ثبات الصني 2013 الجديدة

**د. علاء ابراهيم** · 16-12-2012 02:52 AM

المشاركة الأصلية كتبت بواسطة saint2011

شوف حضرتك عشان تحكم على ثبات الصنى الجديدة لابد من تغيير الكاوتش مبدئيا انا غيرتة بعد ممشيت به 350 كم وركبت كونتيننتال وعرضت المقاس لكى يكون 195-60-15 أحب أقولك لحد 140 سرعة كأنك ماشى على 80 مفيش مشكلة بعد كده على سرعة 160 كم برضة مافيش مشكلة كأنك ماشى 120كم فقط تخلى بالك وهتعرف قيمة هذه السيارة الحقيقية بعيدا عن الرغى والكلام الفاضى والشائعات والفتى وبعدين هو أحنا عندنا طرق فى مصر تمشى فيها على سرعة أكبر من 160 كم ؟؟؟؟؟؟؟؟

**Moh.El Saady** · 16-12-2012 09:09 AM

المشاركة الأصلية كتبت بواسطة the_air_devil

العربية ثابتة وزيها زي أي عربية لو فوق 140 مش هاتكون ثابتة , نظراً لعرض قاعدة العربية وإطاراتها , ومش هايكون زي ثبات الفيكترا الجديدة ولا الأوكتافيا

وإحساسك بتفريغ الهواء لما تعدي من جنبك عربية كبيرة بيكون "رجة" وبتفضل في نفس حارتك مش "بتطير" , طول مانت متحكم في الدركسيون مافيش قلق بإذن الله

ونيجي لملحوظة تانية ماحدش بيراعيها, ان الكاوتش اللي راكب فيها مش من النوع z اللي يتحمل سرعات عالية , يعني اللي يجيب سرعة زي 160 أو 200 بيكون للتجربة مش للمشي العادي لأنه مش هايتحمل وهايتهلك بسرعة ومايكونش آمن

قبل ماتجيب سرعات عالية لازم تغير كاوتشك للفئة المناسبة , والأخوة اللي بيشتكوا من عدم ثبات زيادة بيكون منهم كتير لسة ماظبطوش ضغط الكاوتش اللي بييجي على 40 من المعارض والمصنع , ولذلك بالاقي معظم العربيات الجديدة أعلى من عربيتي وافاجأ ان الكاوتش منفوخ على الآخر, وده بيزود الإحساس بالمطبات ويفقدك الاتزان على سرعات عالية

بالمناسبة , الرجة اللي بتحس بيها مع عبور عربية كبيرة من جنبك هاتحس بيها كذلك لو انت واقف على سرعة (0) صفر ... لما بتدخل الإيرودايناميكس في تصميم الهيكل الخارجي العربية بتكون متأثرة باتجاهات الهواء, لكن مش هاتفك من مكانها وتطير, لأ كأنك راكب طيارة وبتحس باتجاهات الهواء وده مش عيب

عدم الثبات كمفهوم مش معناه الإحساس بالهواء , لأ معناه فقدان التحكم في العربية وانها بتعوم منك في الملفات وانك تفقد السيطرة عليها وقت الفرملة وانها تخرج من حارتها من غير مانت تكون عايز كدة ...

اكون شاكر لحضرتك جدا لو قولتلي ايه هي فئة الكوتش المناسبة للعربية

**Moh.El Saady** · 16-12-2012 09:12 AM

المشاركة الأصلية كتبت بواسطة bahaahssn

بعدين الثبات مينفعش تقول لحد كام يعنى اول امبارح الفجر كنت خايف اعدى ال 140 من الهوا كان بيزق العربية لكن لو الجو كويس هتمشى 180 عادى و هتاخد غرز على 140 عادى برضه بس المشكلة لو حاجة مفاجأة ظهرت العربية مش هتسعفك فى الأستابيلتى لكن الفرامل ممتازة
و على فكرة الباور كهربا و مش بيتقل مع السرعة عكس الجوك بيتقل و ده ممكن يضيع ساعة المفاجأة عل السرعات العالية
ملحوظة كمان صاج العربية اخف صاج شفته فى حياتى و دهان ضعييييف جدا يعنى اى حاجة هتأثر
وزن العربية ميزة فى السحب لكن فى الحكات و الترييح و الحوادث لا قدر الله مأساه

استاذ بهاء انا الي اعرفه عن الباور الكهربا انه بيتقل مع السرعات العالية ... هل حضرتك عندك معلومة تانية؟

**Moh.El Saady** · 16-12-2012 09:16 AM

المشاركة الأصلية كتبت بواسطة saint2011

شوف حضرتك عشان تحكم على ثبات الصنى الجديدة لابد من تغيير الكاوتش مبدئيا انا غيرتة بعد ممشيت به 350 كم وركبت كونتيننتال وعرضت المقاس لكى يكون 195-60-15 أحب أقولك لحد 140 سرعة كأنك ماشى على 80 مفيش مشكلة بعد كده على سرعة 160 كم برضة مافيش مشكلة كأنك ماشى 120كم فقط تخلى بالك وهتعرف قيمة هذه السيارة الحقيقية بعيدا عن الرغى والكلام الفاضى والشائعات والفتى وبعدين هو أحنا عندنا طرق فى مصر تمشى فيها على سرعة أكبر من 160 كم ؟؟؟؟؟؟؟؟

