مساعده فى لمبة الزيت

**khaled sabry** · 04-12-2012 10:40 AM

المشاركة الأصلية كتبت بواسطة amrelsaqqa

الكربراتير يتظبط لو هو اصلا سليم
انما لو الاكس والباب مبوشين وده غالبا هتلاقيه عندك ، يبقى لازم يتصلح الاول ، او تشترى واحد جديد

ولا ده اللى انت لسة جايبه جديد ؟

لا اللى جايبه جديد الميكانيكي بص فيه كده و قالى ده صيني (بس صيني نضيف ب 250 جنيه و عليه ماركة سوليكس و كل حاجه ) و اللى راكب عندك اصلى
ارمى ده فى الشنطه ... رميته فى الشنطه و لما نشوف اخرتها معاه بقى

**amrelsaqqa** · 04-12-2012 11:23 AM

كلام الميكانيكى صح ، الصينى مالوش لزمة
انا جبته قبل كدة وبعته بعدها على طول لميكانيكى معرفة

**amrelsaqqa** · 04-12-2012 11:24 AM

الكربراتير بتاعك لازم تعرف فيه الرمق اصلا ولا لا
يعنى ممكن يبقى محتاج اكس وباب
ممكن يكون بيهرب هوا
ممكن يكون فيه مشاكل تخليه عمره ما يظبط اصلا

روح لورشة متخصصة في اصلاح الكربراتير
زي الصفا اللى في جسر السويس "اسمع" انهم كويسين

**amrelsaqqa** · 04-12-2012 11:26 AM

و السلانسيه لما يوطى اوى لما العربية تسخن ، ممكن جدا يبقى تاكيهات ، مش كربراتير

**khaled sabry** · 04-12-2012 11:38 AM

المشاركة الأصلية كتبت بواسطة amrelsaqqa

و السلانسيه لما يوطى اوى لما العربية تسخن ، ممكن جدا يبقى تاكيهات ، مش كربراتير

حتخليني افكر فى سكه تانيه ليييييييييييييه
هو مش الفروض لما يبقى فيه تاكيهات تبقى العربيه بتسخن ؟؟
الكلام ده كله حصل بعد مارحت لمحمد ندا علشان اعمل وش السلندر و الراجل عجوز و المفروض خبره فى ال504 تحديدا من 30 سنه !!!!!
العربيه مش بتسخن فى السرعات العاليه (بتبقى على اول شرطه من الاسود )
هى على السلانسيه بتسخن شويه (فى الثلث الاول من الاسود و اقل من النصف بحاجه بسيطه ) و ده اعلى من معدلها قبل عمل الجوان بشرطه واحده تقريبا (شئ لايذكر)

هو الراجل ظبطلى التاكيهات و الكربراتير بايده - فايه رأيك اروح لميكانيكي تانى و لا لمركز الصفا و لا ايه ؟؟
مركز الصفا كويس بس انا روحت ليهم بالعربيه التيوتا القديمه قبل كده لمشكله فى الكربراتير - صلحهالى و فضلت ماشيه حلو لمده شهر و بعد كده رجع العيب تانى و ما استريحتش الا لما اشتريت كربراتير جديد
بالاضافه الى ان سعرهم غالى - يعنى فك و تركيب الكربراتير ب 100 غير اى حاجه تحصل فيه
كمان انا عاوز اتأكد ان المشكله فى الكربرايتر مش التاكيهات علشان مامشيش فى سكه غلط من الاول