الموضوع: نيسان صنى سوبر صالون

المشاركة الأصلية كتبت بواسطة mohamedway

انا مش هدخل فى جدل فى موضوع المواتير و الكامات بس علفكره انا مش بتكلم من فراغ انا مهندس ميكانيكا و عارف انا بقول ايه عن دراسه و يكفينى اقولكم ان الهوندا سيفك 1600cc VTEC و 145 حصان و موتورها جبار و باعلى تكنولوجيا و كلكم طبعا عرفين (أحب اقولكم ان موتورها كامه واحده واسألو و اتأكدو بنفسكم)
طبعا عشان شركه هوندا متفوقه جدا فى تصميم مواتيرها عامله الموتور الجبار ده بكامه واحده بس و بتتحدى اى شركه منافسه بمواتيرها.

واصراركم على ان الفتيس بيسخن ده معناه عدم استيعاب طريقه عمل الفتيس و مكانه لانه اصلا بعيد عن مكان العصايا و فتيس الانسر ال1600 الاتوماتيك طبعا احسن من الصنى بدون شك لانه بتكنولوجياCVT يعنى ما لا نهايه من نسب نقل الحركه بتتغير كل لحظه مش 4 نقلات زى النيسان و موضوع الOVER DRIVE OFF اللى موجود فى النيسان موجود زيه فى الانسر وهو الDs و ده بيدى تسارع اقوى بكتير من Over drive off لان الفتيس شغال CVT. فبيرفع الRPM و ما بينزلش خالص طول ما انت بتشد بالعربيه انما فى اى اتوماتك تانى مهما الRPM على لازم يجيله و قت و ينزل تانى لما الفتيس يدى الغيار اللى بعده و هنا بتبقه لحظه ضعف فى الشده مش موجوده فى الCVT لان عنده ما لا نهايه من النسب فما بتحسش انه بينقل اصلا و ده طبعا انعم بكتير.

وعلى فكره الكلام ده عن تجربه واحد صاحبى عنده نيسان و لانسر الاتنين اتوماتك و بيسوق الاتنين و بيقولى فتيس النيسان وحش جدا بالمقارنه بفتيس الانسر و ممكن اجيبو يشهد :)

10/10

و لأ تجيبه ليه انا مجرب و حافظ العربيتين
و مافيهاش كلام عن تجربة شخصية فتيس اللانسر احسن بكتيير

يامعالي الباشا العفو احنا هنا كلنا اخوه وبنفيد بعض ....وبعدين دي كلمه حق الواحد لازم يقولها في النيسان .
وردا علي اخي العزيز mohamedway في واحد معاه لانسر ومن اللي شافه من العربيه دي واعجابه بيها باعها بخساره واشتري نيسان واتفضل بقرايه موضوعه هنا المشاركه رقم 3 http://www.nilemotors.net/Nile/showt...d=1#post354012

.................................................. ...........

انا شوفت الرابط ده و اكيد الراجل ده بيتكلم عن عربيه تانيه غير الانسر للأنى معايا واحده وعلطول على طريق مصر اسكندريه 160 كم/س و 190 كم/س كمان و بتغابه بيها فى الملفات الجامده على سرعات عاليه جدا و عمرها ما خذلتنى و الفرامل الabs نفعتنى كتير قوى انى افادى مواقف جامده جدا أثناء الفرمله فى مسافات ضيقه جدا مفيش عربيه مهما كانت ممكن تلحق تقف فيها و على فكره العربيه اللى مع الاخ اللى بيتكلم خليجى و من غير ضمان و ده بيشجع الموردين انه ممكن يجيب العربيه و هو عارف ان فيها عيب و المفروض ترجع اليابان بس بدل ما يرجعوها يعيدوا تصديرها لينا و على فكره المواصفات الخليجى ثباتها اقل من المواصفات المصرى لان المصرى عفشتها رياضيه.

يا جماعة تعالو نتكلم بصراحة بقا عشان نقفل الموضوع
دة ونخلص
النيسان كثبات احسن من الانسر
النيسان فى السرعة حسن من الانسر
النيسان فى عزم الموتور احسن من الانسر
الانسر اوسع من النيسان
الانسر احسن فى التقفيل
الانسر كسيارة شبابية عن النيسان
بانسبة لاستهلاك البنزين الاتنين زى بعض بالظبط
(على فكرة بالنسبة للسرعة النيسان على 180 افضل بكتير من الانسر على 180 كثبات) وعلى فكرة كمان واحد قريبنا معاة لانسر سبورت الشكل القديم مش بتعدى ال 175 واتوماتيك) بس عموما الانسر يبانى 100 فى 100

الموضوع ده فيه تحيز جامد للنيسان مع انى على فكره بحترم العربيه ده جدا بس المقارنات هنا فيها افتراء على الانسر و فى النهايه كل واحد حر فى رأيه بس ياريت لما حد يقارن مواصفات هندسيه ببعضها يكون فاهم هو بيقول ايه عشان الموضوع ده مليان اخطاء هندسيه...........و شكرا

انا بأيد كلامك يا احمد وعايزك يا محمد تفهم حاجه اني او غيري لما نقول ان النيسان احسن من الانسر مش قصدنا ان اللانسر عربيه متتركبش ومحدش يشتريها العربيتين يباني والاتنين حلويين جدا بس النيسان افضل في بعض الامور بما لايخل او ينقص من اللانسر .

السلام عليكم ورحمة الله وبركاته
انا شايف ان المواضيع فيها تحامل شويه على السياره الصنى واللانسر والناس بتقيم العربيتين وتتوقع أداء منهم وكأنهم بيتكلموا عن سيارات فيراري او ميرسيدس اس كلاس
انا عن نفسى معايا صنى 2008 وعامله 6000كم ماكانش ينفع اقارنها مثلا بالانسر لأن عربيتى مانوال
1600cc
شاريها زيرو ب 88000جم ورجعولى 2000جم يعنى العربيه واقفه عليه ب 86000جم والعربيه فى منتهى الأحترام والجمال وماندمتش ابد انى شاريها ومش هاقارنها بأى عربيه تانيه
ازاى اقارنها مثلا باللانسر المانيوال 1600cc
الى بتبدا من 106000 يعنى فرق 20000جم
حتى لو الانسر احسن واثبت بس انا شايف ان 20000جم انا اولى بيهم وما اعتقدش ان الفروق بين العربيتين يساوى المبلغ ده
اما لو صدق كلام الأخوه ان الصنى احسن من اللانسر فيبقى انا وفرت 20000جم وفى نفس الوقت ركبت عربيه محترمه
اما لو ثبت ان اللانسر احسن من الصنى فدى حاجه ماتزعلنيش لأنى اشتريت العربيه الأرخص

بالنسبه للناس الى بيتكلموا عن الصنى اتمنى انهم ماينسوش ان نيسان بتعطيهم عربيه يابانى 1600CC
بس ب 86000جم يعنى تقريبا ببلاش مقارنة بالعربيات ألكوري والصيني
ودى وجهة نظري ألمتواضعة
وجزاكم الله خيرا

اخوكم / احمد عزالرجال

لكى الله ياغزة