الموضوع: نقلات فتييس السيراتو (٦ سرعات)

انقل عالستيبترونك

طيب ايه الحل

المشاركة الأصلية كتبت بواسطة wookiee

لسلام عليكم

أنا عندي سيراتو ٢٠١١ فتييس جديد و في مشكلة حاسس بيها في النقلات ... ببساطة العربية مش بتنقل وقت ما أنا عاوز ، و لما بضغت علي البنزين سعات كتير ال rpm يعلا من غير الغيار ما ينقل .... أشيل رجلي و أحاطها تاني ينقل و يهدي .....

أنا تعبت و مش عارف أسوق كده خالص ...ارجو النصيحة

طول ما انت ماشي في الزحمه سنه سنه خليها على ال d
لو الطريق ماشي ما بيقفش حطها على الرابع وده رانجه المعقول من ٥٠ ل ٩٠ كم في الساعه و هتبقى كده ريحت الفتيس بدل ما كل ثانيه ينقل

اللى بيحصل معاك باختصار انك لما بتدوس براحه الفتيس بياخد اوردر انه ينقل نقلاته الطبيعيه لكن لما الدوسه بتتقل السوفت بيدى الفتيس اوردر انه على وضع رياضى يعنى احرق وهات اخرك فى النقله فخف رجلك من على الدواسه لانها حساسه جدا وكل دوسه ليها بامر مختلف ونصيحه متستخدمش النقلات الرقميه غير لما تكون فعلا محتاجها زى مثلا تكون محمل وزن فى العربيه وطالع كوبرى من وضع ثبات او غرزت فى حفرة رمله ... الخ

دا عيب الاوتوماتيك يا باشا واللي بيحقق الموازنه دي قليل جدا من العربيات
انا نفس الموضوع معايا في الميراج بس نسبه كبيره سببه ان رجلي تقيله شويه
بس في ايام بيكون ربنا هاديني فيها وبمشي عادي وقتها بحس ان العربيه فهماني ومريحاني ولما رجلي تتقل بحس انها بقت غبيه تاني واستهلاك البنزين طبعا بيعلي

ربنا يطمن قلبكم
بصراحة الموضوع ده كان بيحصلى بعض أوقات وأنا على السريع وكنت بحس أنها بداية مشكلة كبيرة ولكن أنتم وضحتو لى الموضوع .
ربنا يكرمكم