الموضوع: سرقه سياره بطريقه النصب (تحذير)

المشاركة الأصلية كتبت بواسطة sha2e

خط الموبيل زي ما حضرتك قولت بجنيهات قليله يعنى الموبيل الى سابه ليهم بأضعاف تمن الشريحه يبقى اكيد فيه سبب مهم يخليه يشيل الخط من الموبيل قبل ما يعطيهولهم صح ولا لأ ؟؟
1- ممكن يكون الرقم ده بيستخدمه على فترات متباعده وناس تعرفه كويس معاها الرقم
2- ممكن يكون استقبل أو عمل مكالمات لناس يعرفوه كويس من الرقم ده
قولهم ياخدو أذن من النيابه بتتبع الرقم أو ياخدو اذن من النيابه بمعرفة الارقام الى اتصلت بالنصاب والارقام الى النصاب اتصل بيها من الرقم ده
وربنا يكرمهم ويقدروا يوصلو لطرف خيط

هو تقريبا عمل كل ده وكان المأمور متاعطف جدا معاه
ونزل السوق اكثر من مره
بس الولد ده منه لله
واضح انه متمرس على النصب
بس اكيد كل واحد له خطأ والعقاب الالهى لن يتركه




شامم ريحة نصب قوية
محدش بيدفع أكتر من الف جنيه فى حاجه مشفهاش على الطبيعه
فما بالك بـ 34 الف جنيه وكمان عربيه يعنى لازم يشوفها ويفحصها بنفسه وبميكانيكي معرفه كمان عشان يتأكد ان مفهاش حاجه
طيب ليه محولش المبلغ ليه للى هيجي ياخد العربيه وكان هوا سلمك الفلوس وهوا بيستلم العربيه
وبعدين اساسا الغردقه حوالى 5 ساعات يعنى مش فى بلد تانيه

احتمال كبير كان الموضوع نصبايا
- ممكن تكون الفلوس دي ملهاش مصدر
- ممكن يقولك انا بعتلك الفلوس خلاص والورقه اهه ويضربلك ورقه مزوره انه حول الفلوس فعلا فى البنك ولسه الفلوس متحولتش
- ممكن حاجات كتير

احمد ربنا انه نجاك من الحوار ده لانه أكيد كان فيه حاجه


هو كان من كلامه واضح انه محامى واعماله كثيره وكلمنى اكتر من مره وكنت حاطط صور العربيه بالتفصيل وكانت موديل قديم بس بكتالوجاتها وفعلا فبريكه وكان بيشتريها لأبنته هو ده كان كلامه وعدم موافقتى لخوفى عليه هو والله اعلم مافى نفسه بس طبعا لو كان حول لى الفلوس كان هيجيلى رساله من البنك بالتحويل على الموبايل وكنت هكلم مدير البنك لانه صديق يعنى كنت هأمن نفسى بس ماكان فى بالى موضوع النصب ده
والعربيه اشتراها منى تاجر من الشرقيه وبنفس المبلغ المعروض والتاجر بعد ماسافر بيها اتصل وقالى مش هيبيع العربيه لانها عجبته جدا
والحمد لله الاعمال بالنيات

وانا تقريبا كنت عارف موضوعك مع احمد كورسير بس فى منتدى آخر
واتشرفت بك وبنصائحك تقديرى لحضرتك ويار ب يبعد عنك النصابين وعديمى الضمير