الموضوع: تقرير شامل عن بريليانس v5 بعد 5000 كيلو

المشاركة الأصلية كتبت بواسطة abo-omar

فين المشاركه السريعه والردود
يا اخونا انا رايح اخلص اوراق الشراء بكره و مش عايز اندم اني وفرت 10 الاف جنيه ومجبتش الهاي لاين
وخاصة اني في جميع الاحوال هجبها تقسيط

وبالمناسبه نسيت حاجه ان الهاي لاين بيزيد فيها 2 ايرباج جانبي موجودين في الابواب الاماميه
بخلاف ال 2 ايرباج امامي الموجودين عموما للسائق والراكب الامامي
وده من البروشور اللي التوكيل مشكورا ارسله لي على اميلي لأعرف الفارق بين الهاف والهاي لاين
لكن معرفتش انزله هنا عشان الملف مساحته اكبر من المسموح بيه هنا

ياباشا اشترى الهاى لاين ومش هاتندم الفرق يستاهل اكتر من 10 الاف جنيه وخصوصا انك هاتجبها قسط مش هاتحس بيهم ان شاء الله....توكل على الله و ربنا يباركلك فيها.

شكرا غالمجهود الرائع يريت أعرف سعر الهاي لاين بكام دلوقتي تسليم فوري

انا الحمد لله استلمت العربيه و كله تمام بس ظهر عندي كام حاجه
1-صوت الهواء بيبان و تحس بيه وتسمعه من الابواب الاماميه مع و بعد سرعه 60
2-التكييف بيدخل هواء من الخارج علي الرغم من غلق الreturnعلي سرعه 100وبيزيد بزيادت السرعه
لو حد يقدريقولى عنده الملاحظات دي برده ولا ايه
اجمالا العربيه زي الفل

الف شكر يا احمد جاد بس فعلا فعلا مشكله صوت الهواء داخل السياره واضح جدا0
ايضا لو انت مشغل ال cdانت واقف خارج السياره حاتسمع الصوت بره كانك فاتح الشباك

الاخوه الكرام
باركولي الحمد لله اخيرا اشتريت سياره بعد 4 شهور باختار واشاور نفسي فيهم هههههههههههههههههههه
واشتريت الجميله الرائعه v5 الهاي لاين بعد اسبوعين دوخه عليها
وارجو ان تعذروني لتأخري اسبوعين تقريبا في الرد عليكم وشكركم على تفاعلكم معي ونصحكم لي وانا عملت به فعلا واشتريت الهاي لاين و خاصة بعدما رايتها بنفسي ولقيت ان فارق الكماليات افضل فعلا
وسبب تأخري انني تعرضت لسوء حظ بخصوص شراء هذه السياره فعند اتمام اجراءات الشراء من سمير ريان فوجئت ان اللون الفيراني خلص ثم تاني يوم اخر 3 عربيات اتباعوا وتوقفت الاجراءات اسبوع لحد ما المورد يبعت عربيات والمعارض الاخرى يا مفيش يا في ولكن مش بيتعامل مع بنك ناصر
والتوكيل امامه 3 شهور ولاحظت ان الطلب على العربيه كتير فبتتسحب بسرعه
واود هنا ان اشكر الاستاذ المحترم جدا جمال جوان في بنك ناصر مدينة نصر على حسن معاملته وعلى مساعدته لي لما ارشدني للمعرض المحترم شرين كار (المرغني ) واتضح لي انه موزع للسياره
وتعرفت بمدير المبيعات الاستاذ المحترم جدا طارق عناني الذي يستحق مني كل شكر على ذوقه ومجهوده معي فانا اتصلت به و تاني يوم قابلني في البنك ومعه رقم الماتور والشاسيه وعرض السعر وقام هو مشكورا بعمل كل الاجراءات .
فشكرا لجميع من ساعدني ولو بنصيحه وإن شاء الله الافراج الجمركي للسياره مندوب المعرض يلاقيه وصل المرور النهارده عشان استلم واخلص الترخيص واكتبلكم اول تقاريري عن السياره
اللهم اعطني خيرها واحفظني من شرها