حادثة بسبب فرامل برسونا 2012 والمصيبة مفيش قطع غيار فى التوكيل المحترم

**mohamedrabia** · 17-12-2012 10:19 AM

للاسف عربيات محترمة وتوكيل لا يغطي احتياجت ملكيها نفسي اعرف السبب الحقيقي وراء اي سيارة ممتازة بمصر واسعار قطع غيارها المغاليه واحيانا عدم وجودها ولما تروح تدور يقولك استنا لما تيجب عربيه تقطيع

**SonaSteel** · 17-12-2012 10:24 AM

لا حول ولا قوة الا بالله .... ربنا يجيرك في مصيبتك و يخلفك خيرا منها يارب .
طيب انزل الاول لف لفة في الحرفيين اعرف الاسعار سواء جديد ولا مستعمل ..... انا شايف الحمد لله الخبطة موصلتش للسربنتينة ولا حاجة
واستنضف حد يظبطلك الكلام ده كله وميكنش غالي

**Rambo10** · 17-12-2012 11:15 AM

قدر الله وما شاء فعل , ربنا يخلف عليك بالحلال
والحمد لله ان انت بخير
بس فعلا فرامل البروتون وحشة بس مش للدرجة دى
وانا راى من ساعة ماشتريت العربية دى انها واخدة صيت اكتر من حقها

**DESIGNER105** · 17-12-2012 11:27 AM

معلش متزعلش مهما كانت الخسائر فكويس انها جت على اد كده .... وسيبك من التوكيل دول خالص ..سعر غالى وشغل عك فى عك انا ليا تجارب مريره معاهم .... قطع الغيار كلها موحوده بره وبنص التمن ...الفوانيس هتلاقيها فى شاارع دمشق ...والاقصدام ممكن تجيب استيراد نفس لون العربيه ...وعلى فكره حديد الاقصدام مش لازم تغيرو ممكن تستعدلو او حتى سيبو كده مش هيفرق مدام قواعدو سابته وكزلك السدر بيترد ويتزبط عادى ...الفوجات ممكن تتصب على فكره ووالتكلفه لا تزكر عند واحد فى التوفيقية ...اعتقد الفارامل عندك كان فيها مشكله بردو ....

**gadieb** · 17-12-2012 01:44 PM

باشا عربيتك اكيد فيها مشكله فى الفرامل
على فكره انا معايا بيرسونا برضوا وفراملها كويسه مش ممتازه بس كويسه الى حضرتك بتقوله ده مهزله
ربنا يعوض عليك والف مليون حمدالله على سلامتك وانا من انصار انك فبل ما تصلح العربيه روح ارفع عليهم قضيه وطالب بالتعويض لان اى ضرر مستحق التعويض وهو مبدا عام فى القانون المدنى المصرى
وماتنساش تكلم حمايه المستهلك وهما شدين حيلهم اليومين دول
وممكن تشوف اى صحفى او ناشر باى جريده يعملك مقاله تعكنن عليهم
وربنا ستر وحمد الله على سلامتك

**Sehsss** · 17-12-2012 04:09 PM

قدر الله وما شاء فعل، ولازم تاخد حقك من التوكيل بأي طريقة

**a7mad_mo7amad6** · 17-12-2012 10:29 PM

لا لا حول والا قوة الا بالله
اكيد عيب تصنيع ووارد وبيحصل في افخم موديلات عربيات
بس العيب في التوكيل فعلا..انت ممكن تخاطب برتون مالزيا وتقلب الدنيا ويجيلك حقك..بلغهم انك هتبلغ الايزو بالمشكله وقلهم انك هدور على اسم ال Auditorبتاعهم وتقدم فيهم شكوى ده كفيل بانهم يغيرولك العربيه اصلا...
متتخيلش الحاجات ده بتبقى حساسه ازاي وممكن مصانع فيها تتقفل

**gadieb** · 18-12-2012 10:11 AM

المشاركة الأصلية كتبت بواسطة a7mad_mo7amad6

لا لا حول والا قوة الا بالله
اكيد عيب تصنيع ووارد وبيحصل في افخم موديلات عربيات
بس العيب في التوكيل فعلا..انت ممكن تخاطب برتون مالزيا وتقلب الدنيا ويجيلك حقك..بلغهم انك هتبلغ الايزو بالمشكله وقلهم انك هدور على اسم ال auditorبتاعهم وتقدم فيهم شكوى ده كفيل بانهم يغيرولك العربيه اصلا...
متتخيلش الحاجات ده بتبقى حساسه ازاي وممكن مصانع فيها تتقفل

+111111111111111111
فعلا لازم ما يسكتش ويقلب الدنيا الى حكاه ده مهزله