العربية تعبتنى قوى
انا رايح جاى عند الميكانيكى وروحى طلعت خلاص
بعد المشاكل اللى قابلتنى واتحلت العربية بقت كويسه نوعا ما بس صوت التاكيهات كان عالى وده طبيعى
وبقى فيه مشكلة فى الدوارة الصبح بالذات
من يوم ما اشتريتها بتدور من أول أو تانى تكة بالكتير
من ساعه الموضوع ده وهيه بقت بتدول من رابع أو خامس تكه
والتسقيف كان رخم قوى ... كل العربيات اللى ركبتها او جربتها فى حياتى لازم اسيايس دواسة البنزين علشان موضوع التسقيف ....عربيتى من يوم ما اشتريتها بسم الله ماشاء الله عمرى ما سمعتها بتسقف وديه حاجه كانت عاملالى انبهار خاصة انى مبحطلهاش غير 80
روحت للميكانيكى قالى هنظبط الكهرباء ونظبط التاكيهات قولتله ماشى
روحتله يوم من أوله واستنينا العربية تبرد وظبط ياعم التاكيهات ... صوت العربية بقى مش مسموع تقريبا بس فيها رجرجه بسيطه على السلانسية وقعد يضبط الكهرباء والسلانسية ويلف حوالين العربية ويشوف الشكمان فايق ولا ايه ... لحد ما قلى كده تمام
جيت اجربها لاقيت التسقيف بقى ارخم من الأول !!!
قالى مليش فيه حطلها بنزين 90
قولتله 90 ايه ياعم ده انا شارى شاهين مخصوص علشان بنزين 80
قالى العربية هتتخنق ومش هعرف أءخر كهرباء اكتر من كده سياسها وحرق على الغيارات
قالى طيب روح نظف كربراتير عند متخصص كربراتير قولتله بلاش حد يعكلى فى الكربراتير ونفتح فى كل المواضيع
بقيت بسوقها وانا نفسيتى تحت الصفر من صوت التسقيف المهبب اللى بسمعه على طول
فضلت رايح جاى عليه كل شويه لحد ما التسقيف خف شوية
بس ظهرت مشكلة ان العربية بترجرج أول ما ادورها والآر بى ام على السلانسيه مش ثابت وبعدين تطفى كل شوية بالذات بالليل وهيه باردة
فضلت رايح جاى عليه
قالى لازم الكربراتير يتنظف .. روحت لبتاع كربراتير لقى مسمار الهوا راسه بايظة ومش راضى يلف لا يفك ولا يربط
قالى مسمار الهواء بايظ ولو معرفناش نطلعه هتحتاج قاعده كربراتير جديد
ومش هتلاقيها هتجيب كربراتير جديد !!!
قولتله ياخبر اسود كربراتير جديد انت بتتكلم ازاى ده انا عمرى ما اشتكيت من الكربراتير ولا حد لمسه قبل كده !!!
هكمل فى المشاركة الجايه علشان تعبت
:hitwall3: