الموضوع: سرقه سياره بطريقه النصب (تحذير)

المشاركة الأصلية كتبت بواسطة طارق _عبد السلام

حضرتك واحد نصاب بالذكاء ده هيسيب رقم موبايله الاصلى عادى كده
وبعدين الخط ببلاش
يعنى هيكون مرتب كل ده وهيغلط فى خط موبيل بجنيهات قليله
ده لو اتمسك او صديقى ده قابله تانى ؟؟!!!!!!!!!!!
انت ماتعرف المراره اللى هو كان فيها
ربنا يبعد عن الهم والحزن

خط الموبيل زي ما حضرتك قولت بجنيهات قليله يعنى الموبيل الى سابه ليهم بأضعاف تمن الشريحه يبقى اكيد فيه سبب مهم يخليه يشيل الخط من الموبيل قبل ما يعطيهولهم صح ولا لأ ؟؟
1- ممكن يكون الرقم ده بيستخدمه على فترات متباعده وناس تعرفه كويس معاها الرقم
2- ممكن يكون استقبل أو عمل مكالمات لناس يعرفوه كويس من الرقم ده
قولهم ياخدو أذن من النيابه بتتبع الرقم أو ياخدو اذن من النيابه بمعرفة الارقام الى اتصلت بالنصاب والارقام الى النصاب اتصل بيها من الرقم ده
وربنا يكرمهم ويقدروا يوصلو لطرف خيط

المشاركة الأصلية كتبت بواسطة طارق _عبد السلام

ربنا يبارك لك
اصل الامانه دى فى الدم وطريقه التربيه
اقسم لك بالله يا اخى الفاضل
كنت ببيع عربيه بولو من فتره عن طريق الانترنت واتصل واحد بى قال انه محامى من القاهره وعايش فى الغردقه
ومعجب بصور العربيه ومستأمنى جدا من بعد كلامنا فى الموبايل اكثر من مره
وقال لى هيحول المبلغ 34 الف جنيه على رقم حسابى فى البنك وهيبعت واحد ياخد العربيه منى واعمل له التوكيل
اقسم لك بالله انا اعترضت ولم اوافق نهائى والرجل يقول لى انه هو مئتمنى وانا قلت له
افرض انك حولت المبلغ
وانا قابلت الرفيق الاعلى فى نفس اليوم مين هيرجعلك فلوسك
الحمد لله ربنا يغنيها بالحلال

شامم ريحة نصب قوية
محدش بيدفع أكتر من الف جنيه فى حاجه مشفهاش على الطبيعه
فما بالك بـ 34 الف جنيه وكمان عربيه يعنى لازم يشوفها ويفحصها بنفسه وبميكانيكي معرفه كمان عشان يتأكد ان مفهاش حاجه
طيب ليه محولش المبلغ ليه للى هيجي ياخد العربيه وكان هوا سلمك الفلوس وهوا بيستلم العربيه
وبعدين اساسا الغردقه حوالى 5 ساعات يعنى مش فى بلد تانيه

احتمال كبير كان الموضوع نصبايا
- ممكن تكون الفلوس دي ملهاش مصدر
- ممكن يقولك انا بعتلك الفلوس خلاص والورقه اهه ويضربلك ورقه مزوره انه حول الفلوس فعلا فى البنك ولسه الفلوس متحولتش
- ممكن حاجات كتير

احمد ربنا انه نجاك من الحوار ده لانه أكيد كان فيه حاجه