يا جماعة ده الرابط بتاع أهم قطعة مش موجوده والى موقفالى الدنيا كلها
https://www.partswebsite.com/stores/...s3/3781030.gif
القطعة رقم 3
يا جماعة ده الرابط بتاع أهم قطعة مش موجوده والى موقفالى الدنيا كلها
https://www.partswebsite.com/stores/...s3/3781030.gif
القطعة رقم 3
اقسم بالله العظيم انا اعتز بصداقة صقور نيسان علشان فى ناس كوادر فى هذا المنتدى اصبحوا اصدقاء خارج المنتدى وعلى اتصال دائم ومرجع لى فى اشياء عديدة واستفادتى منهم كبيرة ووقفاتهم معايا كثيرة واخشى ان انتقض اى شئ فى القسم حفاظا على صداقتهم لأنى يعز على جدا زعلهم منى وانا لو تركت نفسى للرياح هيزعلوا - ولذلك دائما بتكلم بتحفظ شديد خوفا على مشاعرهم نعم اقصد مشاعرهم ..........ليه علشان للأسف هما اعتبروا كلمة أو علامة نيسان خط احمر وهذا هو الخلاف الوحيد والأوحد بينى وبينهم علشان كده احياننا كثيرة يبقى فيه مداخلات ببعد نفسى عنها
وما يحدث معنا بالعكس فانا دائما اعترف ان توكيل هونداى أوكيا للأسف مش على المستوى المرضى للعميل على الإطلاق طبعا ده شئ طبيعى فى مصر وهجمت مرة بسبب ذلك ومن وقتها قلت خلينا اصحاب احسن معنديش استعداد اخسر ناس فاضلة ذى الناس دول
معلش والله انا اتجريت فى الكلام ومتردد اعتمد هذه المشاركة معلش بقى هى جت كده
بس ياريت الجواب هو انتم ملحظين إيه ؟؟؟؟؟؟؟؟؟؟؟؟؟؟؟؟؟؟؟
انا والله مش عارف اقولك ايه, ربنا يعوض عليك خير ويخلف لك خيرا منها.
للاسف ده الجشع اللى خلى نيسان مصر ماتهتمش بتوافر قطع الغيار بقد اهتمامها بالتصنيع والمكسب.
سؤال بأه... هل فى وجه شبه بين القنطره دى وبتاعه الشكل القديم؟؟؟
الكلام ده لمنسقين القسم :
يعني عملتوا زيارة للمصنع و مقابلين
http://nileup.com/up/uploads/nilemotors_13533396601.png
و مش عارفين تكلموا حد للراجل عشان يخلصله الحوار !!!!!!!!!!
الله يكون في عونك
انا حاجز العربيه و الاستلام كمان شهر بفكر أجل الشرا كمان 3 او 4 شهور لما قطع الغيار تتوفر انا فعلا بقيت قلقان جدا.
و بعدين انا حاسس انهم كل شويه يغيروا حاجه مرا يطاريه سايله و مره جافه و مره كاوتش صيني و مره تايلاندي
انا بفكر استني لحد م الامور تتضح
اولا كان الله في عونك واصبر واحتسب
ثانيا فعلا خبطة الكلب بتدمر وش العربية وتعنل تلفيات خرافية توصل لطقم تبريد كامل وشبكة وفانوس واكصدام وشاسية اكصدام وشاسية رداتير الخ وده من حوادث استقبلتها في المركز عندي
اللي بيقول الموضوع يتقفل او يتحذف ده مابيحصلش في نايل موتورز وعيب قوي يتقال علي منتدايا كدة
عمرنا ما قفلنا موضوع اخرنا كنا بنغير العنوان بعد حل المشكلة نهائيا وبيكون باستأذان صاحب الموضوع
نايل موتورز قايم علي خدمة الاعضاء وعمر ما سياستنا اتغيرت
ولو كان حصل زمان الاولي مايحصلش دلوقتي لسبب بسيط جدا
ان نايل موتورز في وكالة اعلانية ضخمة بقي ليها حق الاعلان الحصري عليه ومايخصنيش بقي وكيل من غفير من اي محتوي يتقال جوة
ولصاحب الموضوع انصحك كنت وفرت علي نفسك ودورت عليها ولو ب 300 مش 170 بس واهو تمن يوم ونص مواصلات من غيرها
وباذن الله من ناحيتي هاكلم مهندس كريم هاشم هاستاذنك ابعتلي بياناتك اسمك ورقم العربية عالخاص والله المستعان
تحياتي
حابب اقول ملحوظة كمان
ان معظم السيارات المصنعة محليا بيكون الاهتمام الاكبر لتوفير قطعة الغيار للتصنيع وده تقصير للاسف
وكان بيحصل مع عربيات اوبل وهيونداي المجمعة محليا برضه
[/quote]سؤال مش برئ
محدش ملاحظ حاجة ؟؟؟؟؟؟؟؟؟؟؟؟؟؟؟؟؟؟؟؟
[/quote]
أوجزتم فأنجزتماقتباس:
للاسف ملاحظ, بس لغايه دلوقتى مقدم حسن النيه.
