأكد انه 14

**mmebied** · 18-12-2012 09:21 PM

طبعاً أنا زهقاااااااااااااااان جداً من الصنايعية .. عايز اروح ورشة اقعد فيها فترة اتعلم شوية .. ولا التعامل مع الصنايعية

الحكاية

1- روحت للميكانيكي غير البوجيهات (اشتريت ياباني)
وغير غطا الكافرنر (كاوتشة فى فى الكاربرتير لما تبوظ بتخلي العربية شرقانه .. حسب ما فهمت)

وركب بطارية تانية العربية دارت زي الفل

2- فقررنا الذهاب إلى الكهربائي (الذي كان كشف علي الدينامو ونضفه وقاسه وبقي عالي بعد ما كان واطي كان القياس 13.5 تقريبا) قال اذهبوا لبتاع البطاريات عشان يقيسها .. ورشح البطارية السايلة

3- بتاع البطاريات .. قاس وقال البطارية لازم تتغير بس الدينامو شحنه ضعيف لازم يتغير

مش عارف اصدق مين ولا اعمل ايه

ياريت تساعدونا بخبراتكم
والحمد لله فى الأولي والآخرة

**hassanin_lada** · 19-12-2012 02:21 AM

روح لبتاع بطريات تاني وشوف هيثبت كلام مين وكلها 2 جنيه عشان يقسلك الشحن مش اكتر

بص ياباشا انت افتح غطيان البطريه وزود بنزين لو في فوران في فتحتين (اي فتحتين ) يبقي جابت ربع وهتمشي معاك شهر ولا حاجه وهتقرفك والافضل انك تغيرها لو مافرتش يبقي تشحنها وتروح لكهربائي تاني يظبطلك الدنمو وفكك من الاولاني

اهم حاجه تعالج مشكلة الدنمو لانه السبب في كل ده ومتابع مع حضرتك

**linkin2008** · 24-12-2012 12:32 PM

عملت اية فى البطارية؟

**mmebied** · 25-12-2012 08:40 PM

شكراً لجميع المتابعين لحكايتي مع أول سيارة فى حياتي

---
المهم .. بعد الاستشارات والمناقشات ذهبت إلى كهربائي تاني وعمل الآتي:
حاول قياس شحن الدينامو وجد صعوبة فى الأول .. لأنه وجد سلك 10 تقريباً محتاج تنضيف فقام بتنضيفه بالصنفرة .. وقاس الدينامو جاب 14
وقام بوضع البطارية على الشاحن ثم قام برتكيبها فى السيارة .. وقالي احتمال أن تكون آخر مرة تدور العربية واشتري بطارية تانيه جديده

وبالفعل تاني يوم لم تدور السيارة

والآن ابحث عن بطارية مناسبة للسيارة
فما هي المواصفات والسعر والنوع ؟؟؟؟

**hassanin_lada** · 25-12-2012 09:32 PM

مش هعرف افيدك في نوع البطريه او السعر

بس اهم حاجه هاتها 70 امبير

في ناس كتير ممكن تقولك كتير بس الفرق في السعر بسيط مقارنة انك ممكن تركب نور قوي او اي حاجه كهربائيه زياده

او ممكن حد يعشم فيك انه يلمس من بطريتك عشان عربيته نايمه

زمان كانت معايا واحده 55 جه سواق تاكس جراني عشم فيا لان عربيته ماكنتش بتدور (هو ماتوره 1600 وغاز)

المهم لمس مني والعربيه جابة ربع من هنا

دي نصحتي وربنا يوفقك