تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو )

**GRADER** · 24-11-2012 11:12 PM

يا جماعة ده الرابط بتاع أهم قطعة مش موجوده والى موقفالى الدنيا كلها

https://www.partswebsite.com/stores/...s3/3781030.gif

القطعة رقم 3

**محمد بدر** · 24-11-2012 11:15 PM

المشاركة الأصلية كتبت بواسطة grader

و أنا كمان ملاحظ نفس الشىء.

اقسم بالله العظيم انا اعتز بصداقة صقور نيسان علشان فى ناس كوادر فى هذا المنتدى اصبحوا اصدقاء خارج المنتدى وعلى اتصال دائم ومرجع لى فى اشياء عديدة واستفادتى منهم كبيرة ووقفاتهم معايا كثيرة واخشى ان انتقض اى شئ فى القسم حفاظا على صداقتهم لأنى يعز على جدا زعلهم منى وانا لو تركت نفسى للرياح هيزعلوا - ولذلك دائما بتكلم بتحفظ شديد خوفا على مشاعرهم نعم اقصد مشاعرهم ..........ليه علشان للأسف هما اعتبروا كلمة أو علامة نيسان خط احمر وهذا هو الخلاف الوحيد والأوحد بينى وبينهم علشان كده احياننا كثيرة يبقى فيه مداخلات ببعد نفسى عنها
وما يحدث معنا بالعكس فانا دائما اعترف ان توكيل هونداى أوكيا للأسف مش على المستوى المرضى للعميل على الإطلاق طبعا ده شئ طبيعى فى مصر وهجمت مرة بسبب ذلك ومن وقتها قلت خلينا اصحاب احسن معنديش استعداد اخسر ناس فاضلة ذى الناس دول
معلش والله انا اتجريت فى الكلام ومتردد اعتمد هذه المشاركة معلش بقى هى جت كده
بس ياريت الجواب هو انتم ملحظين إيه ؟؟؟؟؟؟؟؟؟؟؟؟؟؟؟؟؟؟؟

**khaled25_9** · 24-11-2012 11:38 PM

المشاركة الأصلية كتبت بواسطة mmbadroo

سؤال مش برئ
محدش ملاحظ حاجة ؟؟؟؟؟؟؟؟؟؟؟؟؟؟؟؟؟؟؟؟

للاسف ملاحظ, بس لغايه دلوقتى مقدم حسن النيه.
يمكن.......!!!!!!!

**A.Adel** · 24-11-2012 11:58 PM

الكلام ده لمنسقين القسم :

يعني عملتوا زيارة للمصنع و مقابلين

و مش عارفين تكلموا حد للراجل عشان يخلصله الحوار !!!!!!!!!!

**A.Adel** · 24-11-2012 11:59 PM

المشاركة الأصلية كتبت بواسطة mmbadroo

بس ياريت الجواب هو انتم ملحظين إيه ؟؟؟؟؟؟؟؟؟؟؟؟؟؟؟؟؟؟؟

ملاحظ إن كل الاعضاء اللي كانوا بينصحوا الناس بيها -من غير ذكر اسماء -مش عارفين يردوا يقولوا إيه

شكلهم اتفاجئوا زينا بظبط

**assaf** · 25-11-2012 12:08 AM

الله يكون في عونك
انا حاجز العربيه و الاستلام كمان شهر بفكر أجل الشرا كمان 3 او 4 شهور لما قطع الغيار تتوفر انا فعلا بقيت قلقان جدا.
و بعدين انا حاسس انهم كل شويه يغيروا حاجه مرا يطاريه سايله و مره جافه و مره كاوتش صيني و مره تايلاندي
انا بفكر استني لحد م الامور تتضح

**Karim_Monir** · 25-11-2012 12:14 AM

اولا كان الله في عونك واصبر واحتسب
ثانيا فعلا خبطة الكلب بتدمر وش العربية وتعنل تلفيات خرافية توصل لطقم تبريد كامل وشبكة وفانوس واكصدام وشاسية اكصدام وشاسية رداتير الخ وده من حوادث استقبلتها في المركز عندي
اللي بيقول الموضوع يتقفل او يتحذف ده مابيحصلش في نايل موتورز وعيب قوي يتقال علي منتدايا كدة
عمرنا ما قفلنا موضوع اخرنا كنا بنغير العنوان بعد حل المشكلة نهائيا وبيكون باستأذان صاحب الموضوع
نايل موتورز قايم علي خدمة الاعضاء وعمر ما سياستنا اتغيرت
ولو كان حصل زمان الاولي مايحصلش دلوقتي لسبب بسيط جدا
ان نايل موتورز في وكالة اعلانية ضخمة بقي ليها حق الاعلان الحصري عليه ومايخصنيش بقي وكيل من غفير من اي محتوي يتقال جوة

ولصاحب الموضوع انصحك كنت وفرت علي نفسك ودورت عليها ولو ب 300 مش 170 بس واهو تمن يوم ونص مواصلات من غيرها
وباذن الله من ناحيتي هاكلم مهندس كريم هاشم هاستاذنك ابعتلي بياناتك اسمك ورقم العربية عالخاص والله المستعان
تحياتي

**Karim_Monir** · 25-11-2012 12:17 AM

حابب اقول ملحوظة كمان
ان معظم السيارات المصنعة محليا بيكون الاهتمام الاكبر لتوفير قطعة الغيار للتصنيع وده تقصير للاسف
وكان بيحصل مع عربيات اوبل وهيونداي المجمعة محليا برضه

**A.Adel** · 25-11-2012 12:20 AM

المشاركة الأصلية كتبت بواسطة Karim_Monir

اللي بيقول الموضوع يتقفل او يتحذف ده مابيحصلش في نايل موتورز وعيب قوي يتقال علي منتدايا كدة
عمرنا ما قفلنا موض عو اخرنا كنا بنغير العنوان بعد حل المشكلة نهائيا وبيكون باستأذان صاحب الموضوع
نايل موتورز قايم علي خدمة الاعضاء وعمر ما سياستنا اتغيرت
ولو كان حصلل زمان الاولي مايحصلش دلوقتي لسبب بسيط جدا
ان نايل موتورز في وكتلة اعلانية ضخمة بقي ليها حق الاعلان الحصري عليه ومايخصنيش بقي وكيل من غفير من اي محتوي يتقال جوة