يمكن.......!!!!!!!
مفيش أى حاجه بديله او حتى شبهها وتتفبرك بعد كده
ربنا معاك
يا باشا انا كاتب الخبر الاكيد عن ميعاد توافر قطع الغيار
علشان الناس تعرف راسها من رجلها ان كان فيه قطع غيار مستقبلا ولا اللي جاب عربيه يركنها ميتحركش بيها
واتمني برضه انك تاخد خطوات واجرائات الشكوي لجهاز حمايه المستهلك
ربنا يعوضك خير عن مصيبتك ويعوض خسارتك اضعاف مضاعفه
سيدى الفاضل, مشكله التوكيل ان كل واحد بيحكى حسب تجربته الشخصيه وانطباعه......
يعنى مثلا حضرتك لو حد سألك عن توكيل نيسان دلوقتى هاتقول حاجه زى الزفت وطبعا معاك حق لان دى تجربتك معاه.
فى حين ان لو حد سألنى انا هاقوله من واقع تجربتى ان هما غيرولى كمبريسور التكييف لمجرد ان فى صوت ونه ضعيف جدا بيطلع لما ال rpm يعدى على 2000, يعنى صوت ماتسمعوش الا لو ثبت العداد على 2000 بس.
اتمنى انى ماكونش حرقت دمك اكتر ما هو محروق, انا بس باحاول اوضح نقطه صغيره
وفى النهايه ربنا يصبر على ما ابتلاك, وشوف موضوع القنطره ده حتى لو من بره لان واضح ان حضرتك بتتكلف كتير طول مالعربيه مش معاك.
ربنا يعوضك ان شاء الله
وجزاك الله خيرا علي نصيحتك
معلش أنا اسف ,بس أنا مش متفق مع حضرتك
المفروض لما حد يسألك ,تقوله كل حاجة بأمانة مش تجربتك بس
اللي للتوكيل و اللي عليه
يعني مش تبقى عارف إن فيه حد حصل معاه مشكلة جامدة و محدش في التوكيل عبره
و تقول للي سألك إن تجربتك معاهم انهم غيرولك كمبرسور تكييف وانهم ناس زي الفل !!!!!!!!!!!!!
ده لينك للموضوع فيه كل تفاصيل و صور الزيارة
http://www.nilemotors.net/Nile/319906-a.html
انا حزين جدا من اللي بسمعو ده ومش مستوعب عربية تتصنع في مصر ازاي ميعلموش حتى حساب 5% قطع غيار
معاك حق يا اخونا الكريم وانا مش عارف اقولك ايه بس حاول تكلم كده مركز تاني مودرن او اوتو ايجبت
أكيد طبعا هاقول اللي ليهم واللي عليهم بس المشكله اني شغال بالمثلاقتباس:
المشاركة الأصلية كتبت بواسطة ahmed-adel
"صدق نصف ماترى ولا شىء مما تسمع" يعني لازم اتاكد 100% من اللي هاقوله والا بلاش اقوله احسن مش بحب موضوع "اصلي سمعت" او "بيقولوا"
وانا اقصد بكلامي اللي فات قبل ما اسمع قصه الاستاذ صاحب الموضوع والاستاذ التاني اللي معاه القشقاي، لان قبل كده ماسمعتش حاجه وحشه عن التوكيل.
