الموضوع: معقولة اسعار رينو ميجان دى!!!!!!!!!!

الله ينور يا حاج............بس اسمحلي أختلف معاك شوية

المشاركة الأصلية كتبت بواسطة aif

لأ طبعا مش من فراغ
الميجان سيارة اكتر من محترمة
لكن لوجود العديد من الحساسات والدوائر الالكرتونية بيكون التعامل معها له خصوصية

معظم اللى فيها موجود فى غيرها من السيارات الحديثة.............القصة فى فتي الصانيعية.............اللى أبتدى يقل نظراً لأن كل الجديد بقى كده
يعنى من 7 سنين كام واحد عربيته فيها abs و راح غير التيل و بعدها لمبة ال abs نورت
و دلوقتي كام واحد بيحصل معاه نفس الموقف ؟
ال abs من 7 سنين كان لسه أختراع بالنسبة لمصر........و الأسطى بلية مكنش عارف أن فيه فيشة لل abs على كل عجلة و كان بيعتبرها حاجة ملهاش لازمة و مش بيركبها تاني
ده مجرد مثال بسيط للتوضيح و ليس للقياس




اولا دي سيارة لو اهملتها في الصيانات ح تكرهك في السيارات اصلا
يعني لازم صيانتها في مواعيدها ولازم لو لاحظت شيء غير عادي تكشف وتصلحه وما تطنشش يعني
قطعها غالية فعلا لكن بتعيش كتير

مش للدرجة دي يا باشا
هو المهم فى القصة ان اللى يتعامل معاها يكون عارف هو بيعمل أيه......بمعنى أنه يكون ميكانيكي/كهربائي شاطر و فاهم مش على ما تفرج

الصيانة لو أجلتها شوية مش هيحصل حاجة.......أنا مجرب أكتر من مرة

القصة كلها فى الصنايعية الفتايين..........يبقى مش عارف الحاجة و مش عاوز يعترف أنه مش عارف فبيضطر يفتي علشان منظره ميبقاش وحش

وصيانتها بردو تعتبر غالية مش زي الكوري وده بسبب ان فعلا صيانتها مكلفة للتوكيل اكتر من الكوري لأن العربية فيها تعقيدات اكتر
مالهاش بدائل في معظم قطعها .... يعني مفيش حاجات كوري وتايواني وصيني ومصري استثماري زي العربيات المنتشرة
.....

صيانتها مش أعلى كتير من قريناتها الكوري..........ده لو كانت أعلى


يعني م الآخر لو انت من النوع اللي عاوز تحط المفتاح وتمشي على طول ومش غاوي تروح توكيل كتير وممكن لو فيه عطل بسيط او صوت غريب ف العربية تأجله لغاية ما تلاقي وقت وبتتخنق من الورش والاصلاحات .... يبقى خليك ف الكوري
...
اما لو انت بتحب الاهتمام بالعربية
وقبل ما تركب بتحب تلف حولين العربية تلقي نظرة تفقدية وممكن كل كام يوم تطمن ع الزيت والمية وتتفقد الحالة العامة للسيارة
ومعندكش مانع تقضي وقت في التوكيل عشان تعمل الصيانة بدون تأخير او ملل وبتعتبر العربية دي عيل من عيالك وبتهتم بيها ومش بتتأخر عنها لو محتاجة اي صيانات يبقى العربية دي ح تكون مناسبة لك تماما وح تريحك طول ما انت مريحها
...

زي ما وضحت لحضرتك............انها مش للدرجة دي........بس برضه متوصلش لدرجة الإهمال التام علشان ساعتها هتتعبك

انا شخصيا ....من النوع الاول ... بل اكاد اكون مهمل نوعا ما في الاهتمام بالسيارة
عشان كدة انا فضلت الكوري لأني عاوز عربية ما تاخدش كتير من وقتي
عربية قليلة الاعطال ومش بتحتاج اهتمام كتير
عاوز احك المفتاح واسوق علطووول

ههههههه أنا عكسك تماماً

العربية اللى معايا هنا تويوتا........كنت لسه النهاردة بغير تيل أمامي و خليت الراجل يعمل شوية حاجات تانية بالمرة علشان مبقاش روحت له على التيل بس :)

و أكتر من مرة أروح لمحطة علشان أغير زيت الفتيس و يقولولي مش محتاج........مع أنى عاوز أغيره مش عارف ليه :)))