الموضوع: الحمد لله المكنة باظت ibiza 98

لو غيرت ل1400 هتحتاج تغير حجات ثكير واولها الضفيره تقريبا لكن الانصح هات مكنه العربيه افضل

هتلاقيها فى الوكاله
او الحرفين او عزبه شلبى
هتبقى فى حدود 3000 تقرياب او اقل

انا كنت زيك كده و نصيحة سقط مكنة 1400بفتيسها بضفيرتها بس مش مهم الكنترول مش هيأثر معاك في حاجة و الموضوع ده هيقفل معاك 3000 غير المصنعية في بورسعيد

المشاركة الأصلية كتبت بواسطة syd

قدر الله وماشاء فعل
فعلا المكن في بورسعيد ارخص شوية من القاهرة
بس المهم في الصنايعي اللي هيسقط

حضرتك هتعمل كالتالي
اولا مش هتلاقي مكنة 1.0 نهائي
فبأذن الله هيكون بحثك عن مكنة 1.4
لو عايز الصح اوي - هتجيب مكنة بفتيسها بكنترولها وهتركبها علي ضفيرتك
لو عايز تلم الدور هتجيب شورت بلوك وشكرا علي كدة وتركبها علي فتيسك وكنترولك وضفيرتك بكل أدوات التغذية اللي عندك
الأختيار الأول ممكن تدخل في حدود 4.000 جنيه
الأختيار التاني بتتكلم في 2500 بحد أقصي

طب هتجيبها منين
قدامك اختيارين وانت حر في اي منهم
الأول تيجي الهرم عند عصام الميكانيكي وهو هينزل معاك تجيبوا المكنة من عند واحد جمبينا اسمه ايمن علي المريوطية
الثاني تنزل شارع الأربعين عند أحمد عزت وهناك في كذا حد بتاع استيراد او تنزل الحرفيين تجيب المكنة من هناك

وهحاول اشوفلك لينكات فيها قصص التسقيط دي

تحياتي

تحياتى ليك ياستاذ سيد انا الحمد لله قريت موضوع لواحد مسقط مكنة 1400 من عند واحد
فى المريوطية اسمو المهندس احمد فتحى واخت العربية بونش ووديتها القاهرة واتفقت معاه على كل حاجه والحمد لله الراجل محترم جدا وشكل الشغل بتاعو نضيف وهو اخد العربية وهستلمها منو يوم السبت او الاتنين وهياخد منى 3000 جنيه سعر المكنة 1400 بالكنترول بتاعها والفتيس وربنا يخلى المنتدى الجامد والناس المحترمين دووول لينا ياحلى اعضاء واحى منتدى

المشاركة الأصلية كتبت بواسطة karim ibiza

قدر الله وماشاء فعل

سعر الموتور ال 1000 ميفرقش عن ال 1400 وزى ما استاذ سيد قالك لو هتجيب ال 1400 يبقى الاحسن تجيبه بفتيسه وكونتروله ويركب على نفس الضفيرة اللى عندك لو حالتها كويسة وده احسن حل وهيكلفك 3300 + 500 مصنعية يعنى هتدخل فى 4000 جنيه
انما لو عايز توفر والموتور ال 1000 كان مريحك يبقى هتجيب شورت بلوك 1000 بس وده هيعمل من 2000 الى 2500 + المصنعية وعلى فكرة الموتور متوفر ومش لاقى اللى يشتريه لان كل اللى بيغير موتور بيجيبه 1400 عشان يحس بفرق لكن الموتور ال 1000 نزل فى عربيات كتير ومفيش طلب عليه و علشان كده ممكن تلاقيه بسهولة

انا لسه مغير موتورى من شهر 6 اللى فات ومعايا اخت عربيتك بس انا كان حظى حلو لأنى اتعرفت على الراجل اللى بيستورد قطع الغيار وبيوزعها على التجار وعلشان كده جبت منه الموتور بسعر الجملة وده موجود فى اسكندرية

شوف الموضوع ده اللى انا كنت عامله اكيد هيفيدك

http://www.nilemotors.net/nile/293165-98.html

تحياتى ليك ياستاذ كريم انا الحمد لله قريت موضوع لواحد مسقط مكنة 1400 من عند واحد
فى المريوطية اسمو المهندس احمد فتحى واخت العربية بونش ووديتها القاهرة واتفقت معاه على كل حاجه والحمد لله الراجل محترم جدا وشكل الشغل بتاعو نضيف وهو اخد العربية وهستلمها منو يوم السبت او الاتنين وهياخد منى 3000 جنيه سعر المكنة 1400 بالكنترول بتاعها والفتيس وربنا يخلى المنتدى الجامد والناس المحترمين دووول لينا ياحلى اعضاء واحى منتدى