السلام عليكم انا معايا بيجو 504 gr
انا كنت ملاحظ ان لمبة الزيت بترعش على السلانسيه بالذات لما العربيه تسخن
او لما الزيت بيقدم شويه رغم انى مغير الزيت من 1000 كيلو بس و المفروض الزيت بيقعد 3000 (شل الاحمر )
فبعد البحث على النت عرفت ان المشكله ممكن تبقى فى حاجتين
1- ساعه الزيت
2- طلمبة الزيت
لو طلعت ساعه الزيت بسيطه بس انا خايف لحسن تبقى طلمبه الزيت فياريت حد يقولى طريقه لإختبار طلمبه الزيت عندى علشان مش عاوز اروح للميكانيكي و يعمل عليا فيلم
وهل فى تغيير طلمبة الزيت بيفتح الموتور و لا هى بتبقى حاجه مربوطه على الوش و ممكن افكها انا زى طلمبه الميه كده ؟؟

بالمناسبه انا كنت عامل جوان وش سلندر من كام يوم- كان بيخلط الميه مع هواء السلندرات