الموضوع: كادت تتكرر «كارثة أسيوط» عند نفس المزلقان اليوم

المشاركة الأصلية كتبت بواسطة shaddadfalcon1

شتمه ؟ بجد ؟ يعني لو مرسي اتصل بالمحافظ ولا الوزير وشتمه هل دي هيرضيك؟
طيب يارتي مقلتوش كده ليه علي حكومه شرف والجنزوري اللي فضلو سنتين وبتقولو كده علي حكومه قنديل اللي بقالها 4 شهور ؟

لو الشتيمة وقرص الودن هتجيب نتيجة وتوقف المهذلة طبعا يرضيني
اى حل يوقف لإهمال والناس إللى بتموت يرضيني حتى لو غير المحافظ كل أسبوع لحد لما يلاقى الكفاءة
كان فى محافظ من زمان فى دمياط أسمة دكتور احمد الجويلى إللى بعد كدة بقى وزير التموين
الراجل دة كان مشيب المدارس والمستشفيات ينزل من العربية ويدخل المستشفى من غير حراسة واى دكتور نبطشى مش موجود يديلة جزاء ويدخل المدارس ويدخل الفصول ويشوف الدنيا ماشيا أزاى
إنما سياسة أهل الثقة عمرها ما تعمل تغيير
أنا شفت مداخلة تليفون لمحافظ أسيوط بيكلم على أن ال مزلقان دة تبع وزارة النقل ونقص الدواء فى المستشفى دة تبع وزارة الصحة والبية قاعد ضيف فى المكتب
يا باشا دى ناس لسة مش عارفة أدوارها وبقولوا إحنا عايزين نحدد صلاحيات كل جهة

المشاركة الأصلية كتبت بواسطة shaddadfalcon1

يعني الرئيس ورئيس الوزراء اخوان يبقي اي مصيبه في البلد سببها الأخوان؟ مينفعش نقول فلان هو السبب؟
يعني لو واحد مسيحي طلع عمل مشكله اقول المسيحين هما اللي مودينا في داهيه؟.

ده على كده بقى مبارك مش هو اللى كان بيعذبكم ويحطكم فى السجون ويخلى امن الدوله يعملو فيكم العجب والبدع
ومش مبارك السبب فى حادثه العباره ومش مبارك السبب فى حادث قطار العياط ومش مبارك السبب فى كميه السرطان والفشل الكلوى والجهل والفقر والزل اللى عايشينه جوه وبره

مهو مش كل حاجه تقولو مبارك عمل فينا مبارك عمل فينا مبارك عمل فينا ابقو قولو بعد كده فلان هو اللى عمل فينا وهو السبب وهو اللى حبسنا وهو اللى عذبنا

هو ده كده العدل والمنطق لو حنتكلم بطريقه كلامك لكن غير كده حيبقى كيل بمكيالين كالعاده زى ما اتعودنا منكم

ايام مبارك كان كلامكم شيء ودلوقتى كلامكم شيء تانى خالص

ما شتفتش حد بيتكلم على السواقين اللي بتعدي في التقاطعات (و المزلقان ده تقاطع ) من غير ما يبص .

يا سادة البلد خربانة من ساسها لرأسها .

الأخوان غلطهم أنهم عملوا البحر طحينة للناس و أوهموهم أن الحلول قريبة قوي و ده مستحيل .
أنا مش بشتم في اﻷأخوان لأن بصراحة حال البلد لا ينصلح في 4 شهور خصوصا مع شعب 40 % منه جاهل و 100 % منه متمرد مش بيحب القوانين و النظام .

مصر عايزة حاكم شديد حازم و قوانين شديدة حازمة يتم تطبيقها بالعدل على الجميع و بالبلد هاتمشي كويس .


غير كدا أنسى يا عمرو .............. و حوادث العربيات اليومية و القطارات هاتفضل تتكرر بسببنا أحنا مش بسبب الحزب الوطني و لا بسبب الأخوان .

هاتقولولي طيب أيه الحل ؟

قلته فوق ........... حاكم حازم شديد عادل .............. و قوانين يتم تطبيقها على الجميع من أول الغفير لغاية الوزير .

أحنا لازم نتحكم بالعصايا يا جدعان .... الضرب على القفا بيجيب نتيجة معانا .

المشاركة الأصلية كتبت بواسطة tutankhamoun

ما شتفتش حد بيتكلم على السواقين اللي بتعدي في التقاطعات (و المزلقان ده تقاطع ) من غير ما يبص .

يا سادة البلد خربانة من ساسها لرأسها .

الأخوان غلطهم أنهم عملوا البحر طحينة للناس و أوهموهم أن الحلول قريبة قوي و ده مستحيل .
أنا مش بشتم في اﻷأخوان لأن بصراحة حال البلد لا ينصلح في 4 شهور خصوصا مع شعب 40 % منه جاهل و 100 % منه متمرد مش بيحب القوانين و النظام .

مصر عايزة حاكم شديد حازم و قوانين شديدة حازمة يتم تطبيقها بالعدل على الجميع و بالبلد هاتمشي كويس .


غير كدا أنسى يا عمرو .............. و حوادث العربيات اليومية و القطارات هاتفضل تتكرر بسببنا أحنا مش بسبب الحزب الوطني و لا بسبب الأخوان .

هاتقولولي طيب أيه الحل ؟

قلته فوق ........... حاكم حازم شديد عادل .............. و قوانين يتم تطبيقها على الجميع من أول الغفير لغاية الوزير .

أحنا لازم نتحكم بالعصايا يا جدعان .... الضرب على القفا بيجيب نتيجة معانا .

صح اتفق معاك بس فين الكلام ده ؟؟؟؟؟؟؟

ايه التهريج ده والاستخفاف بأرواح الناس ... ده الحمد لله ان ربنا ستر

أويد الأستاذ توت عنخ أمون وهو نفس رأيى تماما

وبجد مصر محتاجة دكتاتور عادل