الاول بس احب أوضح إن مليش أي مصلحة في تشويه العربية ولا وكيلها
ولا عمري قلت لحد اشتري حاجة معينة ولا أنا داخل اروج لعربية أنا راكبها
أنا بقالي فترة شايف كمية الشكاوي من وكيل نيسان
بس معدش ينفع يتسكت على الموضوع بصراحة لأن فيه ناس بتتأذي
ده التوكيل اللي الأعضاء بيقولوا عليه كويس !!!!!!!
و ده مش كلامي ,كل دي مواضيع ملاك نيسان اللي عاملينها
أنا بس مجمع شوية مواضيع من أول 7 صفحات في قسم نيسان و أي حد ممكن يشوفهم
http://www.nilemotors.net/Nile/318121-a.html
http://www.nilemotors.net/Nile/319576-a.html
http://www.nilemotors.net/Nile/31961...post3874652540
http://www.nilemotors.net/Nile/320581-a-11.html
http://www.nilemotors.net/Nile/319077-2013.html
http://www.nilemotors.net/Nile/319601-a.html
http://www.nilemotors.net/Nile/317332-a.html
http://www.nilemotors.net/Nile/316936-a.html
وشوفوا اسعار قطع الغيار
http://www.nilemotors.net/Nile/314483-2012.html
حاجة تنرفز فعلا .. وقلبى معاك
والله اول ما قريت موضوعك بعت ايمال لمصنع عشان موضوع قطع الغيار الناقصة عندك
وبعتلهم ان فى ملاك كتير اشتكوا من عدم توافر قطع الغيار .. وان مفروض زى ما بيتم استيراد قطع غيار لخط الانتاج .. لابد من توافر قطع غيار لخدمة ما بعد البيع ..
لان مهم جدااااا لنجاح اى سيارة فى السوق المصرى توافر قطع الغيار ما بعد البيع .. وان شاء الله تتحل باذن الله
وياريت تبعتلى رقم تليفونك ورقم بيانات العربية على الخاص .. عشان باذن الله لو ردوا على الميل اللى بعته .. يمكن يطلبوا بياناتك .. فلازم تكون معايا عشان ابعتها لهم
وبردوا ياريت تقولى كل القطع اللى محتاجها وناقصة لما سالت عليها فى مراكز الخدمة
وتقبل تحياتى
يا فرج الله
الدينامو وصل يا جدعان و بعون الله حتتحل
انا ما رضيتش افتح بقى لانى كنت منتظر رده
و بالفعل اهو رد و ما خيبش ظنى فيه
ربنا يقويك يا احمد على فعل الخير
الموقع معليهوش باسوورد علشان تجيب صور وارقام الأجزاء ... ده الباسوورد علشان وقت الشراء فقط
عموماً لقيت الصورة اللي انت حطيتها وهو فعلاً الجزء اللي كنت اقصده
زي ماقلت لحضرتك عندي إمكانية اجيبهالك من برة يوم الأربع ان شاء الله, وتكون عندك يوم السبت بالليل أو الأحد بإذن الله لو لقيتها برة
واحنا جميعاً بنتعاون علشان ننقذ الوضع الحالي وماكانش في الحسبان أصلاً ان حاجة زي كدة تحصل لا من التوكيل ولا من المصنع , يارب نقدر نعمل حاجة
والشباب اللي معاهم تليفون أو إيميل المصنع اتدخلوا وبيحاولوا يحلوا المشكلة, ربنا يجازي كل من تدخل وحاول يحلها كل خير , واحمد مصطفى تدخل مشكوراً علشان يساعد في الموضوع , ومن حق صاحب الموضوع يشتكي ويتنرفز بالفعل لأن ده شقى عمره واترمى في الأرض بسبب جزئية غير مسئولة من التوكيل, والتوكيل بالفعل مخطئ في الحكاية دي وماحدش بيحاول يجمل صورته
