ماذا تفعل فى حالة حدوث زلزال قوى ( تجربة واقعية )

**iunknown** · 16-07-2008 02:38 PM

المشاركة الأصلية كتبت بواسطة islambana

وممكن كمان تطلب كنتاكي يجيلك قبل ماتدخل الدوب عشان يمكن تجوع ولا حاجه

بيتهيألي ماكدونالدز هيكون افضل لسببين
1- انه شغال 24 ساعة
2- الديليفري بتاعه سريع في الاعلانات

**iBiZa** · 16-07-2008 03:02 PM

المشاركة الأصلية كتبت بواسطة Ahmed Samy

ماهو المفروض يكون كل بيت فيه في "شنطة الزلازل الأولية" و خوذة كمان
و المفروض يبقى في واحدة في العربية
مش يمكن عمارة تتهد عليك وانت سايق

و لازم طفاية حريق.
و لازم مثلث.
ز لازم شنطة اسعافات اولية.
بس المشكلة عشان تشيل الحاجات دية كلها لازم تبقى ماشى بعربية نقل

**aif** · 16-07-2008 03:26 PM

ويكون معاك لابتوب وبطاريته مشحونة .... يمكن تقعد كام يوم .... اكيد مش ح تقدر تستغنى عن نايل موتورز

**Matrixawy** · 21-07-2008 02:37 AM

المشاركة الأصلية كتبت بواسطة مصراوي جدا

أنا فاكر من زلزال 92 التوصية اللي اتقالت وقتها ان كل واحد يجهز عنده في البيت صفارة علشان لو حصل حاجة لا قدر الله يقدر يصفر والناس بره تسمعه

اشهر واحد في زلزال 92 كان اسمه (أكثم) قعد تحت انقاض عمارة مصر الجديدة ميدان هليوبوليس اللي انهارت في الزلزال كام يوم على ما طلعوه

فكرة خطيرة
و الصفارة تكون فى الدولاب مع العصير و السندوتشات

**michohat** · 21-07-2008 03:33 PM

طب هتدنك واقف فى الدولاب
وانت داخل جر معاك كرسى
بس اعمل حسابك وهات كرسى متنجد علشان يبقى مريح فى القعده
ولا اقول لك كرسى من بتوع اميركان فيرنيتشر اللى ممكن يتقلب سرير
وتخليهم يركبوا فيه حزام
ولو خايف على حياتك ركب له قواعد رياضية علشان لما يقع بيك مش تحس

**Ramy.Gamal** · 23-07-2008 06:48 AM

حد حس بهزه ارضيه يوم 15/7 الساعه 6:26 صباحا انا حسيت بيها لانى ساكن فى الدور التاسع كنت صاحى وممدد على السرير لقيت السرير بيتهز فقمت وعرفت انه زلزال وعلشان اتأكد خرجت فى الصاله لقيت النجف كله عمال يتهز طبعا اترعبت ونزلت وقفت ساعه تحت العماره خايف من التوابع بس الحمد لله جت سليمه

**TaoTao** · 23-07-2008 08:18 PM

بعد زلزال 1992 وزعوا علينا بالمدارس كتيب عن التصرف وقت الزلازل اذكر منه:
1- في الأماكن المزدحمة (المدرسة أو الجامعة) يجب الاحتماء بالمناضد (الديسكات) وإخلاء المبنى بهدوء (معظم الإصابات والضحايا تحث نتيجة التدافع على السلالم والهلع الشديد، والمثال القريب لذلك حادث المعهد الازهري للفتيات)
2- في المنازل الادوار العليا الاحتماء بالمناضد والتجمع تحت كمرة السقف (أظن أن مكان الكمرة بالسقف مكان متين لا يتفتت بسهولة في حالة انهيار المبنى مما يزيد من فرص النجاة)

طبعا الحالتان تتطلبان تدريب من الدفاع المدني لأن الهلع عادة يسود في هذه اللحظات مما يزيد من آثار الحوادث

يعني في حالة معهد المنصورة للفتيات شرارة كهرباء سقطت على كتف فتاة صرخت في هلع .. البنات هرعن وتدافعن على السلالم وحدثت حالات الوفاة والإصابات الخطيرة والسبب شرارة صغيرة وعدم خبرة بالتصرف في مثل هذه الحالات