شكرا استاذ حاتم على مشاركة حضرتك في الموضوع ... انا بسأل عن ثبات العربية لأن دي حاجة مهم جدا بالنسبالي لأني بسافر الغردقة وده طريق واسع وسريع ويهمني اعرف موضوع الثبات مع العلم اني مش من هواة الجري بالعربية لكن الطريق بيكون طويل والواحد بيحب يوصل بسرعة

**Moh.El Saady** · 16-12-2012 09:18 AM

المشاركة الأصلية كتبت بواسطة mollaelolla

:s_thum1[1]:

استاذ مولا ممكن اعرف رايك حضرتك في الموضوع لأني يهمني جدا برده ..شكرا

**limo81** · 16-12-2012 09:54 AM

انا عن نفسى اول ما استلمتها كنت ماشى بيها انا وابن خالتى فى طريق القاهره-السويس ع 120 ك/س مكانش فيه أى تأثير خالص
وبعد كده ابن خالتى حب يجرب العربيه ووصل بيها 140ك/س وانا عن نفسى ماحستش الا لما قالى
والطريق معروف بسيارات النقل التقيل المنتشره بطوله

**د.هشام** · 16-12-2012 11:06 AM

المشاركة الأصلية كتبت بواسطة moh.el saady

شكرا استاذ حاتم على مشاركة حضرتك في الموضوع ... انا بسأل عن ثبات العربية لأن دي حاجة مهم جدا بالنسبالي لأني بسافر الغردقة وده طريق واسع وسريع ويهمني اعرف موضوع الثبات مع العلم اني مش من هواة الجري بالعربية لكن الطريق بيكون طويل والواحد بيحب يوصل بسرعة

العربية ثباتها ممتاز حتى ١٥٠ وبتبتدي تعوم عند ١٦٠، وممكن تاخد ملفات عادي عند ١٤٠
والباور بيتقل فعلا مع السرعة
اكيد الثبات حيتحسن لو جبت كاوتش اعرض شوية
بس بالنسبة لطرق السفر لو سرعة الرياح قوية يفضل متزودش عن ١٤٠ علشان العربية وزنها خفيف.
علشان اجيبلك من الاخر الجين والبيرسونا اللي انت ذكرتهم في الاول حيبقوا ممتعين اكتر علي طريق الغردقة، بس حتتكلف بنزين اكتر، والصني حتبقي ممتعة اكتر جون البلد.

**Moh.El Saady** · 16-12-2012 12:08 PM

المشاركة الأصلية كتبت بواسطة د.هشام

العربية ثباتها ممتاز حتى ١٥٠ وبتبتدي تعوم عند ١٦٠، وممكن تاخد ملفات عادي عند ١٤٠
والباور بيتقل فعلا مع السرعة
اكيد الثبات حيتحسن لو جبت كاوتش اعرض شوية
بس بالنسبة لطرق السفر لو سرعة الرياح قوية يفضل متزودش عن ١٤٠ علشان العربية وزنها خفيف.
علشان اجيبلك من الاخر الجين والبيرسونا اللي انت ذكرتهم في الاول حيبقوا ممتعين اكتر علي طريق الغردقة، بس حتتكلف بنزين اكتر، والصني حتبقي ممتعة اكتر جون البلد.

شكرا دكتور هشام على رأي حضرتك الصائب بس أحب اعرف الثبات الي حضرتك بتقول عليه ده مع الكاوتش الطبيعي بتاع العربية ؟ ولو حبيت اغير الكاوتش اجيب مقاس ايه بالظبط؟

**khaled25_9** · 16-12-2012 12:18 PM

المشاركة الأصلية كتبت بواسطة Moh.El Saady

اكون شاكر لحضرتك جدا لو قولتلي ايه هي فئة الكوتش المناسبة للعربية

الاستاذ يقصد ال Speed Rating بتاع الكاوتش, اللى فى النيسان ستوك H ومعناه سرعته المفروض ماتعديش ال 210 كم/س , اما لوعايز اعلى من كده فى ال V وده يستحمل لحد 240 او ال Z وده لفوق ال 240 (مافتكرش طبعا محتاجه عندك) . بس فى الغالب لازم تعرّض الكاوتش لانى مافتكرش فى كاوتش 185 V (والله اعلم)

**د.هشام** · 16-12-2012 12:24 PM

المشاركة الأصلية كتبت بواسطة moh.el saady

شكرا دكتور هشام على رأي حضرتك الصائب بس أحب اعرف الثبات الي حضرتك بتقول عليه ده مع الكاوتش الطبيعي بتاع العربية ؟ ولو حبيت اغير الكاوتش اجيب مقاس ايه بالظبط؟

الثبات اللي انا قولته دا مع الكاوتش اللي جاي مع العربية
بالنسبة لتغيير الكاوتش الاعضاء اللي غيروه ممكن بفيدوك اكثر