وماحدش في الناس اللي حكوا عن تجربة كويسة مع التوكيل أو العربية كان بيكدب أو بيعمل من البحر طحينة , وأعتقد لما يكون أخونا في أزمة ندخل كلنا نحاول نحلهاله سواء من جوة أو برة مصر ونفضل معاه لحد ماتتحل, مش نصطاد في المية العكرة ونشتم في كل حاجة سواءً العربية أو التوكيلات أو الناس اللي قالوا على العربية انها كويسة , صاحب الموضوع قال ماحدش يشتريها علشان فيها كذا وكذا, عن تجربته الشخصية وبالفعل هو محق في كدة, أنا عن نفسي لو كنت اعرف الحكاية دي ماكنتش جبتها على الأقل لحد ماتتوافر قطع الغيار, دلوقتي ماشي وحاطط إيدي على قلبي وربنا يستر طريقنا لأنها لو حصل حاجة لا قدر الله هاتتركن
تجاهل مشاركات أصحاب العربية ومحاولة حلها والصيد في المية العكرة على حساب زميل عزيز لينا محتاج مساعدة ومتنرفز من سوء أداء وكيل عربيته مش مبرر اننا ندخل نخبط في الكل, احنا في الأول وفي الآخر أخوة وبنتعاون علشان نوصل لحل للمصيبة دي, ولستة الأخطاء الجاهزة اللي بتترص مع كل حد بيشتكي أعتقد انها بتعبر عن حاجة معينة
والأخوة اللي كانوا ملاحظين حاجات أنا كمان ملاحظ زيكم بالظبط
قوللي ياباشا على رقم تليفونك على الخاص علشان وانا برة ان شاء الله أكلمك اشوف جبتها ولا لأ ساعتها , علشان احدد اجيبهالك بدوري ولا لأ
وأرجو ان الموضوع من أوله لآخره حد يقرأه من قسم التسويق في نيسان مصر, علشان يوصل الكلام ده للإدارة العليا ويفهموا ان سلعة معمرة زي دي لو حصل تقصير زي الحالي في توفير قطع الغيار ازاي الدنيا هاتقوم ومش هاتقعد , وتبقى فرصة ممتازة لأي حد عايز يخبط في العربية والماركة والتوكيل وكل من تكلم عنها بشكل طيب في يوم من الأيام, كفاية اننا بنتحمل أخطاء ناس تانيين المفروض يقوموا بشغلهم, وأغلبنا سأل عن توافر قطع الغيار قبل مايشتريها وجاله الجواب بالإيجاب, وطبيعي ماحدش راح يتأكد من أي توكيل وقاللهم أنا عايز وش سلندر للعربية الجديدة علشان يشوف موجود أو لأ .... دلوقتي أخدنا خبرة أخونا وعرفنا ان ممكن الموقف المؤسف ده نتعرض له كلنا
ويارب نحل المشكلة
حضرتك لا تقصد شيئا بدليل المجهود اللى حضرتك بذلته فى تجميع هذه المواضيع!!! من سبع صفحات و بالوصلات المباشرة بتاعتها كمان!!!
طيب ممكن سؤال؟
حضرتط قرات المواضيع دى؟؟؟؟
شوفت النقاشات اللى فيها؟؟؟
عرفت ان فى اكثر من موضوع تم حل المشاكل اللى فيهم؟؟؟؟
و ان فى مواضيع كان فيها سوء تفاهم لا اكثر؟
طيب على سبيل المثال و ليس الحصر انت عرفت ان صاحب الموضوع بتاع الكاوتش منتهى الصلاحية كذب الخبر ده و دخل و اعتذر لانه اكتشف انه قرأء الكود بتاع الانتاج غلط؟؟؟؟؟
ولا حول و لا قوة الا بالله
و الله يا باشا مش انا اللى بدات بالهجوم
و بعدين تفرق لما انك تقول ان فى تقصير او انى شفت كام موضوع و الناس متضايقة
و انك تجمع المواضيع اللى فيها مشاكل من 7 صفحات بوصلاتها و تعرضها لنا هنا و كمان معاهم تاخير الاستلام و اسعار قطع الغيار
طيب ده تسميه ايه!!!!
بزمتك انت مش شايف ان ده ما فيهوش تسخين بدل ما نحاول نساعد العضو و نحل له مشاكله!!!
