الموضوع: عاوز ميكانيكي يكون لاعيب

الموتور دة نفس الي عندي بالظبط بس عربيتي فيكترا بي 1600
هتلاقي كل حاجة عند طارق حمودة في شامبليون او اولاد عشم في شارع دمشق اسال عندهم الاول قبل الحرفيين

انا عاوز الناس تركز معايا قوي بقي و بالذات الناس المتابعه من اول الموضوع
- انا قولت قبل كده اني كشفت بالكمبيوتر و لاقيت حساس الكولنت حرارته تقريبا 74 و كان امبير العربيه بعد ال 90 بشرطه فالمهندس قالي غيره و اتفقنا اننا لازم نجيب بتاع تيجرا

- رحت الحرفيين عند اولاد عبدالراضي لاقيت مكنه زي بتاعتي بالظبط و شكلها نضبف اوي قلت ايه انا هاشتري الحساس استيراد احسن وفعلا خليت الواد فكه وركبته و انا واقف عنده بس فعلا لاقيت الارقام ال علي الحساس مختلف عن ال كان راكب و بالاضافه انه بوش اصلي

- روحت البيت بعد ما مشيت مسافه حلوه و برضو نفس ريحة العادم و اكلان البنزين ( من الحرفيين للقاهره الجديده 4 ليتر )
- قلت يمكن يكون الحساس ده كمان بايظ ، طب اعرف ازاي المفروض ان حساس الكولنت درجة حرارته تساوي امبير الحراره واكيد مش هادفع 50 جنيه تاني عشان تاكد ، جتلي فكره ونفذتها و هي كالاتي

1- خليت حساس الكولنت يشتغل حساس حراره بمعني اني وصلت السلكه ال بتشغل امبير الحراره في التابلوه طبعا انا عارف ان المروحه بتشتغل عندي علي الشرطه ال بعد التسعين بالظبط عملت التوصيه و الامبير بيقرا حرارة فعلا و استنيت المروحه تشتغل بس للاسف اشتغلت قبل التسعين بسيكه صغيره معني كده اننا عندنا نفس المشكله ، حرارة الكولنت اقل من حرارة العربيه ، وهنا جائت لي الفكره الاخري

- افترضت ان حساس الكولنت صح و احنا ظالمينه ،و عكست الفكره

2- خليت ال حساس المسؤل عن امبير الحراره يقوم بوظيفة حساس الكولنت و فعلا دروت العربيه لمبه الاعطال مطفيه و كله زي الفل استنيت لحد ما سخنت خرجت لفيت بيها لفه جميله بس للاسف مافيش تغيير برضو في ريحة العادم

انا عارف ان الموضوع طويل جدا بس انتو ايه رايكم في الكلام ده ؟