تقرير شامل عن بريليانس v5 بعد 5000 كيلو

**h_raafat** · 17-03-2013 12:43 PM

أخيراً....الف مبروك ياباشا ربنا يفرحك بيها ويكفيك شرها ...فى انتظار التقرير ان شاء الله على خير

**احمد نور الدين** · 17-03-2013 04:17 PM

ما شاء الله زي ماتوقعنا الv5 محققه انتشار سريع وناس كتير بتشتريها ربنا يعطيهم خيرها ويبعد عنهم شرها اللهم امين

يارب تسعدوا بيها وياريت كلنا نتشارك المعلومات والخبرات عنها ولو لاقدر الله حد ظهر عنده مشكلة يقول علشان كلنا نساعده

**ahmed zakii** · 17-03-2013 07:47 PM

انا عملت صيانه2000 كم بس لازال عندي مشكله دخول الهواء لصالون السياره من الابواب الاماميه ومعرفوش يصلحوها في ابو رواش وبالمناسبه بلغوني ان المساعد الامامي محتاج يتصلح مش يتغير بس للاسف لضيق الوقت انا اخدت العربيه ومشيت.
يا ريت لو حد عنده حل لموضوع ده يقولي.

**أحمد جاد** · 18-03-2013 05:20 AM

المشاركة الأصلية كتبت بواسطة abo-omar

Welcome To V5 family مبروك

**أحمد جاد** · 18-03-2013 12:52 PM

المشاركة الأصلية كتبت بواسطة ahmed zakii

انا عملت صيانه2000 كم بس لازال عندي مشكله دخول الهواء لصالون السياره من الابواب الاماميه ومعرفوش يصلحوها في ابو رواش وبالمناسبه بلغوني ان المساعد الامامي محتاج يتصلح مش يتغير بس للاسف لضيق الوقت انا اخدت العربيه ومشيت.
يا ريت لو حد عنده حل لموضوع ده يقولي.

السلام عليكم .. أحمد
ممكن اعرف سعر صيانه ال 2000 كم ... وايه هى ملاحظاتك على التوكيل و الصيانه .. وممكن تفاصيل عن موضوع المساعد الامامى ... هل هناك سبب معين تسريب الزيت الى فيه مثلا .. ولا هم فى الصيانه اكتشفوه لوحدهم .. انا سوف اعمل الصيانه ان شاء الله الاسبوع القادم فى نفس المكان أبو رواش
تحياتى لك .. اتمنى ان صوت الهواء فى الابواب يكون اتحل عندك .

**احمد نور الدين** · 18-03-2013 10:00 PM

المشاركة الأصلية كتبت بواسطة أحمد جاد

السلام عليكم .. أحمد
ممكن اعرف سعر صيانه ال 2000 كم ... وايه هى ملاحظاتك على التوكيل و الصيانه .. وممكن تفاصيل عن موضوع المساعد الامامى ... هل هناك سبب معين تسريب الزيت الى فيه مثلا .. ولا هم فى الصيانه اكتشفوه لوحدهم .. انا سوف اعمل الصيانه ان شاء الله الاسبوع القادم فى نفس المكان أبو رواش
تحياتى لك .. اتمنى ان صوت الهواء فى الابواب يكون اتحل عندك .

با شمهندس احمد ياريت تتابع الموضوع الخاص بخدمة عملاء بريليانس ونصيحة مني في سركم وكاني مقلتش حاجه ياريت تعمل الصيانة في توكيل القطامية

**Electro_mody** · 24-03-2013 03:25 PM

بفكر اشتري بريليانس v5 و انا شوف العربية جميلة و تقفلها حلو
هل اجيبها و هتعيش معايا ولا بلاش و انا هجبها قسط و خايف تتعطل بسرعة مني .و كمان سعر اعادة البيع
ارجو الافادة من اللي جاب العربية دي ضروري