و بعدين مافيش حاجة اسمها اعتبر الكلام مش موجود انت قلت شىء و استشهدت بموضوع يبقى انت مسؤل عن كلامك
و بعدين تاخير الاستلام ده موضوع تاااااااااااااااااااااااا انى خالص مالوش دعوة بخدمة ما بعد البيع
و الموضوع ده اتكلمنا فيه كتير و فى ناس كان اتاخر استلامها جدا صحيح و اتكلمنا مع الموزعين و مع ناس فى مصنع نيسان كمان
يعنى احنا مش ساكتين
و بعد كده فى ناس كتير متاخرة استلمت و اخدت هدايا مع العربية كمان كنوع من الاعتذار
و بعدين موضوع سرطان الزجاج صاحب العربية ما كلفش نفسه يروح اى مركز خدمة او حتى يشتكى و الاخ احمد مصطفى قال بالنص انه زعلان منه عشان كده بيسيب حقه
انا شخصيا لم ادافع عن الموزعين او التوكيل و الاستاذ شنورى رايه على عينى و على راسى لكن رايه ليس راى الجميع و لا يعبر عن جمهور اعضاء المنتتدى ( لو كان احمد مصطفى بيدافع و خلاص ماكانش يقول للاعضاء ما تسيبوش حقكم)
و موضوع ابو رواش الناس اتصلوا بالعضو عشان يشوفو حل للمشكلة
و الكاوتش اللى انتاجه قديم طلع مش قديم
مش نتاكد
نحن لا ننكر انه يوجد اخطاء و يوجد مشاكل و المهم ان المشاكل تتحل لان ده حينعكس علينا جميعا
و بعدين ايه علاقة اسعار قطع الغيار بخدمة ما بعد البيع؟؟؟؟ الاسعار مش عجباك ما تشتريهاش هذا ليس معناه انها قطع غير جيدة!!
و فى مواضيع تانيه كان فيها مشاكل و اتحلت
و فى عضو هنا عمل موضوع مشابه بيحذر من شراء السيارة و ان قطع الغيار مش موجودة ( بردك عمل حادث)
و بعدها بايام اتحلت المشكلة و الحجات جاءت و اتركبت و العربية رجعت ولا الجديدة
يعنى التوكيل اللى وحش؟؟؟ ولا العربية وحشة (سواء الصنى ولا القشقاى)؟؟؟ ولا قطع الغيار سعرها مش عاجبك؟؟؟ ولا الاعضاء و المنسقين بتدافع عن التوكي ل يبقى هما ناس مش كويسين؟
ولا حضرتك تقصد كل ده مع بعض؟؟؟؟؟؟
و الله اعلى و اعلم
ولا حول ولا قوة الا بالله
ذى ما فى معارض تلزم المشترى فى حالة شراء السيارة عن طريق التقسيط - بعمل تأمين شامل
يبقى لازم ايضا نبسان تلزم المشترى الأشتراك بالمنتدى علشان يقدر يحل مشاكله !!!!!!!!!!!!!!!!!!!!!!!!!
يا جماعة الموضوع مش كده الراجل ده مشكلته ان شاء الله فى طريقها للحل علشان هو عضو فى هذا الصرح العظيم
ولاكن علينا ان نتخيل فى كام مالك للسيارة ممكن ان يكون فى نفس وضع صاحب الموضوع وميعرفش عن المنتدى اى حاجة هيكون إيه الحل ؟؟؟؟
وهذا هو لب الموضوع لازم يكون عندنا نظرة شمولية - ولا المنتدى ده بيخدم اعضائه بس
لأننا على ثقة كبيرة جدا - هذا المنتدى فيه رجال قادرين على حل مشكلات ضخمة وعديدة مهما كلفهم ذلك من وقت ومجهود واكثر من ذلك -
والأكثر من كده وبدون مجاملة انا عارف ا/ احمد مصطفى وقدراته الضخمة الذى يحسد عليها يعنى اعتقد لو فى مشكلة فى كيا مثلا وتدخل فيها فهو قادر على حلها بإذن الله بالرغم من انى اعرف الناس بتوع كيا مكبرين دمغهم على الآخر
كل ما اقصده من كلامى وقلته قبل كده انى مش لازم اعرف شخص او اعتمد عليه علشان يحل مشكلتى
نفسنا نشوف الوكيل يهتم بالعميل زيه زى اى حد تانى من غير وسطة - نفسنا نشوف الوكيل يعمل اللازم مع العميل من غير شكاوى - نفسنا الوكيل يتعامل مع العميل بدون تدخلات من أحد يعنى ميكنش فيه طرف ثالث
هو كلام حضرتك مظبوط فعلاً كل الوكلاء في مصر بلا استثناء عندهم النقطة دي, لأن الموضوع في الآخر في إيد موظف هو حلقة الوصل بين الواقع وبين الإدارة, لكن في كل الأحوال ماحدش هنا بيهتم بعميل طالما بيقدر ياخد فلوس من عملاء كتير تانيين غيره , والكلام ده في كل الماركات مهما غلا ثمنها
نرجع بقى للموضوع الأصلي ونشوف أنس باشا وصل لحد فين مع التوكيل وهايكون رده إيه في حكاية شراء القنطرة من هنا أو برة , ومين كلمه من التوكيل ونشوف رد أحمد مصطفى بعد ما نيسان ترد على إيميله
يارب تتحل المشكلة
انا مش فاهم يعنى الموضوع وصل لغاية فين واتحلت المشكله ولا لسه لانى مستلم نيو صنى لسه من اسبوع وبدأت اقلق ياريت حد يطمنى
السادة الكرام أعضاء المنتدى..
