ما هى اثبت سياره يابانى؟

**fahd_628** · 14-07-2008 11:58 PM

والله يا باشا مش دة الفيديو الوحيد لثبات ال I30

فية فيديو كمان مع الجولف و كان ثباتهم تقريبا واحد مش عارف افرق مين احسن و كان معاهم الكيا سييد و الكيا سيد بعيدة عن المنافسة

و اهو اللينك

http://www.youtube.com/watch?v=FKpvJDnsB1I

هوة للأسف بلغة غريبة ( المانى على ما اعتقد بس برضة الفيديو واضح )

من اول 1:28 بيوضح الفرق فى الثبات و بعدها علطول الفرق فى الفرامل لغاية 1:54

شوفو برضة و قولى رأيك

و كمان الi30 تفوقت على الجولف فى الفرامل
طبعا دة مش معناة ان ال I30 سيارة مفيش زيها و الجولف تعبانة لأ طبعا الجولف محترمة جدا و احسن من ال I30 بس برضة ال I30 بتنافس بس طبعا مش زى الجولف

و السوبارو طبعا داخل المنافسة و ممكن تكون احسن من ال I30 بس انا شايف انهم فى مستوى واحد و بيتنافسو جامد

**Eng.Osama.Afifi** · 15-07-2008 12:15 AM

هوندا سيفيك وش طبعا
( وأنا بقول كدة رغم أن أنا معايا لانسر دلوقتي ... بس سوقت السيفيك لمدة سنتين )

وأنا مجربتش الإمبريزا الصراحة ...

**فادى** · 15-07-2008 12:51 AM

المشاركة الأصلية كتبت بواسطة fahd_628

انا معاكم ان السوبارو ثباتها ممتاز بس مش علشان هية دفع رباعى تبقى لازم اثبت واحدة

بس انا بصراحة جربت المازدا و كانت تحفة
و السيفيك معرفش مجربتهاش
الانسر الجديدة بصراحة فى البرامج العالمية بيشكرو جدا جدا جدا جدا فى ثباتها ( ال Evo ) و كانو بيعيبو على ثبات الأمبريزا ( Wrx Sti ) فا انا اعتقد ان الانسر الشكل الجديد ممكن تبقى اكثر ثباتا

و بالمناسبة من زمن كدة كنت ببحث بالصدفة عن ثبات ال I30 و لقيت بالصدفة البحتة مقارنة مع السوبارو

السوبارو دفع رباعى و الI30 دفع امامى

شوفو الفرق

الهيونداى

http://www.youtube.com/watch?v=7spUPgmF830

السوبارو

http://www.youtube.com/watch?v=Ac3cv8eEtaY

انا بس بوضح ان مش اى عربية دفع رباعى لازم تبقى اكثر ثباتا من الدفع الامامى او الخلفى

هو ده اللى كنت بقوله,
هناك فرق كبير فعلا بين أنظمة الدفع الأمامى و الخلفى من ناحية الثبات,
لكن لو تم تصميم سيارة الدفع الأمامى بشكل جيد, قد تفوق الدفع الخلفى ثباتا, و ألفاروميو خير مثال على ذلك, حيث تتفوق سياراتها ذات الدفع الأمامى على سيارات بى ام و مرسيدس من ناحية الثبات و الأداء الرياضى عموما أو على الأقل تنافسهم.
الفرق بين الدفع الخلفى و الدفع الرباعى طفيف جدا لنفس السيارة و فى بعض الأحيان و خاصة فى الظروف التى ذكرتها يتفوق الدفع الخلفى و يتيح هامشا أعلى للمناورة, كما أن الدفع الخلفى أكثر رشاقة, و هو ما يجعل فيرارى التى يبلغ سعر الواحدة منها ضعف سعر البورش من نفس الفئة, تتمسك بالدفع الخلفى حتى الأن, و طبعا سيارة ربما هى الأغلى بين السيارات الرياضية لا يمثل استهلاك الوقود أى عقبة أمام سائقها!

