أنا روحت بوش السيلندر والصبابات المخرطة لعمل الرودية
عملوا زى ما حضرتك بتقول بس يدويا مش بالشنيور
عرض للطباعة
انا قرأت الموضوع من اوله لحد آخره...
مبدئياً حاسس بيك جدا،...
ربنا يكون في عونك....
نخض عالجد...
اولا كون الدخان الاصود اللي يطلع والهباب ده معناه خليط احتراق غني جدا بالبنزين وفقير في الهوا...
أسباب الموضوع ده ان الكربيراتير مش مظبوط بحيث مسمار الهوا مخنوق ومسمار البنزين مفتوح عالآخر...
او بوجيه او اكتر فاصل وممكن ده سبب رجرجة الماتور اللي حاصله....
او فلتر الهوا مردوم....
طيب الحل ايه؟؟
الحل انك ببساطة لازم تروح لحد بيظبط الكربيراتير ويقيس نسبة الCO في العادم بحيث تتأكد ان خليط الحريق سليم...
ثانيا غلط جدا تمشي والشفاط مشدود... ده بيخلي علبة البيئة تتسد وتبوظ....
وبالمناسبة...
الكاتينه لو خالفه سنه بسيطة تبرجل العربية وتزود استهلاك البنزين...
لو الميكانيكي مش ثقه روح لحد تاني يتأكد من التقسيمه...
نسيت اقولك ان مشكلة لما كنت بتطفي العربية وتفضل دايره ده كان بسبب ان الكهرباء واطيه جدا بزيادة(يعني مش مظبوطه وعايزه تعلى) وده معناه ان الميكانيكي مكنش عارف يظبط الكهرباء اصلا... مش عايز اظلمه ممكن لان الكربيراتير كان فيه مشكلة فعلا...
تحياتي
Sent from my SE Arc S using Forum Runner
الله يكرمك ويبارك فيك يادكتور حازم
شكرا على مشاركتك وشعورك الطيب
سبب المشكلة اللى فى الفيديو ديه طلعت من سلك الشفاط كان مش محطوط مظبوط
الصبى بتاع الكربراتير مكنش عمله صح وكان مشدود شوية ومش مرتاح مكانه
لما روحت للميكانيكى ضبط السلك والمشكلة ديه اتحلت
بس العربية كانت بتبطل كتير على السلانسية سواء باردة أو سخنه بعد كل ده
فرجعت تانى للميكانيكى وفك وش التاكيهات تانى وعمل ضبط للتاكيهات تانى والمشكلة اتحلت
بيقولى لاقيت تاكيهين محملين
وبعدها لاقيت العربية بتطفى وهيه باردة ومش بتطفى وهيه سخنه
عندى نظام شفاط اتوماتيك بالهواء بيرفع الاى بى ام الصبح ولما العربية بتخسن بيفصل اتوماتيك
غيرت كذا حاجه فيه ومفيش فايده كان بيشتغل بمزاجه
لحد ما لاقيت السبب من حته جلده اتغيرت والشفاط اتظبط تمام
والعربية معدتش بتطفى وهيه باردة الحمد لله
المشكلة اللى مقبلانى دلوقتى استهلاك البنزين الكبير
بالنسبة للتقسيمة الميكانيكى ظبطهالى قبل كده ومحصلش مشاكل
مش أول مرة يعملها
لو غلبت وملاقيتش حل هروح لغيره
ياريت تشوف الموضوع ده يادكتور
http://www.nilemotors.net/Nile/330167-a.html
ربنا معاك للاسف العربية لما يتلعب فيها صعب اوي ترجع زي الاول
يا باشا انت شفت علامة اصتدام فالبستم من الصباب هيا دى كلمة جابة صباب لما السير بيقطع بتختلف توقيتات الحركة ما بين البستم والكامة الى هيا مسؤلة عن فتح الصباب وحركة البستم مسؤل عنها الكرنك ازا اختلفة مواعيد الحركة بينهم يحدث اصتدام يرشق الصباب فالبستم ويحدس التلف وازا البستم مقعر لايحدس شيئ عند اختلااف المواعيد فالحركة وبتفرق نسب التقعر بين بستم وبستم حسب وضعيت وش السلندر على سبيل الميثال عندك بستم المية واحد وتلاتين مافهوش تقعر ومع زالك ما بيجبش صباب عند تلف الكاتينة وفيه عربيات كتيرة كدة ويمكن التقعر يكون ملى او خمسة ملى حسب الحاجة اما حكايت ما رديتش تدور دى بتاعت الميكانيكى هوا المتحكم فيها هو لو مش عيزها تدور مش هدور وانا بوصلك معلومة مش اكتر لو مش مقتنع بيها كانى ما قلتلكش حاجة انا طولت شويا معلش شكرا
مش حضرتك قلت ان الميكانيكى فك عشان جابت صباب هل الروديه الى عملتو كان لصباب جديد والا القديم لو الاقديم يبقى فك عالفاضى عشان ياخد مصنعية ووقلك روح اعمل روديه عشان يدارى نفسو لائن جابت صباب يعنى الصباب متنى او مكسور يعنى لازم تغيرو كلو اما طريقة عمل الرودية ممكن بشنيور او عادى بس بشنيور اسرع
لما فكينا وش السلندر الميكانيكى ورانى علامات الإصطدام على البستم الأولانى ... كام خربوش كده وهما باينين على الصورة
بس انا قولتله مش ممكن تكون الخرابيش ديه من المفك اللى كنت بتضبط بيه التقسيمة ؟
قالى لا يابيه ديه من الصباب
وتقريبا آخر بستم كمان فيه خربوش
ولما فك الوش قعد يلف الصبابات وهيه بايته فى مكانه فلا وش السلندر
لاحظت ان فيه صبابين حركتهم الدورانبة مش مظبوطه وفيهم بوش بسيط
والباقى سليم حركته مظبوطه
اللهم انتقم منه لو كان غشاش ومعدوم الضمير وعوض عليا خيراً
بص ياباشا الميكانيكى قالى روح هات صبابين استعمال ووصفلى المكان
قالى الواحد هتلاقيه بعشرة أو 15 جنيه
قالى استنى اما اشوف من الصباب المعوج وافكهم علشان تاخدهم وتجيب نفس المقاس
أنا اللى قولتله مبحبش اجيب حاجه استعمال .. اجيب جديد زيرو احسن
ولا الجديد مش اصلى
قالى الجديد طبعا احسن بس مفيش داعى تدفع 135 جنيه فى طقم صبابات جديد
وممكن تخلص الموضوع بـ 30 جنيه
وقالى لو جبت استعمال هنركبهم على طول
إنا لو جبت جديد هتحتاج تروح المخرطة تعمل روديه وهتجيب طقم كاوتش صبابات الدكتور
المهم من هنا لهنا قولت اغير كله احسن وانظف .. أنا مش هفتح وش السلندر كل يوم
خاصة ان ميكانيكى متخصص تاكيهات فى الاسكندرية كنت بضبط عنده تاكيهات قالى كان قايلى قبل القصة ديه بشهرين عندك صبابات معوجة هيه سبب التكتكه اللى عندك ومحتاج تغير الطقم
فقولت اهيه فرصة
وفعلا صوت العربية بعد تغيير الصبابات اختلف تماماً
بقى انعم واهدى بكتييييييييييير