الموضوع: حرام عليكم....كفايه يأس واحباط .. نظره موضوعيه!!!

‫هنا القاهرة ابراهيم عيسى 6-11-2012 جزء1‬‎ - YouTube

المشاركة الأصلية كتبت بواسطة mahmoudysf

طبعا كعادة المواضيع من النوعية دي
الراجل بيدعو للتفاؤل والعمل والبعد عن الهدم
وبقدرة قادر الموضوع ينط فيه
المولولون والمعددون والمتشامون والشامتون
ونفس الكلام ونفس المبررات
لا حياة لمن تنادي
الخلاصة
انا اكتشفت ان كتير اوي من الناس
بتكرة الاخوان اكتر ما بتحب البلد
ودول فعلا والله اللي هيضيعو البلد
لانهم عندهم استعداد البلد تولع والاخوان والسلفيين والتيار الاسلامي بصفة عامة يسقط
بس لو البلد وقعت هتقع على دماغهم اول ناس

ده اللى حصل فعلا

المشاركة الأصلية كتبت بواسطة khaled_legend

لو كان هناك خطوات مبدئيه لنهضه مصر لما شعر المصريون باليأس

Super Like

جزاك الله كل خير يا حاج عمرو


قلت اللي في نفسي والله


على فكرة دي طبيعة شعب والبعض بيستغلها


إحنا للأسف محتاجين نتعلم إزاي نتفائل وإزاي نخليها على الله وإزاي نستمتع بالحاجات الحلوة اللي عندنا

فيه ناس تانيين مصرين يبحثوا عن الفشل والتشاؤم والسواد وفيه ناس ممكن يصنعوا من الليمونة الحامضة شراب حلو



الغزالي له كتاب جميل إسمه جدد حياتك كان بيتكلم عن النقطة دي وبيذكر حديث غريب عن رسول الله صلى الله عليه وسلم

وقال ابن ماجة (ح4106) : حَدَّثَنَا عَلِيُّ بْنُ مُحَمَّدٍ , وَالْحُسَيْنُ بْنُ عَبْدِ الرَّحْمَنِ , قَالَا : حَدَّثَنَا عَبْدُ اللَّهِ بْنُ نُمَيْرٍ , عَنْ مُعَاوِيَةَ النَّصْرِيِّ , عَنْ نَهْشَلٍ , عَنْ الضَّحَّاكِ , عَنْ الْأَسْوَدِ بْنِ يَزِيدَ قَالَ : قَالَ عَبْدُ اللَّهِ : سَمِعْتُ نَبِيَّكُمْ صَلَّى اللَّهُ عَلَيْهِ وَسَلَّمَ يَقُولُ : " مَنْ جَعَلَ الْهُمُومَ هَمًّا وَاحِدًا هَمَّ الْمَعَادِ , كَفَاهُ اللَّهُ هَمَّ دُنْيَاهُ , وَمَنْ تَشَعَّبَتْ بِهِ الْهُمُومُ فِي أَحْوَالِ الدُّنْيَا , لَمْ يُبَالِ اللَّهُ فِي أَيِّ أَوْدِيَتِهِ هَلَكَ "
.


ولو إن الحديث فيه نظر - لكن الغزالي استخلص منه حكمة عظيمة وهي إن اللي بيخفف عن نفسه الهموم ربنا بيساعده - واللي بيستبشر خير إن شاء الله سيأتيه الخير

أما اللي بيدور على الهم اللي يضحك واللهم اللي يبكي والهامبورجر والهم يا جمل فده واحد بيفرض على نفسه الهم والفشل




طب عيني في عين الناس اللي مش عاجبهم حالنا - إحنا دلوقتي أفضل ولا أيام مبارك - طبعا السؤال ده موجه للي بيحب الحرية والكرامة

لو وضعنا أفضل فإن شاء الله بكره هيكون أجمل وأجمل



تفاءلوا بالخير تجدوه


.

المشاركة الأصلية كتبت بواسطة yousef1978

طب عيني في عين الناس اللي مش عاجبهم حالنا - إحنا دلوقتي أفضل ولا أيام مبارك - طبعا السؤال ده موجه للي بيحب الحرية والكرامة

لو وضعنا أفضل فإن شاء الله بكره هيكون أجمل وأجمل
.

أهه.. عيني في عينك أهيه و بقولك ولا يوم من أيامك يا مبارك..
بدل شوية الهواه اللي ماسكين البلد دلوقتي قلبينها تسول و عاملينها حقل تجارب أو "عزبة" تجارب -عشان أكون دقيق-..

حرية أيه و كرامة أيه بس دول اللي بيضحكوا بيها على الناس!!
هي الحرية هي أنك تهاجم أي حد يعارضك و تتهمه بالـ"فلولية" و تقمعه لمجرد أنه ضدك في الرأي بحجة أنه ينتقص الموضوعية في النقد.. و أكن الموضوعية دي شيء يقتصر على مناصري مرسي و حاشيته و أي حد تاني غير كده يبقى بيقول non-sense..
كام واحد هنا في المنتدى دخل شمال في أي حد قال رأيه بصراحة و كان ضد النظام الحالي و أنتهى الموضوع بأتهامات بعدم الموضوعية و بالـ"فلولية" لدرجة تحسسك أنك خلاص شخص غير مرغوب في وجود من الأصل..
و هي الكرامة أن الحكومة تتسول من الشعب و تفتحلي حساب تبرعات لمشروع هلامي وهمي..

إذا كان رأس الموضوع فيه عبارة "نظرة موضوعية" يبقى خلاص بقى ده سبب أدعى يخلينا واقعيين و نبص حوالينا شوية و على حال البلد و الناس ظروفها عاملة أزاي..
الأمل مطلوب.. لكن الأحلام الوردية مرفوضة..
نأمل لما يكون في مبرر للأمل ..لكن مع وجود واقع قاتم ميتبقاش مكان للأمل..
أنا مش يائس ولا محبط لكن بفضل دايماً أكون واقعي و أبص للمعطيات الموجودة عندي و على أساسه أنظر لأحتمالات المستقبل..