**Ramy.Gamal** · 15-07-2008 05:33 AM

اللى مخلى اللانسر الجديده ثابته ثبات حلو قوى مع انها عاليه عن الارض هو ان كاوتشاتها وجنوطها عريضه (205/60/16) بس طبعا لو حد بعد فتره حب يغير الكاوتشات بتاعتها وحب يجيب نوع محترم واصلى زى ميشلان او بريدجستون هيلاقى ان تمن الكاوتش الواحد فوق 1000 جنيه وهو ده عيبها

**أبو عبدالله** · 15-07-2008 02:42 PM

انتم اكيد بتهزروا

يا رجاله من الاخر مهياش محتاجه فزلكه بصراحه لن انا حاسس ان في فزلكه في كل حاجه بتتقال

مع احترامي لكل الأراء
بس انا أؤكدلكم ان الأراء اللي بتتكلم على الفع الرباعي وخصوصا الأمبريزا
دي اراء على ورق وليست تجربه عمليه

اللي جرب سوبارو هيعرف يعني ايه ثبات ويعني ايه ان ميبنفعشي اقارنها بسيدان ويعني ايه العربيه ماسكه في الأسفلت ويعني ايه مناوره بالعربيه على سرعه عاليه
كل الكلام ده مش موجود في السيدان بقدر العربيات الدفع الرباعي بتاعت سوبارو

وفي النهايه برضه بأكد ياريت اللي يتكلم يتكل عن تجربه له مش يتكلم على ثبات العربيه وهو مركبهاش اصلا

**Moustafa Al-mansy** · 15-07-2008 03:07 PM

Ana bsara7a b2eet me7tar........

**vet mitcho** · 20-07-2008 07:31 PM

مع احترامي لكل الأراء
بس انا أؤكدلكم ان الأراء اللي بتتكلم على الفع الرباعي وخصوصا الأمبريزا
دي اراء على ورق وليست تجربه عمليه

هي مش اراء على اد ما هي اهواء و الفرق واضح

**Hisham_ElFeky** · 22-07-2008 10:53 PM

توسيع مسافة ما بين العجلات الأمامية والخلفية مع اتخفاض مستوي العربية بدا تعتبر الهوندا من أثبت العربيات اليابانية

وتأتي بعدها الامبيرايزا

**Ramy.Gamal** · 23-07-2008 02:24 AM

خلوا بالكم يا جماعه ان السيفيك ثابته بسبب ارتفاعها المنخفض عن الارض وده مزود ميزه الثبات بس طبعا مينفعش مع الطرق الحرير بتاعتنا وبالذات لو الواحد مركب ثلاثه فى الكنبه الخلفيه او اتنين مليانيين وبالتالى انا شايف السيفيك افضل عربيه يابانى بس بره مصر المحروسه مش جوه البلد . من حفر لنقر لجبال صغيره (مطبات) حتى على الطرق السريعه تلاقى كمائن وفخاخ فى الاسفلت .انما بيعجبنى فى الامبريزا واللانسر الجديده انهم عاليين عن الارض وفى نفس الوقت ثابتيين جدا

**Ahmed Selim** · 30-07-2008 12:59 PM

عن تجربة للأمبريزا و السيفيك بس مش أخر واحدة
الأمبريزا أكثر ثباتاً

موضوع بأه مين أحسن الدفع الخلفى ولا الجر الأمامى ولا الدفع الرباعى ده فى كلام كتير جداً وبيختلف من شخص لشخص حسب قدرته على التحكم فى العربية أياً كان نظامها أيه

معلومة بس حبيت أزودها BMW كان عندها فى E30 موديل فئة ثالثة دفع رباعى وكان بيُعرف ب 320IX و 320 دى مثال بس :) بس برضه من الواضح أنها توقفت عن أنتاجه أياً كانت الأسباب

It had a six cylinder diesel engine with 86 HP.
Also new where the 325i, 325e, 325ix and 325i convertible

المصدر http://www.bmwinfo.com/23200.html
ده غير أنى شفت واحدة قبل كده كانت واقفة عند الميكانيكى بتاعى وكانت جمرك السلوم ونزلت شفت ال 2 كورونا بنفسى :) :) :)

مشاهدة نتائج الإستطلاع: ما هى اثبت عربيه يابانى؟

الموضوع: ما هى اثبت سياره يابانى؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما هو اقوى تكييف سياره يابانى؟

سيارات يابانى مش يابانى؟

ايه اثبت عربية يابانى فى التخميس والدريفتس

صراع يابانى يابانى كورى

الكلمات الدلالية لهذا الموضوع

المفضلات

المفضلات

ضوابط المشاركة