اصلا نيسان 2013 شكلها وحش قوى تحس انها تيدا معدله او عربيه صينى
اصلا نيسان 2013 شكلها وحش قوى تحس انها تيدا معدله او عربيه صينى
أول حاجة حددت موقع اقدر اجيب من عليه أكواد كل جزء محتاجه في الإصلاح
ولقيت موقع عليه كل المطلوب بس أمريكاني, مش مشكلة بس نقدر نتصرف ونجيب, بس أهم حاجة حضرتك شوف الصورة دي فيها كل أجزاء الرادياتير , حضرتك ممكن تحدد أنهي رقم فيهم اللي محتاجه
http://nileup.com/up/uploads/nilemotors_13537146211.gif
وزيادة في التأكيد ممكن تاخد الموقع وتختار نيسان فيرسا سيدان 2012 هايديك كل أسماء الأجزاء وصورها علشان لوجو نايل موتورز ممكن يقطع حتة من الصورة
https://www.1stnissanparts.com/oe_parts_cat.html
يارب نقدر نساعدك ونحل المشكلة بأسرع وقت لحد ما الناس الميامين اللي المفروض يوفروا قطع الغيار يصحوا
هل دي القنطرة اللي قصدك عليها؟
http://nileup.com/up/uploads/nilemotors_13537151491.gif
لو الصورة اتقطعت باللوجو بتاع الموقع .... هاتلاقي الجزء في المكان التالي:
Radiator Support
Lower Tie Bar
انت لو تقدر تاخد القنطرة بتاعه الريدياتير و تسأل عليها المحلات بس من غير ما تقولهم دى بتاعه ايه علشان الناس اقول ما بتسمع ان العربية نوع جديد بتعمل حاجة من اتنين يا اما بتقولك لا معدناش و ما يكلفشى نفسه حتى يدور عليها يمكن تكون بتستخدم فى انواع تانية من العربيات و هو يكون عنده يا اما بيلقيها عنده و يضربلك فى السعر
و صدقنى الطريقة دى بتنفع جدا كنت بفك الجزء البايظ من العربية و اخده معايا و اسال عليه و اقوله عندك زى دى و يقولى دى ايه و لأيه و اقوله مش عارف علشان يتعب و يدور عليها
بس مش بوريه اللى انا عارف غير لما بيجيب اى حاجة و يحاول يقنعنى بيها
بص يا باشا انا ان شاء الله معاك لحد ما تتحل المشكلة و ح احاول اساعدك على قد ما اقدر
تحياتى
لا انا باتكلم على شراء مباشر من هناك والشحن بيكون ضمن الحسبة
خلينا نبعد عن سكة ادفعلي والقلق ده , هما كويسين بس بتلاقي حاجة بعشرين دولار واقفة عليك بـ 300 جنيه ... زائد التأخير والعطلة اللي مش في صالحنا حاليا ... الراجل بيدفع فوق الـ 100 جنيه مواصلات كل يوم ودي تكلفة عالية, لو حسبناها وجبنا الحاجة من برة شحن هاتقف أرخص عليه مايركب كل يوم وانا مجرب التكلفة والقرف خصوصاً لو ظروف البلد ملخبطة زي الوضع الحالي
اللي يهمني في الموضوع اننا نلاقي الجزء اللي بندور عليه بالظبط بالكود بتاعه ... وكدة كدة الحمدلله لقينا الموقع اللي بيحدد كل حتة في الأجزاء بالصور
اكيد مقدرش اعارضك
بس ربنا يحل المشكلة وتنتهي علي خير
وتترحم من التكاليف اليومية ..
ربنا يصبرك والله
وايه الاسعار المبالغ فيها ديه !!! دي قطع غيار الاوكتافيا a5 ارخص منها و يقولك صفقة رابحة !!!
ربنا يصبرك يا باشا,ويسترها معانا كلنا
ان شاء الله خير و كله يبقي تمام في اقرب وقت ممكن
شكرا جزيلا يا باشا على مجهودك بس انا مش عارف أدخل على الموقع لأنة عايز باسوورد ومش عارف ليه الصور مش ظاهرة عندى
على العموم هى القنطرة مش جزء من الريداتير ولا حاجة هى عبارة عن بار صاج جايب من يمين العربية لشمالها وهو الى بيتحمل عليه الريداتير
بحاول أنزل صورتة بس كل مرة الرفع يفشل مش عارف ليه
أنا هحاول تانى و هحاول أدخل على الموقع كمان و لو لقيته هبعته لحضرتك علطول
شكرا مرة تانية على مجهودك الرائع
الى أنا مش قادر أصدقه ان العربية نيسان وزيرو وبتتجمع فى مصر وليها 3 وكلاء فى مصر و احنا بندور على قطع الغيار من الخارج !!!!!!!!!!!!!!!!!!!!!!!!
فعلا شىء لا يصدقه عقل
ربنا يكون في عونك و ان شاء الله تتحل قريب
احلي حاجة ...اتصلت اليوم بأحد توكيلات نيسان للسؤال عن السيارة .....فأخبرني بأن التسليم بعد 4 شهور ....لية ياعم الحاج ..... اصل مصر كلها بتحجزها .....طيب قطع الغيار متوفرة .... ضحك بسخرية قائلا طبعا الصيني بتتصنع في مصر .... وموجودة عند البقالين ..... طيب في ناس بتشتكي ان مافيش قطع غيار ليها ....... هاها كذب دول اعداء النجاح وضد الصني .... طيب انت عايز تحجز عربية .....لا شكرا انا باسأل بس .......
