بالنسبة لكلام الأستاذ حمدى الفنى
انا صعقت لما الميكانيكى قالى العربية جابت صبابات ومكنتش مصدق
لإنى زى ما قولت مذاكر الموضوع ده كويس جدا ... وكنت حريص قوى منه
وحسيت بإن السير مش مفكوك من مكانه فوراً
وكل اللى عملته 3 تكات بسيطة جدا بالمارش علشان أتأكد بس
:U_thin1[1]:
من ضمن الناس اللى كان ليهم حكايات مع الكاتينة أخونا المحترم
mrghost
اللى اختفى فى ظروف غامضة (ياريت اللى يعرفه يطمنا عليه)
المهم عربيته زى عربيتى بالظبط نفس الموديل ونفس النوع
شاهين 1400 سى سى موديل 2004
السير اتقطع منه مرتين وهو ماشى وبسم الله ماشاء الله ربتا يباركله فى عربيته محصلش اى حاجه
ديه أول مرة حصلت معاه
وده رابط الموضوع الأصلى بتاعه
http://www.nilemotors.net/Nile/230511-a.html
بعدها بكام شهر بعد قطع حوالى 8000 كم السير اتقطع منه تانى وبسم الله ماشاء الله محصلش حاجه بردو
وفى ردود نفس الموضوع كان فيه رد لأخونا madaxman
معاه شاهين 1300 سى سى قديمة ربنا يباركله فيها يارب ويحرسهاله من العين موديل تسعينات وده كان رده فى الموضوع
وده رابط الموضوع الأصلى بتاعه
http://www.nilemotors.net/Nile/269989-a.html
بس هوه كان موسوس من الصبابات وده ظهر فى موضوعه عن استهلاك البنزين
وده رابط الموضوع
http://www.nilemotors.net/Nile/289202-a.html
مش عارف بقى انا اتنصب عليا ولا فعلاً الصبابات كان فيها مشكلة ما خاصة انها كانت بتكتك من يوم ما اشتريت العربية من سنتين
اللهم أجرنى فى مصيبتى وأخلفنى خيراً منها
قدر الله وماشاء فعل