الموضوع: عيوب عربيتك....

المشاركة الأصلية كتبت بواسطة mohamed ibiza

يا جمال الاعضاء و هما بيعترفوا بعيوب عربياتهم عشان محدش بعد كده يقول انا عربيتي 100 100 :d

بس يا حمادة مافيش عربية مافهاش عيوب مية المية

لاكن انا بالنسبة ليا في في الباجيرو عيوب واغلبها في الفرش ياعني الفرش من كتر السند عليها اه بيروح وبعدين انت عارف اغلب العربية فيبر ومدعمو بفلاذ

لادا 2110 موديل 2007
بالنسبة للتقفيل المصرى هو كويس بس فيه شوية عيوب
تلكس العربية مش مريح عند الضغط عليه وصوته وحش
الفروق بين الفوانيس الخلفية والشنطة واسعة شوية
الكلبسات اللى ماسكة سقف العربية من ورا واقعة ومش ماسكة حاجة
البلاستيك اللى تحت فرامل اليد مكسور وانا شوفت كده ف عربيات تانية
دراع المساحات والاشارات ضعيفة شوية
وعموما بلاستيك العربية وحش مش حلو مثلا زى الفيرنا بس من ناحية جسم العربية ككل تمام
والدريكسيون الادا 2110 مش بور بس بقول بصدق انه خفيف
اما قطع الغيار لسه ما جربتش كل اللى انا غيرته مروحة الريداتر
الابواب تقيلة فى القفل خصوصا الابواب الخلفية ده طبعا برجع للتقفيل
اما المميزات
:العربية واسعة
2:عالية عن الارض وعمرها ما حكت ف مطب حتى لو معاك مين راكب
3:شكل العربية شيك جداا انا بفضله عن الروسى
4:فوانيس العربية شيك جدا وخصوصا بالليل تشوفها تقول بى ام
5:سحب العربية جميل
6:شنطة العربية تنام فيها
7:صاج العربية الف ما شاء الله حدادى انتوا طبعا عارفين صاج العربيات التانية عامل ازاى الورق احسن منه
8:صوتها ناعم والمحرك 1600 سى سى
سعرها حلو وفيها اوبشن من الصعب ان انت تلاقيه ف الفئة السعرية بتاعتها من كمبيوتر الاعطال والتكيف والسنتر وزجاج كهرباء وغيرها وغيرها


___________

البيجو 405 عيبها الباور تقيل شويه والمرايات صغيره شويتين والتابلوه فقير حبتين ومينفعش تحط عليه حاجه وبس

لانسر 2006 خليجى
الدركسيون كبير شويه والكلاكس حساس جدا وممكن يضرب منك من غير قصد

المشاركة الأصلية كتبت بواسطة hazem_khidr

انت يا عم ابيزا انت
ما تكتب عيوب كويس
كاتبلي علامتين بيتشالوو و تقولي عيوب
ههههههههههههههههههههههههه هههههه.
المهم
السويفت 93
1.صاج خفيف جدا و لازم تاخد بالك منه اوي علشان البارومه ما تسرحش
2.العفشه ضعيفه شويه و محتاجه تربيط مش عارف دا عيب منها و لا عيب من البلد المكسره خصوصا ان دي اول جر امامي اركبه في حياتي
3.العلامات بتتسرق برضه علشان اخويا محمد ما يزعلش
..............
ياريس 2008
1.وضعيه القياده بالنسبالي متعبه شويه لانها عاليه و انا بحب الوضعيه المنخفضه.
2.العفشه برضه محتاجه تربيط كل فتره(يظهر العيب فيا انا!!!)

يا كاظم انت اللى مش عاتق يا كاظم العربيتين !!!

ارحم شوية و هي مش هتحتاج تربيط كل شوية


على فكرة فى ردود هنا من الاعضاء متعتبرش عيوب اوى بس بتبقى عاملة زى ايه : انا عيبي الوحيد انى قلبي طيب