عيوب عربيتك....

**mohamed ibiza** · 14-07-2008 06:18 PM

تقدموا يا اولادي تقدموا :d:d عايزين عيوب اكتر فين بيجو و هيوندااااااااااااي و سكودا و فولكس و سيات عشان متقولوش متحيز :d:d و فين الصيني سبيرانزا و بي واي دي و شيري و يا ريت اللي عنده عيب جوهري يقوله عشان يفيد الاخرين

**mohamed ibiza** · 14-07-2008 06:22 PM

المشاركة الأصلية كتبت بواسطة hazem_khidr

انت يا عم ابيزا انت
ما تكتب عيوب كويس
كاتبلي علامتين بيتشالوو و تقولي عيوب
ههههههههههههههههههههههههه هههههه.
المهم
السويفت 93
1.صاج خفيف جدا و لازم تاخد بالك منه اوي علشان البارومه ما تسرحش
2.العفشه ضعيفه شويه و محتاجه تربيط مش عارف دا عيب منها و لا عيب من البلد المكسره خصوصا ان دي اول جر امامي اركبه في حياتي
3.العلامات بتتسرق برضه علشان اخويا محمد ما يزعلش
..............
ياريس 2008
1.وضعيه القياده بالنسبالي متعبه شويه لانها عاليه و انا بحب الوضعيه المنخفضه.
2.العفشه برضه محتاجه تربيط كل فتره(يظهر العيب فيا انا!!!)

ايه يا سويفت هنقر بقي ولا ايه :D:D والله انا شركتها اصلا و كتبت حاجات متعتبرش عيوب في العيوب بس والله ملقيتش فيها حاجة تاني تتكتب و كمان ده انا عاملك 7 8 عيوب شفت بقي انا عندي soul of justice ازاي :D:D

و تربيط العفشة ده انا بعمله كل 9 سنين مرة هههه عادي بعد بالسنة مربطش عفشة :)

**tutankhamoun** · 14-07-2008 06:51 PM

السلام عليكم

فيات بونتو 2002

عيوب

حجم صغير و بتأخد 5 أفراد صغيري الحجم أو 4 أفراد ذو حجم كبير
و التحميل بيأثر على السحب
الشنطة مش كبيرة ........
التكييف عادي جدا و بيأثر على السحب برضه
تسارع العربية بعد 110 بيقل شوية و بتأخد وقت علشان تطلع للسرعة القصوى
ثبات العربية متوسط فوق 120 كم / س
بس الثبات مش ضايع فوق 120
النظام الصوتي فيها جيد فقط

سيات إبيزا 1994

نفس عيوب البونتو بالإضافة لغلو قطع الغيار

فورد أسكورت 1994

حجم الشنطة إلى حد ما غير واسع و لكن مش ضيقة
كانت بتأكل بنزين
الفتيس مكنش كويس و غيرته مرتين في 150 ألف تقريبا ( مش فاكر بالظبط )

بروتون جين 2

الموتور صوته عالي شوية ( للناس اللي مش بتحب صوت الموتور العالي )
التكييف بيأثر على السحب شوية في أول غيارين بس
السقف من ورا واطي شوية و طوال القامة مش بيبقوا مستريحين قوي
لما بتلف الدريكسيون على أخره بتسمع صوت خبطه و قالوا في التوكيل إن ده طبيعي
خامات الصالون الداخلية عادية و مفيهاش تميز
سحب العربية في أول غيارين مش قد كدا ... لازم تحرق علشان تأخد عزم بيبان قوي في وسط البلد إنما على الطرق السريعة أوعى وشك
العفشة مش ناعمة و مش ناشفة و ثباتها رائع
المرايات فعلا لها زاوية ضيقة إلى حدا ما و يجب التأكد مرار قبل تغيير الحارة علشان لو فيه عربية مش في زاوية المرايا و قريبة منك ممكن تخبط فيها لو حودت فجأة بدون تأكد
لا يوجد بها مكان تخزين داخلي جيد و اللي موجود إلى حدا ما صغير و بين كرسي السائق و الراكب الأمامي و أكتفوا برف بدل مكان التخزين اللي أمام الراكب
بالإضافة لظهور بعض عيوب التقفيل في بعض السيارات من نفس الموديل مع مستخدمين آخرين .... بس مظهرش معايا حاجة والحمد لله على ذلك

نيسان ميكرا 1990

عربية تقفيلها أي كلام خالص و على ادها
خامات فقيرة جدا
سحب ضعيف
مفيهاش تكييف

بس موتور معمر لو حافظت عليه كويس

**hazem_khidr** · 15-07-2008 05:38 AM

المشاركة الأصلية كتبت بواسطة Noha-M

يا كاظم انت اللى مش عاتق يا كاظم العربيتين !!!

