الرجاء الافادة بخصوص تصليح كربراتير 127

**magedm2007** · 10-07-2008 09:43 AM

انا عندى سيارة 127 مو 82 والعربية انا زهقت منها من ساعة لما عملتلها عمرة وانا كل يوم فى موال شكل لغاية مكرهتها وكرهت نفسى من كتر المصاريف اللى صرفتها عليها

المهم العربية بقلها حوالى اسبوعين بتقرفنى اخر قرف الصبح فى الدوارة رحت للميكانيكى قالى عايزة كربراتير جديد قلتلة لما ارجع من السفر لانى مسافر الجمعة اللى جاية ومش مستحمل مصاريف المهم جيت ادور العربية النهاردة لقتها مش عايزة تدور خالص خالص عرفت ان الكربراتير ودع
انا عايز استفسر عن الاتى :-

1- سعر الكربراتير الجديد كام ونوعة ؟
2- سعر الكربراتير المستعمل ونوعة ؟
3- انا كنت بفكر ان اخلى الميكانيكى يفكهولى من العربية من تحت البيت واروح اودية عند بتاع كربراتيرات جايز محتاج اكس وباب
هل لازم اروح بالعربية عند بتعا الكربراتير ولا ممكن افكة واودية من غير العربية ؟ هل سعر التصليح دة غالى وبياخد اد اية وقت وهل مجدى فعلا ولا هيعمل مشاكل بعد كدة وهل لازم اودية للراجل اللى فى شبرا ولا ممكن اودية لاى حد بتاع كربراترات
وشكرا
ارجوا الرد فى اقرب وقت

**aid904** · 10-07-2008 12:18 PM

اخي العزيز مشكلتك نفس مشكلتي تماما وإلليك أخر ما توصلت إليه:
1 - سعر الكرابراتير الجديد 550 ويبر أسباني أفضل نوع ممكن أرخص بالفصال.
2 - سعر الكرابيراتير الأستيراد 250 وانت وحظك ومش دايما بيكون استيراد ممكن يكون متصلح
3- التصليح أكس وباب حوالي من 70 الي 100 جنيه بس بيرجع تاني بعد فترة
4- الحاج ابراهيم بتاع شبرا توفاة الله والموجود ف الورشه أولادة ومعظم الصنايعيه القدام مشيوا والورشه مش بنفس الكفاءة بتاعت زمان
5- ممكن تفك الكاربيراتير من تحت البيت وتوديه لواحد بتاع كاربيراتير .
الحلول أمامك أختار أنا عن نفسي لسه ما أخترتش بس غالبا هابيع القديم وهأجيب كاربيراتير جديد واحط تمن دة في دة وازود متين تلتميت جنيه وأريح نفسي

**ssd** · 10-07-2008 05:29 PM

شوف يا باشا انا لو مكانك بعد ما تجيب الكاربراتير انك تودي العربيه كلها عند بتاع الكاربراتيرات علشان يظبطه بعد ما يركبه لان معظم الميكانيكيه مش بيفهوما اصلا في الكاربراتير و بيفتوا علشان كده انا انصحك ان بتاع الكاربراتير هو اللي يركبه و يظبطه و ماتخليش الميكانيكي يقرب ناحيته نهائيا اما انك تجيب جديد او مستعمل فالموضوع ده يرجعلك انت ..من حيث السعر