الرجاء الافادة بخصوص سكودا فليشيا 97 ماريكم فيهما وقطع الغيار واية اعطلها

**amrsadek** · 01-07-2012 05:46 AM

السيارة سكودا فليشيا مو97 دواخل الفبريكة بالكامل والمعاينة الدليل - من المالك مباشرة - تكييف يحتاج شحن - كبالن جديدة - اسبراتير جديد- طقم دبرياج جديد- فرش الفبريكة وعليه كسوة قطيفة سوداRPM - زنان صالون - كاسيتUSB- ماستر فرامل عمومى جديد-كاوتش تيوبلس بحالة جيدة - حالة الموتور جيدةجدا- العربية دى معروضة على 28000 اية ريكم فيها العربية دى من حيث الاستخدام والمشى وقطع الغيار واية اعطلها واهم اعطلها ومشاكلها وبفصة عماة على الاسكودا فليشيا وشكرا ليكم جدا

**AhMeD MeTwAlY** · 01-07-2012 11:06 AM

تخلص علي 27000
اعطال العربيه دي تكاد تكون منعدمه لو هي مظبوطه وحالتها زي ما بيتكلم
المشكله الوحيده فيها انها بتسخن واتحلت المشكله دي في المنتدي باكثر من طريقه وتم التجربه
العربيه دي لما بتكون حالتها محترمه بتريحك صوت الموتور فيها خشن شوية بس مش للدرجه
ثبات العربيه علي السرعات العاليه ملوش حل انا كنت باخد بيها غرز علي 160

**HAITHAM1985** · 01-07-2012 11:48 AM

لو بالمواصفات دى يبقى إتكل على الله ........ بالنسبة للأعطال ........ فكل السيارات معرضة للأعطال ........ مشكلة الفليشيا الكاربيراتير فى الكاربيراتير نفسه وده حله المتابعة الدورية وعشان أكون أمين معاك المشكلة الأزلية للفيليشيا هى الحرارة أو ما يعرف بــ over heat وده نتيجة عدم تكافؤ دورة التبريد الأصلية مع القوة الحصانية والحرارة المتولدة من المحرك وهل ليها حل ؟ أيــــــــــــوة التعديل فى دورة التبريد للفيليشيا أصبح شىء إعتيادى وسهل والميكانيكية بقوا أساتذه فيه لدرجة إن انت ممكن تعمله بنفسك والمنتدى ملىء بهذه التعديلات

بس ........ ثق تماما إن سكودا لن تخذلك

أخوك .......... هيثم ........ من ملاك الفابيا ..... الشقيقة الأكبر للفليشيا

**AhMeD MeTwAlY** · 01-07-2012 03:56 PM

المشاركة الأصلية كتبت بواسطة HAITHAM1985

أخوك .......... هيثم ........ من ملاك الفابيا ..... الشقيقة الأكبر للفليشيا

اعترض علي هذه النقطه

حيث الفليشيا من مواليد 94 حتي 2001 تقريبا ام انتم فمواليد 2002-2006
نحن الاكبر

**المنسي** · 04-07-2012 01:59 PM

المشاركة الأصلية كتبت بواسطة amrsadek

السيارة سكودا فليشيا مو97 دواخل الفبريكة بالكامل والمعاينة الدليل - من المالك مباشرة - تكييف يحتاج شحن - كبالن جديدة - اسبراتير جديد- طقم دبرياج جديد- فرش الفبريكة وعليه كسوة قطيفة سوداrpm - زنان صالون - كاسيتusb- ماستر فرامل عمومى جديد-كاوتش تيوبلس بحالة جيدة - حالة الموتور جيدةجدا- العربية دى معروضة على 28000 اية ريكم فيها العربية دى من حيث الاستخدام والمشى وقطع الغيار واية اعطلها واهم اعطلها ومشاكلها وبفصة عماة على الاسكودا فليشيا وشكرا ليكم جدا:10d5c8w1107:

اول حاجة العداد عامل كام كيلو وبعدين نتكلم اما باقى الحاجات اللى مكتوبة وكلها جديدة على ما اعتقد ان الموتور عامل كيلوهات كتير فوق 200 كيلو والله اعلم الفليشيا عموما سعرها يبدا من 25000 حتى 30000 وده حسب حالة الموتور وعدد الكيلوهات المقطوعة

**أحمد جودة** · 04-07-2012 03:44 PM

السلام عليكم ورحمة الله وبركاتة

حبيت أشارك فى هذا الموضوع بقدر معرفتي المتواضعة فى المجال أنا معايا فليشا 96 وعداد الكيلوهات عامل حوال 230 ألف كيلو لما سألت أهل الخبرة قالو المهم تكون حالتها كويسة مش المهم ماشية كام
والدليل على كدة كنت هشتري عربية قبلها ماشية كيلوهات قليلة ولكن كانت متهانة وموتورها مفوت

وبالمناسبة أنا موتور عربيتي إستيراد من 4 شهور......... طيب الموتور دة معتقدش حد هيعرف مشي كام كيلو قبل مايركب فى عربيتي ....... عموماً حبيت أشارك وربنا يديك خيرها ويستر طريقك وطريقنا كلنا أنشاء الله

**المنسي** · 05-07-2012 02:04 PM

المشاركة الأصلية كتبت بواسطة eng_gouda2000

السلام عليكم ورحمة الله وبركاتة

حبيت أشارك فى هذا الموضوع بقدر معرفتي المتواضعة فى المجال أنا معايا فليشا 96 وعداد الكيلوهات عامل حوال 230 ألف كيلو لما سألت أهل الخبرة قالو المهم تكون حالتها كويسة مش المهم ماشية كام
والدليل على كدة كنت هشتري عربية قبلها ماشية كيلوهات قليلة ولكن كانت متهانة وموتورها مفوت

وبالمناسبة أنا موتور عربيتي إستيراد من 4 شهور......... طيب الموتور دة معتقدش حد هيعرف مشي كام كيلو قبل مايركب فى عربيتي ....... عموماً حبيت أشارك وربنا يديك خيرها ويستر طريقك وطريقنا كلنا إن شاء الله

انا موافقك فالراى اهم حاجة حالة الموتور بس ياسلام كمان لو ماشي عدد كيلوهات قليل ده اللى انا اقصده