**Ahmed_Ammar** · 25-03-2013 01:07 PM

ألف شكر , مجهود رائع و ربنا يبارك لكو فيها

**gs9miller** · 26-03-2013 11:59 AM

اتوجه بالشكر لكل من ساهم في البوست ده و اصبح مرجع و دليل للي عايز يعرف معلومات عن ال v5 و انا استفدت كتير من مشاركات الاعضاء
الحمد لله انا استلمت العربيه من شهر تقريبا مكنش فيه اي ملاحظات عليها الا صوت عالي معدني سمعته في مطب عبيط مش ممكن يعمل كده
نزلت ابص علي العربيه ملقتش حاجه قلت يمكن الكبوت مكنش اتقفل كويس قفلته و تاني و مشيت علي البيت بعدين خلال اسبوعين اتكرر الصوت ده تلات مرات .. في حاجه غلط و كمان الشنطه لازم تترزع علشان تقفل و الا العربيه مش هتعمل لوك و حصلت معايا و قعدت ربع ساعه مش عارف العربيه مش بتقفل ليه اتاري الشنطه لسه علي كومبيوتر العربيه مفتوحه
كلمت التوكيل و رحت ابوراوش و دي قصه تانيه .. المهم رحت قلتلهم علي صوت عالي في العفشه و مشكله الشنطه كانوا متوقعين الشكوي و النتيجه كانت مرضيه جدا
الشنطه بقت بتقفل عادي من غير ما ارزعها جامد و الصوت اللي كنت سمعته في العفشه لم يتكرر
معقوله كانت العفشه سايبه اوي جده و كانت قصه تربيط بس
قلت اما ابص علي العربيه بنفسي فرحت بنزينه و نزلت تحت العربيه لقيت ان فيه شداد كبير كده بين العجلتين اللي قدام ده الوحيد اللي مساميره مكانها اتغير و عرفت من العلام باللون الازرق اللي علي راس المسمار لكن باقي المسامير متلمستش !!
خليتهم يربطوا كل المسامير و كلها جابت !!
بعد كده العفشه بقت تمام و مرضيه جدا
لسه مش مصدق ان العفشه كانت سايبه .. حركه بايخه في عربيه زيرو
حاجه تانيه مش ظريفه
تانك البنزين فيبر و بمستوي العربيه يعني مش اعلي عن الارض عن باقي جسم العربيه من اسفل
بعض الملاحظات التانيه اللي شايفها بايخه برضه بس شغال يعني :)
المساحات مش بتترفع
درج التابلو مفيهوش نور
الابواب مفيهاش عاكس ضوئي
تنبيه ربط الحزام للي راكب جنب السواق
مفيش تنبيه عند السرعات العاليه
بصفه عامه باستثناء الملاحظات دي العربيه جميله جدا و احساس بالثبات و الفخامه ممتاز .. ناس كتير قالت شعر فيها بس انا قلت ااقول الحاجات اللي محدش اتكلم عليها
لو ظهرت حاجه تانيه هقول عليها

**h_raafat** · 27-03-2013 08:05 AM

الف شكر gs9miller على تقريرك المتميز انا كمان استلمت العربية من شهر ونص تقريباً و كل اللى حضرتك ذكرته كان عندى الى جانب انى بسمع صوت تكتكة جاى من ناحية الشنطة فى المطبات الصغيرة و زقزقة فى الزجاج الامامى اليمين لما يكون مفتوح منه جزء وانا ماشى وكذلك الكبوت مش مريح مكانه حتة عاليه و حتة واطية ورحت ابو رواش فى صيانة الالفين من اسبوع تقريباَ قلت لهم على اللى فيها واستلمتها الساعة واحدة و نص تقريباَ و دفعت 450 جنية وانا مروح لاحظت ان صوت التكتكة و الزقزقة زى ما هو الكبوت معوج زى ماهو لكن ماسمعتش الصوت المعدنى العالى دة تانى لكن لاحظت حاجة نكدت عليا ان العربية بقت مخنوقة وسحبها قل عن قبل الصيانة وبتاخد وقت طويل عشان توصل لسرعة 100 او 120 اكنى راكب بطة عجوزة و مكنش عندى وقت ارجع لهم ابورواش تانى فانا ماشى كده مؤقتاَ لحد ماحجز فى فى فرع القطامية لانى غالبا مش هاروح ابو رواش تانى.

الموضوع: تقرير شامل عن بريليانس v5 بعد 5000 كيلو

LinkBack

أدوات الموضوع

عرض

-

-

-

-

المواضيع المتشابهه

تقرير عن اللوجان بعد 3500 كيلو تقرير شامل ( الكل يدخل )

تقرير ممل أوي عن صيانة الصني 5000 كيلو في السبع المنصورة (للي عنده صبر بس)

تقرير صيانة كروز 5000 كيلو

تقرير صيانة 5000 كيلو ارجو افادة حضراتكم

تقرير 5000 كيلو - جين2

الكلمات الدلالية لهذا الموضوع

المفضلات

المفضلات

ضوابط المشاركة