عيوب عربيتك....

**mazen86** · 11-07-2008 05:20 AM

كان معايا كرورلا 2005 خليجي مانوال 1300 قعدت معايا 3 سنين

عربية رائعة في استهلاك البنزين تكيف تلاجة بياثر علي السحب مش بمقدار كبير بس هتحس كان العربية

بتفصل في التالت كدا ممكن تكون مش محسوسة علي فكرة محسيتش بيها الا بعد 3 سنين مع العربية

فرامل كويسة جدا انقذتني كذا مرة بس فشلت معايا مرة واحد بسبب عدم وجود abs

الرفارف الامامية ورق اوي اوي الاكصدام معقول العربية من جوا الصالون ياخد تلاتة مستريحين

علي حسب وضعية الكراسي الامامية وياخد اربعة مش مش مستريحين خالص العربية لما بتحمل تلانة

ورا مضطر تعرض علي كل مطبات المحروسة لانها هتحك منك وكتر الحك علي فكرة بياكل الدهان

من تحت وممكن يكون صدا مرايات كهربا قابلة للطي بالكهربا برضة بصراحة دي ميزة وعيب

ميزة لان مثلا الجراج عندي ضيق شوية فلو دخلت العربية في النص انزل بس مزنوق ففمكن ادخلها

قريبة من الحيطة ناحية اليمين وانزل مستريح وانا في مكاني ومرياتي مقفولة من جوا بدون تنطيط جوا العربية اقفل المراية وافتحها

عيب بقا لان كل الناس في مصر متعرفش ان العربية مراياتها كهربا فكل لما حد يلاقي المرايا مفتوحة

يقفلها بايده ودا بياثر علي التروس بتاعت المريا مساحة شنطة كبيرة ومناسبة ثبات معقول لغاية 140

بعد كدا ما انصحكش جبت بيها 180 مرة واحدة بس ومحاولتش تاني الصراحة عفشة ممتازة تتحمل

الطرق الشاقة عربية من الاخر كدا حمالة اسية

الوقتي معايا لانسر 2008 بوما رياضية عامل بيها 3000كيلو

بتعمل معايا 6.5 كيلو لكل لتر (حاسس انهم كتير ) بنزين 92 لسة بصراحة معنديش ملاحظات عليها

بس فيها ميزة عاجباني اوي مهما بحمل في العربية ناس والشنطة كمان مليانه العربية مبتحكش في

اي مطب موجود من الي كانت الكرولا بتحك فيهم مع تلاتة ورا بس والشنطة فاضية طبعا ثباتها اقضل

من الكرولا كتير دي كل تصوارتي عنها لغاية الوقتي

شكرا ليكم

**michohat** · 11-07-2008 06:34 PM

عربيه ابويا 131 فيات 1979 2 كامه 1600 سى سى وهيا عزيزة عليا
عيب العربية اللى مزال موجود هوا ان فى صوت فى الكرونه
واللى مش عاد موجود ان كان فى حته بويه طقت و خبطتين فى بوز كل رفرف قدمانى
والجديد بقى انى بعد ما جددتها بقى كلها عيوب
مثلا السمكرة فيها عيوب ( عالى وواطى فى عتب الابواب )
الدوكو فيها عيوب ( اول مرة كانت البوية عامله زى الخريطة كده مخططه طول و عرض - بعد تانى مرة تترش بقت زى ما يكون اللون غامق ف حتت وحتت فاتح)
الفرش والسروجى فى عيوب وفى حاجات كتيرة اصليه بتاعتها باظت(كوبستة الشماسة اللى ورا- السقف مش متركب كويس- فبرة القايم اليمين- فبرة قايم الزجاج الشمال- كوبستة الباب اليمين - مساطر التكيات - الفبرتين السود اللى بتركب على قايم الباب من برة- الفرش اتبهدل) وده من السروجى
ولسه من شوية مكتشف ان العازل اللى بيبقى بين الماتور والصالون نصه مش موجود مع ان مش كان فى شغل فى الحوض خالص
من الاخر لولا اللى دفعته فى تجديدها مستحرمه لكنت نفضتها من تانى و جبتها ع الصاج وعملتها من تانى بس قولت تاخد لها شوية لحد بويتها ما تطق
معلش ممكن يكون مكان رد مش ماشى مع جو الموضوع بس اول ما شوفت حد بيتكلم على عيوب العربيات مش قدرت امسك نفسى لانى بجد دمى محروق جامد على العربية اللى اتبهدلت دى

**mohamed ibiza** · 12-07-2008 04:46 PM

جميل جدا ان الواحد يعترف بعيوب عربيته يلا عايزين باقي الناس عشان نفيد اكتر عدد من الاعضاء

**kemoelord** · 12-07-2008 05:09 PM

موضوع اكتر من رائع يا استاذ محمد بجد تسلم ايدك وأرجو الثبيت ,,
انا معايا لانوس 99 وعيوب العربيه كالاتي :_
فرامل ضعيفه جداااااااا
الثبات سئ بعد ال 140
الاضاءة الاماميه ضعيفه جدا
المكيف ضعيف جدا من حيث قوة الهواء الخارج منه لكن بالنسبه لدرجة البروده فهي جيدة
العفشه غير جيدة
الفتيس غير مريح

