المشاركة الأصلية كتبت بواسطة حماده المصري
من تجارب اصحابي ومن راي ميكانيكيه فاهمين من السوق وشغالين في المجيان والفرنساوي حافظيينه حته حته وعارف فيها ايه وكام سينسور بالضبط ولايه ولفين وازاي وايه الفرق بينها وبين الفرنساوي ف الحقيقه الي لازم نستنتجها
العربيه بتعطل اعطال تخلي العربيه مش اعتماديه من الدرجه الاولى مع ان في عربيات كتير في فئتها ياباني وكوري مبتعطلش زيها ودي نقطه لوحدها بمليون جنيه
معاك فى دي........بس مشفتهاش غير فى حالة ان العربية تكون متباعة مستعمل أو صاحبها بيصلحها عند أى حد و خلاص.......فاهم فيها أو مش فاهم فيها مش بتفرق.
بالضدفه البحته قعدت مع مهندس شغال في شركه الكترونيات في فرعها الي مصر تقريبا اسم الشركه ليوني
بتشتغل في ضفاير الكهربا والكنترولات باختصار كل ما يخص السيارات من كهربا وسنسور والي اخره
الفرنساوي فرع الشركه في دوله اوروبيه هو الي عملها ممكن تبقى فرنسا او المانيه او حاجه تانيه
والتركي المفروض ان الفرع المصري العريق هو الي عامله او ممكن يبقى التركي عشان كده العربيه بتعطل كتير
أتفق و أختلف
اتفق معاك أن فيه جزء من الميجان السيدان فيه مكونات تركية.........بس على مستوى الكهربائيات أعتقد هيكون أخرهم الأسلاك فقط.
عموماً ده طبيعي.....اى عربية بتتقفل فى بلد غير بلدها الأصلي لازم يكون فيها جزء من المكونات من البلد اللى بتتقفل فيها.
أختلف معاك أن يكون حاجة من دول من الكنترولات.......الكنترولات تحديداً كانت بتوردهم لرينو أكثر من شركة عالمية زي سيمنز أو بوش و كان معاهم شركة تالتة على ما أذكر. دى صورة أحد كنترولات الميجان......شوف الماركة هتلاقيها سيمنز
نقطه كمان التوكيل بتاعها بيخرف جامد في اسعار قطع الغيار البطاحه بتاعه المساعد ب 1000 جنيه او اكتر ليه يعني؟؟؟
برضه أتفق معاك إجمالاً بس هختلف فى نقطة صغيرة
البطاحة فى الميجان مش زى بعض العربيات فيها بطاحة كاوتش و شكراً على كده
الميجان فيها بطاحة كاوتش + رولمان بلي فى القلب بتاعها.
والتكييف كمان بيهجص ساعات كتير وروح عند اي ميكانيكي هتلاقي نفس الكلام وشكاوي جماعيه
بس انما غير كده
ف هي الحقيقه معادله جميله اوي اوي اوي بس تستحمل الاعطال انما متور فرامل تعامل سواقه شياكه عفشه مرييييييحه ماشاء الله عليها
واسف ان كنت جيت على العربيه شويه بس اكييد طبعا اي حد بيمتلك عربيه بيبرر اي حاجه
وهكذا كلنا بنعمل في كل العربيات الي بنركبها
نبقى راكبين لانوس وفيرنا وفراملهم في الضياااااااااااااااااااع نتسال هي فراملها وحشه
الاجابه : خالص يامعلم مين قال كده انت بس محتاج تكاركلها شويه انما فراملها ممتازه اوي
الحقيقه : العربيه محتاجه حد يفتح الباب وينزل رجليه زي سواقين العجل عشان العربيه تقف
المفضلات