الموضوع: أهلاً بكم فى >> علمـــــني فى عربيتي شكراً

أنا فهمت من كلامك يعني سمكرة ثم معجون ثم دوكو
السمكرة بيقولوا علي البارد ... يعني ايه ؟؟؟

وايه هو الترويش مش فاهم ولازم رش الرفرف

المشاركة الأصلية كتبت بواسطة ahmed air

طب انا عندى نفس الحكه دى فى السقف لازم ارش السقف كله علشان هرخص

سيبها ومش لازم تعملها طالما بسيطه والمرور ما تقلقش ها تعدى

يرجع متابعة الإصلاحات الكهربائية المطلوبة على هذا الرابط

http://www.nilemotors.net/Nile/32316...post3874680654

وكتبتها فى قسم الكهرباء للتخصص

متابع

مقايسة إصلاحات كهرباء السيارة
--------
السيارة : فيات 128 موديل 88
-----
المطلوب إبداء الرأي والنصيحة
تسعير هذه الإصلاحات والكشف للتالي بيانه:

1- الكشف على البطارية الجافة .. العدسة سوداء وليست خضراء

هو حضرتك بتكون هى 3 الوان اخضر ويعنى حالتها ممتازه ومشحونه بيضاء وهى تكون البطاريه تحتاج الى شحن وحمراء وتكون البطاريه خلاص عمرها الافتراضى انتهى والكشف عنها مش ها يكلفك حاجه

2- الكشف على الدينامو

طالما الدينامو بيدور معاك الصبح كويس يبقى خلاص لا تقلق منه

3- اللمبة الأمامية يمين تضئ عند استخدام العالي فقط

حضرتك ده بسبب فيه سلك ارضى ملمس وده بسيطه جدا مش تكلف 5 جنيه

4- إشارات الانتظار لا تعمل .. تغيير المفتاح

حضرتك ممكن تخلع المفتاح تخرجه لبرا وتخده لمحل اكسسوار وتجيب زييه بالضبط وتركبه وده مش ها يعدى 10 جنيه ويمكن اقل

5- لمبة إشارة الرجوع للخلف .. لا تعمل

ممكن يكون زرار المرشدير معلق الكهربائى خليه يشفهولك ومش ها يتكلف بردك حاجه بسيطه

6- لمبة شمالي الخلفية عند الضغط على الفرامل .. لا تعمل .. تم تركيب ماكينة استوب من فترة قريبة

ممكن اللمبه محروقه او مش راكبه كويس

7- تركيب لمبة فرامل خلف الكنبة الخلفية

اللمبه مش غاليه 10 جنيه

8- تغيير لمبتي الصالون وجعلهما يضيئا مع فتح الباب

مش ها يتعدوا خمسه جنيه ان لم يكونوا اقل

9- لمبة الهاند بريك .. قلما تعمل

هتلاقى الزر بتاعها بيعلق

10- شفاط تسخين الموتور .. لا يعمل

ده على شان تشغله اعتقد هيكلفك وهو مش مستاهل

11- تقوية إضاءة التابلوه

ها تضطر تغيير اللمض وتزودها وده يكلف حوالى 50 جنيه

12- صوت مروحة الردياتير أحياناً تصدر صوت عالي جداً

ده عادى لان هتلاقيها المروحه كذا درجه لما العربيه تسخن اوى تزيد سرعتها للدرجه الثانيه
لما تكون سخنيه عاديه تبقى على الدرجه الاولى

13- بحث تركيب لمبة فى الشنطة الخلفية

ده سهله الكهربائى يعملها لك ومش هتكلف غير ثمن الفانوس اللى ها تركبه فى الشنطه يعنى التكلفه بالتركيب مش ها تزيد عن 15 جنيه

14- بحث تركيب طلمبة مياه المساحات

شوف ثمنها كام جديده واستيراد بكام لانى لا اعرف تكون فى حدود كام

15- الكشف على عداد السرعة .. المؤشر لا يتناسب مع سرعة السيارة .. والعربية واقفة عامل 10كم

ده بسيطه سهله انها تتعمل ومش ها تكلفك حاجه ها تلاقى السلك اللى داخل على الموتور فيه مشكله مش راكب كويس كده يعنى

16- بحث تركيب سنتر لوك وإنذار

حضرتك فيه كذا نوع احسنهم اولا spy ثانيا wolf
وسعره من 180 الى 250 والتركيب يكلفك فى حدود 50