إستفسار بخصوص Honda Civic 93 Hatchback

**zrzr1** · 17-12-2012 12:18 PM

المشاركة الأصلية كتبت بواسطة belladona

طيب ما انا بعمل عمرة اهو بعض ما اخلصها مش هاتبقى كويسة ؟؟ اعتقد الشغل نفسه والخامات الي بتفرق والتقفيل والتليين بعد التشغيل وتبقى تمام انا بقا بحب فتح المتور جدا وارجعه جديد كمان لو فيه تعديل ما كدا كدا لازم هايتفتح يا جماعة بلاش التفكير الرجعي دا زي في مصر لو عربية راشة حوض يبقا ينهار اسود شوف اروربا بيعملو اييه العربية بتتفكك حتة حتة

يباشا لو راشه حوض يعني عامله حادث يعني ابعاد الشاسيه فيها عمرها ماهتزبط زي المصنع, مش تفكير رجعي ولا حاجه, وبرده عمر الميكانيكي المصري ما هيطلع حاجه من تحت ايده زي المصنع ولا اااااااايه؟

**Adham** · 17-12-2012 12:35 PM

موتور زي دة و بيدخن او بيهرب كبس مش حايبقى شنبر و بس, مؤكد حاتلاقي الشمايز فيها خلوص و البساتم متآكلة و طبيعي معها طقم صباب جديد و سبيكة, علشان الموتور لازم يتحكم فوق و تحت كمان و الا مش حايقعد شوية و يفتح تاني

و عن تجربة مافيش عربية هوندا بتشتغل كويس بعد عمرة , حاتلاقية خشن قوي ومش ناعم زي الاول, و مش بيسحب زي الاول, بالبلدي كدة تحس انة بقى لادا مش هوندا, و خلي بالك ان تكاليف عمرتة كبيرة قوي, بستم و صباب و شنبر و سبيكة و مصنعيات و بلاوي تانية حايعمل تمن قريب من تمن الموتور الاستيراد

انا لو منك اريح بالي و اجيب بلوك اخو الموتور اللي فيها (بلوك بالبساتم ) بس فاضي و اركبة في العربية على كل الي فيها , احسن مليووووووووووووووووون مرة من عمره موتور مابتنفعش في هوندا

**Mhmdz** · 17-12-2012 04:53 PM

المشاركة الأصلية كتبت بواسطة AHMED_HAMDY

اول حاجه الاس اي ار بتبقى 1600 سيسي مش 2000 سي سي المكنه اللي موجوده دي ممكن يبقى ال b20b اللي فيها

او فيها Sir 1600 وبيقولك 2000 سيسي

لان انا من الزقازيق كل مروح لميكانيكي يبص على الاس اي ار اما كانت معايا يقولي المكنه دي عارفها ال 2000 سيسي اقوله اه ال 2000 سيسي

فانت اعرف الكود الللي مكتوب في الموتور واتأكد انه هوه اللي في الرخصه الاول وقول الكود هنا

++++++++++++++++++++++++

**Mhmdz** · 17-12-2012 04:57 PM

غير شورت بلوكة احسنلك وريح دماغك

**abo-berry** · 17-12-2012 09:19 PM

فعلا العمرة ماتنفعش مع مواتير الهوندا ، و التكلفة بتبقي قريبة من ثمنه استيراد

**S H @ F T** · 17-12-2012 09:32 PM

العربية دي لو زرقاء يبقى الموتور اللي فيها فرانكشتين انصحك ترميه وتجيب sir

**belladona** · 18-12-2012 01:54 AM

عموما انا اهو بعمل عمرة لمتوري وعمرة كاملة هخلصه واشوف نتيجته العمرة تكلفتها 3000 طيب متور استيراد ومعرفش حالته بيعمل 5500 جنيه طيب عندي سؤال الي بيركب تيربو لمواتير الهوندا كدا كدا المتور اتفتح بعد م بيتقفل بيكون زي الفل لييييييه فهمووووووني يا جماعة طيب عموما انا هخلص واركب واشوف ايه نظامها ولو معجبتنيش بلاها مواتير الهوندا وارجع اركب مواتير الميني تاني تحيااتي

**SAMEH_FOUAD** · 18-12-2012 08:45 AM

معلش ياجماعة اللى بيقول مواتير الهوندا مابتتعمرش والكلام الغريب دة

اقولة لأ انت غلطان

العمرة ليها ثلاث حاجات عشان تنجح

1- قطع غيار نظيفة

2- واحد فاهم يشتغل فيها ويقفلها صح

3- تتلين صح

عملت الحاجات دية اقولة ان شاء الله ماتورك رجع جديد

انا واحد صاحبى معاة سيفيك 96 Vti الماتور ال 1600 جاب سبيكة وطقم شنبر

والله العظيم كلمت الميكانيكى قولتلة يعمل اية بالظبط فى عمرة الماتور دة , والصراحة الميكانيكى كان زى الفل ومتفاهم جدا وقبل منى النصائح لانة مش بتاع هوندا

والحمد لله سنتين اهوة والماتور زى الفل معاة , صوت واداء وسحب واستهلاك ونعومة

اعملوا العمرة صح وماتبخلوش عليها , مش واحد يجيى يركب شنابر تايوانى ولا يابانى مضروب ب 150 جنية ويجيب سبيكة ب200 جنية ويخرط كرنك 0.10 , وتلاقى فى الاخر العربية مكملتش معاة شهرين على بعض ويقولك اصل مواتير الهوندا ماينفعلهاش عمرة

**Adham** · 18-12-2012 10:18 AM

ياسيدي ماشي ماهو انت لو حاتجيب طقم بستم اصلي و شنبر اصلي و سبيكة اصلي و طقم صباب اصلي دول بس غير الحبشتكانات و الجوانات و الذي منة تمنهم اكتر من بلوكة استيراد هههههههههههههههه