أولا أشكركم شكرا جزيلا على الدعم الذى قدمتموه لى فى هذا الموضوع
كما أخص بالشكر كل من قام بالاتصال بى شخصيا وعرض المساعده بكل اخلاص
السيد المحترم air - devil
السيد المحترم canner
السيد المحترم المنسق الاجتماعى للمنتدى
السيد المحترم كريم منير رئيس مجلس ادارة المنتدى
السيد المحترم أحمد مصطفى منسق قسم نيسان
(الترتيب حسب أسبقيه الاتصال واعذرونى اذا لم أذكر الأسامى بطريقة صحيحة)
رغم كل المعاناه الى عانيتها فى الموضوع ده بس كان عندى أمل أن المشكله تتحل . ماهو بالعقل كده العربية بتتصنع فى مصر يا ساااادة !!!!!! يبقى ازاى أحتار فى قطع غياااااااااااااااااار والله مش مصدق
ولكن اليوم وحالا تيقن لى أن المشكلة قائمة ولها أبعاد أكثر من ما كنت أتصور بكتير
المفاجأة الكبرى يا حضرات
تأكيد من السيد هيثم عبد المنعم مدير قطع الغيار بالسبع أن المصنع رد عليه و أفاد بأن قطع الغيار غير متوفرة بالمصنع وقد لا تتوفر خلال الثلاثة أشهر القادمة
يعنى الكلام طلع مظبوط
يعنى العربية فعلا مالهاش قطع غيار
يعنى الوكيل نصب علينا
يعنى مفيش فايدة
يعنى أخبط دماغى فى الحيط
يعنى أروح أشترى عربية تانيه أو أأجر تاكسى
و الى يفرس أنه أكدلى ان قطع الغيار لازم تكون موجوده عشان التصنيع بس دى بيفصلوها عن قطع غيار مابعد البيع
يعنى مش مشكلة عميل يترمى 3 شهور من غير عربيته بس المهم انى أبيع لواحد تانى ولو على قطعة الغيار التافهه دى
وكمان قالى أن فى ناس عندهم نفس المشكله وواقفين على نفس قطع الغيار منهم واحد عنده فى السبع !!!!
وبيأس أخدت منه البارت نمبر بتاع الحاجات الى عايزها عشان أشوف هتصرف ازاى
هل ده وكيل يسحق من أى حد كلمة كويسة؟؟؟!!!!
عندى شعور هو مزيج من الزهول والغضب و اليأس و الدهشة
وفى النهاية كلمة واحده
حسبى الله ونعم الوكيل
اتمنى تكون حضرتك اثبت الكلام ده مثلا زي امضاء منهم على كارت الضمان او الصيانه
تطلع على حماية المستهلك بالاثبات ده
لو قدرت تتصرف في قطع غيار من بره
وطبعا لازم تعويض يكون مناسب
(وماتنساش التجريس حرامية مصر مش بييجو بالاحترام)
انا شخصيا اوعدك اني انشر قصتك لكل اللي اعرفهم
حاجه تفقع