الموضوع: تقرير شامل عن بريليانس v5 بعد 5000 كيلو

بعد 23000 كم السيارة مريحة و جيدة جدا و لكن أسوأ ما فيها هو مركز الصيانة في جسر السويس
أولا مكانه بعيد بالنسبة ااكثيرين
ثانيا المكان صغير جدا على عدد السيارات التي يقوم بخدمتها لأن أعداد البريليانس بصفة عامة و ال v5 بصفة خاصة في تزايد مستمر و طبعا لا يكفي هذا المكان بمفرده بخدمة كل هذه الأعداد المتزايدة
كذلك إستراحة العملاء صغيرة جدا
آخر مرة ذهبت للصيانة كان معادي الساعة 11 المهندس لم يكلمني حتى الساعة 1 و كنت هناك بسبب عطلين أولهما أن ماكينة الزجاج في أحد الأبواب كانت عطلانة و كذلك المساحة الخلفية كانت شغالة باستمرار و لا تفصل و ذلك منذ الصيانة التي قبلها فقد إستلمت السيارة منهم و لم أنتبه إن المساحة ما بتفصلش إلا بعد ما مشيت من عندهم و حجزت موعد آخر لحل هذه المشاكل
المهم إنتظرت من 11 حتى 5 مساء و الآخر قالي المهندس إنه للأسف ماكينة الزجاج لم يتم تصليحها لأنه ليس عندهم قطع غيار أما المساحة الخلفية فعاوزة كتاوت و برضه ليس عندهم كتاوت طيب آمتى هتيجي قطع الغيار قالي المهندس مش عارف إبقى تابع مع مركز الإتصالات (call center)
بس فيه شيء إيجابي إن بعد كل صيانة بيتصلوا بي و يسألوني عن رأيي في بعض الأشياء و بقول رأيي بصراحة لكن إلى الآن لم يتحسن أي شيء
فيه حاجة تانية نسيت أقولهم عليها و هي إنهم لا يضعون قطع الغيار التي يتم تغييرها في السيارة بعكس أي توكيل آخر تعاملت معه

السلام عليكم ورحمة الله وبركاته

ازيكم يا شباب اخباركم اية بى v5 انا توكلت على الله اشتريت العربية انا وصديق لى والعربية ما شاء الله جميلة جدا بس فى حاجة غريبة العربية بتزيق من الخلف وعربية صاحبى بردوا نفس الوضع اتاكدت ان التربيط الاستبن كويس ومفيش حاجة وقافل الباب كويس وكله تمام بس الصوت ده مزعج جدا خصوصا ان العربية لسة منمرتش
والباب الخلفى تقريبا بيزيق

السلام عليكم اخواني ، الحقيقة أنا من مالكي السيارة بريليانس v5 منذ شهر ديسمبر عام 2012 وهذه أول مشاركة لي ، كانت معايا لانسر بومة 2007 سبورت لمدة ستة سنوات حتي قمت ببيعها وشراء السيارة v5 لذلك قمت بعمل مقارنة سريعة بينها وبين سيارتي القديمة اللانسر ، اولا من حيث خامات التقفيل تتفوق ال v5 ومن حيث عزل الصوت ال v5 تتفوق ومن حيث الثبات علي الطريق ال v5 تتفوق ومن حيث الساوند سيستم ال v5 تتفوق ومن حيث الراحة والرفاهية ال v5 تتفوق ومن حيث ثقل وسماكة الصاج ال v5 تتفوق ومن حيث الكماليات ال v5 تتفوق أما من حيث التسارع اللانسر تتفوق وده طبعا راجع لفرق الوزن بين السيارتين حوالي 300 كيلو تقريبا .
الفرق بين البريليانس v5 وأي سيارة تانية نفس الفئة بعض عيوب خامات التقفيل زي الكليبسات وخلافه اللي بتسبب في بعض الأحيان أصوات تزييق او تنميل . والحقيقة دي بس الحاجة اللي كانت مضايقاني في العربية لكن بخلاف ذلك العربية جيدة جدا وفعلا الحمد لله انا مبسوط بيها .
العداد عندي عامل 41000 كيلو متر والحقيقة من خلال تجاربي مع فروع التوكيل وبعض المراكز اللي فاتحينها الفنيين بالخارج اللي شغالين في بافاريا وبريليانس قدرت أعالج معظم مشاكل التزييق والتنميل اللي كانت مضايقاني وكلها كانت حلها بسيط جدا لأن المشكلة الحقيقية كانت معرفة سبب الصوت زي مثلا التزييق في فرش الابواب .. وربنا يحفظنا جميعا ..
علي فكرة اي حد عاوز يعمل صيانته او عنده اي مشكله في فنيين ميكانيكا وعفشة وكهرباء وفك وتركيب وعاملين نظام سيرفيس وكل حاجة متاحة عندهم زي كمبيوتر كشف الاعطال وخلافه ومكانهم آخر شارع فيصل المريوطية اللي عنده رغبة يتواصل معايا ...

ممكن استاذنا الفاضل تقول لنا ممكن الورش اللى في المريوطية عنوانها ايه بالضبط

على فكرة يوجد مركز صيانة جديد يتبع برليانس فتح في الدراسة بجوار توكيل متسوبيشى بصراحة الخدمة اكثر من ممتازة في هذا الفرع انا جربت ابو رواش وفرع جسر السويس وفرع القطامية ولكن مستوى الخدمة وسرعة الانجاز والتجاوب مع اصحاب السيارات والرد على استفسارتهم اكثر من ممتازة في فرع الدراسة بميدان الحلبي بالدراسة بجوار الجامعة العمالية

مركز صيانة الدراسة مافيش زحمة وبتخلص على طول والمهندسين هناك محترمين جدا

المشاركة الأصلية كتبت بواسطة sami qatary

ممكن استاذنا الفاضل تقول لنا ممكن الورش اللى في المريوطية عنوانها ايه بالضبط

موجودة في المريوطية فيصل وممكن تتصل علي الرقم ده بتاع الأستاذ/ أحمد فتحي وهو فني فك وتركيب في بافاريا وبجد شغل نضيف وهتتبسط منه جداً 01113507574
مع تحياتي

المشاركة الأصلية كتبت بواسطة ahmedfaragalla

موجودة في المريوطية فيصل وممكن تتصل علي الرقم ده بتاع الأستاذ/ أحمد فتحي وهو فني فك وتركيب في بافاريا وبجد شغل نضيف وهتتبسط منه جداً 01113507574
مع تحياتي

شكرا جزيلا استاذ احمد