عاوز ميكانيكي يكون لاعيب

**haitham2011** · 15-12-2012 12:54 PM

المشاركة الأصلية كتبت بواسطة ashourashour

راجعت الكاتينه مظبوطه بالظبط ولا مرحله سنه ولا سنتين ؟؟؟

انا خايف يكون في صمامات بتسيل .. مش بتتقفل باحكام !

طبعا دي أخر خطوه خالص لما تتأكد من كل حاجه

هو مش لو فيه صباب مبيقفلش للاخر هيبقي فيه صوت مدافع من الشكمان و العد مش هيبقي مظبوط

**ashourashour** · 15-12-2012 01:09 PM

المشاركة الأصلية كتبت بواسطة haitham2011

هو مش لو فيه صباب مبيقفلش للاخر هيبقي فيه صوت مدافع من الشكمان و العد مش هيبقي مظبوط:u_thin1[1]:

الكلام دا لما بيكون الموضوع رايح في داهيه خالص !

لكن لو تسييل بسيط العربيه هترتل في السلانسيه بس

**haitham2011** · 15-12-2012 01:42 PM

المشاركة الأصلية كتبت بواسطة ashourashour

الكلام دا لما بيكون الموضوع رايح في داهيه خالص !

لكن لو تسييل بسيط العربيه هترتل في السلانسيه بس

بعد اذنك انا لسه عامل موضوع قريب لده ممكن تفيدني بالرد لو سمحت

**TRABYA** · 15-12-2012 02:26 PM

المشاركة الأصلية كتبت بواسطة ashourashour

ميكانيكي اوبل وحط تحت اوبل 100 خط

يفك غطا سير الكاتينه و يراجع بعينه العلامات اللي عالتروس ادام الزنب ولا مرحله

لو اتأكدت انها مظبوطه و شايفك حاولت مع كل الحساسات !

ممكن يكون زي ما قلتلك في صمامات عايز يتعملها روديه

على فكره الموضوع دا بالظبط شفته قبل كدا في فكترا بي 2001 و كان بسبب الكستبانات كان فيها زيت مكلكع فا كانت مش بتخلي الصمامات تقفل للاخر

انت لو تقصد كاوتش الصبابات انا ممكن يجري لي حاجه انا اصلا مغير الموتور ال 1000 بسبب الموضوع ده رحت اعمله عند ميكانيكي ( مش عارف اقول اسمه ولا لا ) مع اني لو قلت ناس كتير مش هاتصدق عشان هو مشهور اوي ، المهم انه بعد ما فك قالي الكاوتش زي الفل بس لما كان بيقفل معرفش يظبط الكاتينه وطبعا جابت صبابات رحت اشتريت البلوك ده كامل استيراد وبرضو جابت صبابات تاني والله ، راح فك تاني وبقي ياخد الصبابات من البلوكين القديم و الجديد عشان يقفل العربيه بس برضو كانت زي الزفت لان الكستبانات باظط و الباشا ماقليش وطبعا انا مش هافك الدنيا دي كلها تاني ودفعت ستعتها 1500 و والله العربيه بقت ازفت من الاول ، فا بلاش والنبي توقع قلبي انا لسه مافرحتش بالمكنه

**ashourashour** · 15-12-2012 05:00 PM

المشاركة الأصلية كتبت بواسطة trabya

انت لو تقصد كاوتش الصبابات انا ممكن يجري لي حاجه انا اصلا مغير الموتور ال 1000 بسبب الموضوع ده رحت اعمله عند ميكانيكي ( مش عارف اقول اسمه ولا لا ) مع اني لو قلت ناس كتير مش هاتصدق عشان هو مشهور اوي ، المهم انه بعد ما فك قالي الكاوتش زي الفل بس لما كان بيقفل معرفش يظبط الكاتينه وطبعا جابت صبابات رحت اشتريت البلوك ده كامل استيراد وبرضو جابت صبابات تاني والله ، راح فك تاني وبقي ياخد الصبابات من البلوكين القديم و الجديد عشان يقفل العربيه بس برضو كانت زي الزفت لان الكستبانات باظط و الباشا ماقليش وطبعا انا مش هافك الدنيا دي كلها تاني ودفعت ستعتها 1500 و والله العربيه بقت ازفت من الاول ، فا بلاش والنبي توقع قلبي انا لسه مافرحتش بالمكنه :_alshmokh11:

يا عم متقطعش قلبي !