دي مصر ياعبلة
معلش قريت جزء من التعليقات فلو كان كلامي مكرر اعذرني
قدم شكوى لشركة نيسان الأم أو نيسان الهند
وطبعا مع الاخوة في موضوع حماية المستهلك علشان يهتموا بيك
اصل اكيد عندهم قطع غيار بس بيسحبوها علشان ينتجوا عربيات اكتر ويلاحقوا الطلبيات
ونصيحتي بس مايزعلش مني ملاكي هذه العربية العملية الرخيصة بالنسبة لقيمتها
بعد ماتصلح ان شاء الله بيع
اصل ماينفعش عربية من غير قطع غيار والطريق بعيد الشر غدار
تحياتي
حضرتك اتخانق و اطلب منهم ورقة إن مفيش قطع غيار متوفرة
و هدد إنك هتعمل بيها شكوى في جهاز حماية المستهلك
العيار اللي مايصبش يدوش , يمكن يخافوا و يهتموا شوية
أصل دي اجزاء ميكانيكية مش بنتكلم في باب ولا رفرف ولا مراية مثلا
ده تهريج واللهِ ,مش كفاية الاسعار المبالغ فيها
كمان مش موجودة
و فيه عضو بيقول مش لاقي فلتر هواء !!!!!!!!!!
ربنا معاكم والله ,أنا ساكن في التجمع الخامس و ساعات بأنزل الجيزة
لو فيه أي حاجة عايزني أسألك عليها أنا تحت أمرك
-أنا آسف بجد للي بيحصل:Zb_sor1[1]:
-اللي بيمشي ورا كلام الناس لا يلوم الا نفسه لأن اللي نصحك بيها فينه دلوقتي قلنا كل واحد يدور و يعقلها بنفسه و يسأل ناس أهل للثقه مش مدح وخلاص. :B4_592:
-أي حد كان يطرح وجه نظره بخصوص هذه السياره كان يتم مهاجمته على أساس انها Ferrari بدون مشاكل و التوكيل منزل من السماء والله من زمان قلنا عربيه أقل من تقليديه و هندي.....:help2:
-
هندي ازاي
ياباشا انا قولت ان النيسان الجديده هندي كنت هانضرب بالنار
مش عارف معتبرين ان الهندي دي شتيمه
في منتدي تاني عضو في الخليج كان راجع مصر بعربيته صني الجديده
كان عامل حادثه بسيطه جدا
العربيه ادمرت
الراجل بيقول ان العربيه دي يستحيل تكون نيسان عباره عن ورق في بلاستيك
حسبى الله ونعم الوكيل فى الوكلاء اللى بيستهيلوا الناس
سؤال مش برئ
محدش ملاحظ حاجة ؟؟؟؟؟؟؟؟؟؟؟؟؟؟؟؟؟؟؟؟
ربنا يستر و يصلحلك الامور، انا بدات اترعب، انا حاجزه العربيه و المفروض استلم خلال شهرين . بدات افكر اصرف نظر بس مش لاقيه حاجه مناسبه في نفس الفئه السعريه
اتمني ان منسقي القسم او اي من الاعضاء علي اتصال بالتوكيل لو فيه امكانيه لمعرفه ميعاد توافر قطع الغيار من التوكيل يبلغونا بيه
علشان واضح ان الموضوع عامل بلبله وحيره بين ملاك السياره
العربية دي اتعملها دعاية على المنتدى من بعض الاشخاص وكانها عربية فضائية مما ادى ببعض الناس الى شرائها
يا باشا الدعايه بتكون علي امكانيات العربيه لان اكيد اللي راح عمل تست درايف بيها معملش حادثه وانتبه لجزئيه قطع الغيار
ووضع طبيعي ان التوكيل يكون عنده قطع غيارها
وفي العموم هو مش التوكيل الوحيد اللي معندهوش قطع غيار لعربيته
فنستني الخبر الاكيد عن وقت توافر قطع الغيار داخل التوكيل او البدايل لو فيه بديل متاح
و الله الواحد شكله هيبدء يفكر في الريو الجديده خليجي تدفع شويه فلوس زياده احسن ما تخسرها كلها انا حاجز بس بدءت اليومين دول اشك في العربيه انا عارف ان عربيات نيسان حلوه بس مكنتش عايز اجيب الشكل القديم علشان مكنش بيتغير و لما لاقيت دي قولت اتوكل علي الله بس الاسبوعين للي فاتوا عملوا بلبله للواحد
حضرتك بتقول الخبر الأكيد؟؟!!!!!!
خبر أكيد عن ايه بالضبط ؟؟!! دا انا كاتب حتى أسامى الناس الى اتعاملت معاهم .
ناقص أكتب كلمتهم الساعة كام
وبعدين بفرض ان الحاجة دى توافرت بكرة وده مش هيحصل .. هو المفروض انى أستنى 15 يوم عشان يمنو عليا بقطع الغيار ؟!!!!!
و الفلوس الى بخسرها كل يوم نتيجة تأخيرهم دى فى المواصلات مين يعوضنى عليها ؟!!!
على فكرة يا باشا أنا دورت عن بدائل وملاقيتش للأسف