**Ahmad Allawy** · 12-07-2008 06:06 PM

وسع يابني انت و هوة.. :) :) :)
جينا بقي للاوبل كورسا بي 1200 هاتش باك..
العربية في منها الشكل القديم 94 و 95.. اكصداماتها فيها كساحات وهي واطية شوية..
بتحط ف المطبات.. و بتتكسر بسهولة شوية.. عايزة شوية اهتمام..
موديل 97 الشكل الجديد الاكصدام اعلي شوية و الكساحات بتاعتها كاوتش كده مش بتتكسر.. ممكن تتقطع,, بس مش مشكلة..
لو حبيت تغيرها مش هتلاقيها.. تقريبا ولا جديد ولا استيراد.. (هاسأل عليهم تاني)
عفشة العربية ناشفة شوية.. و صبات العربية مع كده معقول..
المساعدين عمرها الافتراضي مش طويل قوي.. ده مش عيب ف العربية علي قد ما هو عدم ملائمة ليها للسوق المصري.. او تصميمها بقي الله اعلم..
يعني في المتوسط ممكن نقول انها ممكن تحتاج تغيير لو الاستخدام عنيف كل حوالي 50 الف..او اكتر شوية..
العربية متستحملش ان يركب فيها 3 ورا.. لو حصل العربية تبقي معرضة انها تحك في المطبات.. بس مش كل المطبات.. المطبات الغبية بس.. و العربية سحبها بيتأثر بطريقة واضحة..
العربية تجميعها مش سريع قوي.. و سلاعتها القصوي مش بتعدي ال 145 خالص..
مش معايا انا بس.. مع اكتر من واحد..
المرايات بتاعتها لو اتخبطت بتقع علي طول.. بس مش بتتكسر.. بتتعلق في السلك بتاع الكهربا..
مش عارف ايه نظام المرايات العادية.. بس بتتركب تاني من غير مشاكل..
عيبها الاساسي انها نازلة من غير تكييف..
العربيةمش باور.. لكن دركسونها كويس جدا.. مش تقيل خالص.. بس اكيد مش في خفة الباور..

ده اللي انا فاكره دلوقتي.. مش فاكر ححاجة تاني. يا ريت لو حد معاه يقولنا..او يفكرني عشان مش فاكرلها حاجة..

**cobraa2008** · 12-07-2008 08:12 PM

انا بقى العربية بالنسبة ليا هي العيب كله

طبعا بعدج ماواحد يركب باجيرو ويركب لادا لازم يعترف بالحقية

الادا افضل من الباجيرو

بهرج صح

طبعا العربية اللي معايا كلها عيووووووووووووووووووووووو وووووووب

هالاهلكم بعد ما ارجع من صلاة العشاء

**mohamed ibiza** · 13-07-2008 05:41 AM

فين باقي العربيات يا رجالة مش عايزين تسيحوا لعربياتك ليه

**أبو_حمزة** · 13-07-2008 09:26 AM

لانسر 99 اتوماتيك
العيوب:
- الدركسيون تقيل. اتقل من اى دركسيون باور (انا مجرب لانوس تويوتا نص نقل قديم كورسا سيدان 2003 و ماتريكس)
- الكراسى مش مريحة قوى للرحلات الطويلة
- عدم وجود عزل و صوت الموتور و الكاوتش مسموع بوضوح من داخل الصالون لكن انعم كثيرا من لانوس و كورسا
- قطع الغيار الاصلية غالية
- التكييف كان لازم يبقى اقوى و طبعا بيأثر على السحب بشكل ملحوظ
- منخفضة و بتحك لو 2 قعدوا ورا
و عشان الكلام يبقى موضوعى لازم اقول المميزات:
- اعتمادية عالية جدا. أول صيانة غير دورية احتاجتها كانت عند 124 ألف و كان ممكن انتظر اكتر بس الحرص
- الثبات جيد جدا و يقترب من الامتياز
- السحب محترم جدا بالنسبة لعربية 1300 اتوماتيك (احسن من لانوس اتوماتيك مثلا)
- قطع الغيار الاصلية معمرة و متوفرة
- شكل العربية جميل جدا
- احسن حاجة فى العربية هى سعر اعادة البيع عالى و سهلة التداول

ملاحظة على الماشى (بدون ضرب نار):
الكريستالة هى افضل موديلات لانسر على الاطلاق (باستثناء المويل الخير ما جربتوش). البوما تتفوق عليها فى وسع الصالون و غير كده هى احسن فى الاعتمادية و جودة خامات الصالون و جودة التقفيل.

**Mohamed_Hegazy** · 13-07-2008 09:57 AM

شاهين 1600 - 2007
التكيف بيبرد كويس جدا ولكن مركز تحت لان فتحاته مش فوق وده عيب
حاسس ان العربية بتسخن فى الزحمه والاشارات بس مش متاكد - لما ارجع مصر إن شاء الله هعمل الحل بتاع سبعاوى اللى هو تغيير ثرموستاتالرديتر للواطى
الكراسى ناشفة شوية وده راى ابنى الصغير لما ركبنا الانسر
البيبان لازم تففل جامدةعلشان تقفل صح
ما عدا ذلك فالسيارة ماشاء الله سحب وناعمة مع البور بعكس اللى بيتقال عنها
والحدلله

**mohamed ibiza** · 13-07-2008 05:20 PM

الاعتراف بالحق فضيلة يا رجالة الف شكر للتوضيحات لكل العربيات اللي اتقالت حتي الان و يا ريت الناس تشالرك عشان نفيد بعض اكتر

الموضوع: عيوب عربيتك....

LinkBack

أدوات الموضوع

عرض

-

-

-

-

-

المواضيع المتشابهه

ما هى عيوب byd - f3 ؟

ما هي عيوب ال byd ؟

عيوب ال dsg

استعدادا للأستدعاءات القادمة للسيارات....اكتب عن عيوب عربيتك.

عدلت فى عربيتك السيفيك من برة أو جوة؟ إنشر صور عربيتك.

الكلمات الدلالية لهذا الموضوع

المفضلات

المفضلات

ضوابط المشاركة