ارحم شوية و هي مش هتحتاج تربيط كل شوية

على فكرة فى ردود هنا من الاعضاء متعتبرش عيوب اوى بس بتبقى عاملة زى ايه : انا عيبي الوحيد انى قلبي طيب

ارحم ايه بس يا اوننا سابقا
امال لو كنتي شفتي اللي بيتعمل في ال132 ولا ال 125 ولا ال505 كنت تقولي ايه
دا انا كنت باخد شارع شكري كله و العربيه ماشيه بجنبها و العجل بيزحف و ريحته بيشمها اللي في الدور التالت مثلا!!!
و عمري ما كنت زبون عند عفشجي ابدا يادوب كل 6 شهور بروح افك العفشه و اشيك عليها و اركبها تاني ..ايام بقي ما كنت بركب عربيات بجد ههههههههه.
بس برضه مهما عملت الياباني ياباني

اديني بس عربيتك ال.. ال.. ااه افتكرت السيراتو دي يوم بص و انا ارجعهالك كل عجله في ناحيه

**kareem_Ashmawy** · 15-07-2008 12:02 PM

اديني بس عربيتك ال.. ال.. ااه افتكرت السيراتو دي يوم بص و انا ارجعهالك كل عجله في ناحيه

تعملها و أنا مش عارفك

**marsguy** · 15-07-2008 12:35 PM

هوندا سيفيك 1993

العربيه دية ليها 4 عيوب

1- واطيه جدا جدا جدا، بتحك في الظلط مش في المطبات. وطبعاً لو ركبت فيها 3 ورا بتحك في الرمل كمان،

2- الموتور صوته عالي، بس بأمانه أداؤه على قد صوته وأكتر.

3- تكييفها تعبان جدا جداً، ومش مبيشتغل كويس إلا والعربيه ماشيه.

4- قطع غيارها اﻷصليه غاليه وفي بعضها بقى نادر قوي.

**mohamed ibiza** · 15-07-2008 12:43 PM

المشاركة الأصلية كتبت بواسطة hazem_khidr

ارحم ايه بس يا اوننا سابقا
امال لو كنتي شفتي اللي بيتعمل في ال132 ولا ال 125 ولا ال505 كنت تقولي ايه
دا انا كنت باخد شارع شكري كله و العربيه ماشيه بجنبها و العجل بيزحف و ريحته بيشمها اللي في الدور التالت مثلا!!!
و عمري ما كنت زبون عند عفشجي ابدا يادوب كل 6 شهور بروح افك العفشه و اشيك عليها و اركبها تاني ..ايام بقي ما كنت بركب عربيات بجد ههههههههه.
بس برضه مهما عملت الياباني ياباني

اديني بس عربيتك ال.. ال.. ااه افتكرت السيراتو دي يوم بص و انا ارجعهالك كل عجله في ناحيه

دي لو رجعت بعجل اصلا :D:D:D:D:D معلش يا onna الافية تحكم :D:D

**running_man** · 15-07-2008 01:18 PM

أفيو 2006
الصاج ضعيف
الثبات مش قوى
استهلاك بنزين عالى...........190-200 كيلو فى الصفيحه جوه البلد...............يعتبر عالى شوية بالمقارنه بعربيات تانيه

غير كده الصراحة مفيش عيوب
-----------------------------------------------
فيرنا 1.5
....................
............................
.........................................
...............................................
زفت

لا هيونداى بعد اليوم

**mohamed ibiza** · 15-07-2008 01:39 PM

المشاركة الأصلية كتبت بواسطة running_man

أفيو 2006
الصاج ضعيف
الثبات مش قوى
استهلاك بنزين عالى...........190-200 كيلو فى الصفيحه جوه البلد...............يعتبر عالى شوية بالمقارنه بعربيات تانيه

غير كده الصراحة مفيش عيوب
-----------------------------------------------
فيرنا 1.5
....................
............................
.........................................
...............................................
زفت

لا هيونداى بعد اليوم

طب ممكن حضرتك تقولنا ايه الزفت في الفيرنا يعني ثبات ولا مبتسحملش ولا تقفيل وتجميع عشان الناس تستفيد و تاخد بالها بس

**cobraa2008** · 15-07-2008 03:05 PM

المشاركة الأصلية كتبت بواسطة mohamed ibiza

طب ممكن حضرتك تقولنا ايه الزفت في الفيرنا يعني ثبات ولا مبتسحملش ولا تقفيل وتجميع عشان الناس تستفيد و تاخد بالها بس

يا حمادة اللي بيفكر يشتري فيرنا بيفكر دلوقتي الف مرة

اه احنا بصراحة لو بنفكر نجيب عربية جديدة اول حاجة ها نبعد عن غبور والي جابوه

بصراحة نصيحة اللي بيفكر يجيب فيرنا ممكن يجيب لادا 2110 ويستحمل تقل الدركسيون ياعني يا ستغنى عن الباور