بس اللي حصل معاك دا ازاي !!! انت من الصابرين والله

عموما موضوعك الحالي مزعج اوي يعني ؟ المكنه بترفص خالص ؟ ولا ترتيله بسيطه ؟

لو بسيطه سيبك منها و متدايقش نفسك .. استمتع بحياتك العربيه دي وسيله مواصلات مش اكتر

وبعدين قول اسم الميكانيكي دا عشان محدش يرحلو .. اعمل خير فالناس بدل ميحصل معاهم زي ما حصل معاك

**فادى محمد** · 15-12-2012 05:22 PM

لو ترتيله بسيطه يبقي فيها صباب مش بيقفل كويس بيبقي عاوز نظافه لراس الصباب +روديه
طبعا مش هنفتح الموتور علشان صباب ,ولا ياثر معاك في اي حاجه والترتيله دي بتبقي ع السلانسيه بس انما ع السرعات ولا الهوي..
-انما لو تقصد شكوتك القديمه اللي هي الموتور بيعلي ويوطي فده لان رداخ البنزين مش بتاعه بتاع ال1000 سي سي فخانق الموتور ع السلانسيه برده في السرعات مابيفرقش
-كبر دماغك وعيش حياتك

**TRABYA** · 15-12-2012 05:45 PM

المشاركة الأصلية كتبت بواسطة فادى محمد

لو ترتيله بسيطه يبقي فيها صباب مش بيقفل كويس بيبقي عاوز نظافه لراس الصباب +روديه
طبعا مش هنفتح الموتور علشان صباب ,ولا ياثر معاك في اي حاجه والترتيله دي بتبقي ع السلانسيه بس انما ع السرعات ولا الهوي..
-انما لو تقصد شكوتك القديمه اللي هي الموتور بيعلي ويوطي فده لان رداخ البنزين مش بتاعه بتاع ال1000 سي سي فخانق الموتور ع السلانسيه برده في السرعات مابيفرقش
-كبر دماغك وعيش حياتك

كويس يا فادي انك رديت عشان كنت عاوز اسالك في حاجه عشان انت الوحيد ال بتقول طرمبة البنزين
دلوقتي احنا هانغاضي عن موضوع الترتيل ده ونيجي للموضوع التاني ، انا معاك ان تفسيرك منطقي بس لو الطرمبه مش بتغزي العربيه كويس

- في السلانسيه ليه بيكون في ريحه العادم ال ني ده ؟
- ليه بتستهلك بنزين كتير ؟

**ashourashour** · 15-12-2012 06:49 PM

المشاركة الأصلية كتبت بواسطة trabya

هي بصراحه بسيطه يعني ممكن نقول الار بي ام بنزل شرطه او اتنين و يرجع يعلي تاني
وبالنسبة للميكانيكي هو احمدعبدالراضي بتاع صقر قريش و الصنايعي ال كان شغال اسمة محمود والله العربيه كانت رايحه عشان اغير كاوتش صباب و بالظبط 3 كوستبانات وطبعا ده عرفناه بعد الكشف ، ماشي من عنده العربيه والله عايزه طرمبة زيت و طقم كوستبان كامل ده غير طقم الكاوتش البايظ و قالي سليم وحاجات تانيه

المشكله ان احمد عبد الراضي او اي واحد فاتح ورشه مش بيهتم بالصنايعيه اللي بيجبهم طبعا كل مالصنيعي كان شاطر كل ما هياخد فلوس اكتر

لاكن احمد شاطر طبعا .

**ashourashour** · 15-12-2012 06:56 PM

موضوع الطلمبه بقا ...الطلمبه لو ضعيفه متبنش عالسلانسيه لكن تضعف سحب العربيه

لكن بما انكم جيبتو سيرتها انا افتكرت حاجه

في ريجيوليتور او منظم ضغط البنزين بيسموه بلف الراجع

اكتر وقت البلف ده بيقوم بدوره والعربيه سلانسيه

عشان الموتور مش بيحتاج بنزين كتير فالبلف دا بيفتح جزئيا عشان البنزين الزياده يرجع للتنك

شوف البلف دا ولو تعرف تغيره غيره هوا مكانه في التنك جنب طلمبه البنزين تقدر تقول جزء منها