الموضوع: معلومات عن التيدا 2013

المشاركة الأصلية كتبت بواسطة ahmed_selmy

نورت بعد غيبه يا استاذ احمد, والله انا كنت بدات اقلق عليك بسبب غيابك الطويل علينا وكنت اتمنى انى اشوفك فى المقابله بتاعة اسكندريه , ان شاء الله تتعوض المره الجايه.
بالمناسبه حبيت انقل تجربتى مع التيدا بعد مشوار اسكندريه رايح جاى تقريبا طول الطريق على 160 ل 180 , انا كنت بهادى علشان الاقى حد يحصلنى , بالنسبه للثبات انا بصراحه شايفه حلوه مش وحشه خالص والعربيه كانت ماسكه نفسها وخصوصا انا كنت بعدى بين عربيات واتنقل بين الحارات بتاعة الطريق فى منتهى السلاسه ,اهم حاجه انى بكون عامل كنترول صح على عجله القياده, غير كدا العربيه ما شاء الله فى السحب والاستجابه والحرق على الغيارات والكيك داون , حتى اسأل سونا , كنت بعادى منه بمنتها السهوله,
اكتر حاجه زعلتنى ان بعد لما وصلت عرفت ان الطريق كان عاليه رادارات , يعنى انا شيلت بالكوم, بس بصراحه استمتعت جدا بالسواقه, وعلى فكره انا كنت لوحدى فى العربيه يعنى العربيه كمان فاضيه يعنى لو معايا اتنين كمان كانت حتكون ثابته اكتر من كدا, وبالنسبه لعزل الصوت حكايه انت مش حاسس باى حاجه بره قافل شباكك ومشغل الكاسيت وطييييييييير يا معلم.
بصراحه اول مره اكون مسافر ومتعبش من قاعدة كرسى العربيه, بصراحه العربيه ممتازه ربنا يباركلى فيها ويرزقنى خيرها, وعلى فكره ارتفاع العربيه عن الارض ممتاز لان شاطئ النخيل كان مدغدغ ولا اى حاجه ولا حاكه ولا كاحته , كله تمام.
وربنا يطمنا عليك.

احمد بعتذرلك لعدم حضورى المقابلة .. لان اتفاجاءت بشغل طارق من يوم الاربعاء اللى فات الى يوم الاحد .. وكان داخل فيهم يوم الجمعة والسبت .. وكنت ناوى اصلا اطلع اسكندرية قبل يوم الجمعة بس الامور اتلخبطت

وان شاء الله ارتب معاك معاد عشان اتلقى بيك واتعرف عليك عن قرب واتشرف بيك

ياريت الله يباركلك بلاش السرعات الله يكرمك .. وربنا يستر طريقك يارب

فعلا استجابة الماتور على السرعات العالية ممتاز .. وانا فى مرة قبل كدا وصلت بالعربية الى 205 والماتور لسه فيه

بس انا بتكلم على الثبات بالنسبة الى السيدان .. لازم طالما عديت ال140 فى السيدان تمسك الدريكسيون وتكون منتبه جدا لان الثبات بيقل عشان وزن العربية خفيف واتفاعها عالى لانها مش العربيات اللى قريبة للارض

والهاتش باك بصراحة مش جربتها فى موضوع الثبات .. لكن ملاكها بيشكروا فيها

بس فعلا متفق معاك جدا فى استجابة وقوة الماتور

ومتفق معاكم فى موضوع وسع الهاتش باك وياريت بالاخص اللى يختار يختار البلس من الهاتش باك .. عشان يحس بمزايا الوسع اللى فيها