أشكرك يا اخى على المشاركة ... طيب مش استنى شويه لحد ما اضمن ان الميه اللى فى التانك خلصت تماماً ؟ وبعدين اروح انظفه ... واجيب بوجيهات رخيصه ليه ؟؟ هيه هتتغير تانى قريب ؟ اجيب حاجه نظيفه احسن
جزاكم الله خيراً
عرض للطباعة
الحمد لله والشكر للهاقتباس:
المشكلة اللى قابلتنى اللى مطلعه روحى طول اليوم السلانسيه عالى جدا عند rpm 1500 على طول
روحت للميكانيكى الصبح ظبطه على حوالى 700
لما بطفى العربية واطلع المفتاح مش عاوزه تطفى خااااااااالص
تفضل حوالى دقيقة كامله أو اكتر عماله تكركر وتعافر علشان متطفيش !!!
الدنيا النهاردة بدأت تتظبط
والتقطيع والتنتيش تقريبا بينتهى
والمشكلة اللى فى الاقتباس طلعت بسبب ان سلك الاكسراتير كان مشدود زيادة عن اللزوم
لما ظبطه السلانسيه بقى طبيعى
والمحرك بقى بيطفى عادى جدا
بتبطل العربية و تشيل مفتاح و لسه دايرة؟؟؟؟
أزاي؟؟
هو لو بتطبل العربية و بتبقى لسه دايرة بتاع كام ثانية كده .. ده يبقى كهربة موتور!! و الي بيظبطها الميكانيكي نفسه!!!
يااااااااااااااااااااه المشكلة دي قبل كده واجهتني.. و كنت حروح في ستيييين داهية بسببها!!!!!!!!!!
دوست على الدواسة و سبتها لقيت العربية بتنعررررررو بتجري زي العبيطة.. أتاري الكابل أتشد و مرجعش!! دوست دبرياج و مورت .. لاقيت الموتور بيعلى بردوا!! و العربية قعدت تقطع!!
فجعة و تعب عصاب محستش بيهم قبل كده!!! و مش فاهم في أيه.. جه في بالي مرة واحدة أنه كابل الأكسراتير .. رحت رفصت دواسة النزين مرتين كده ردت تاني لفوق... :))) و العربية ظبطت =)))
فضلت قاعد بعدها 5 دقايق راكن العربية بحاول أستوعب ده حصل ليه؟؟ :))
كان زمان احيانا بتحصل ثانيه ولا اتنين بعد غلق الكونتاكت وتلاقيها طفت
انما المرة ديه الموضوع كان بشع
بقفل الكونتاكت واشيل المفتاح واقفل العربية بالريموت واغطيها وهيه لسه دايره وبتعافر علشان متطفيش
ملهاش مزاج تطفى
وده بسبب ان السلانسية كان عالى قوى كان rpm فوق 1500 واحيانا 2000
ياساتر يارب
هوه فيه سوسته ولا حاجه فى دوراسة البنزين ؟؟ ممكن تكون علقت عندك
بس انا موضوعى مختلف عن اللى حصلك
الولد الصبى لما ربط سلك الاكسراتير كان شده زياده عن اللزوم كإنى ضاغط برجلى على البنزين
طول ما نا ماشى العربية عاوزه تجرى ومش عارف اهديها الا بالضغط على الدبرياج أو كل شويه أمورها ... كانت حاجه متعبه
ده السلانسيه ده نعمه هههههههههههه
أيوا ماهو الكابل ليه سوسته تحوشة و هو طالع من ورا التابلوه من ورا و داخل على ال بوابة....
الكاوتشة دي علقت!! :)) أتحشرت بين السلك و المجرى بتاعه!! :))
منحوس أناا..مش كده؟؟
:))
بيحصلى حاجات غريبة قوى اليومين
بدأت من يوم ما سير الكاتينه فلت والدنيا باظت
وبعدها حركة الميه اللى حطيتها بدل البنزين فى التانك
أول امبارح لاقيت العربية سخنت والمروحة مشتغلتش والحمد لله اخد بالى فورا قبل ما الميه تغلى لاقيت فيشه التريموستات فيه كلبس مفكوك ركبته والحمد لله ربنا ستر
كنت فى مشوار امبارح والامور طبيعية والعربية تمام وفى حوالى 11 مساءا خلصت مشاويرى وجاى ادور لاقيت نور الصالون بينور وبيطفى لوحده
والكونتاكت منور اجى ادور العربية لاقيها قطعت كهرباء تماماً
نزلت لاقيت احد القواطيش عاوز يتربط عليه كويس .. ربطه والحمد لله اشتغلت من أول تكه
النهاردة الصبح الساعه 7.5 نازل الشغل دورت العربية ومشيت مترين لاقيت الدريكسيون تقيل قوى وبيحدف شمال
وقفت العربية ونزلت لاقيت الفردة الامامية شمال فيها مسمار بارومة وجايه على الارض
لسه الفردة زيرو متحطش فيها لحام من سنتين
من ساعة ما جبت العربية من اكثر من سنتين عمرى ما نزلت الكوريك ولا حطيت الاستبن !!!
وعمرها ما اتخرمت
هوه فيه اليومين دول !!!
الحمد لله على كل حال
شايفين البستم ده شكله عامل ازاى !!
فيه فراغ لأماكن الصبابين علشان لو السير اتقطع
ميحصلش تصادم بين الصبابات والبستم وبالتالى ميحصلش اى مشكلة
حد عنده معلومات عن هذا البستم؟
[img3]http://img542.imageshack.us/img542/8674/urlj.gif[/img3]